ترکیہ میں 35لاکھ بچے رسمی تعلیم سے محروم

انقرہ (این این آئی) تعلیمی سال 2025-2026 کے ڈیٹا نے ترکیہ کے تعلیمی نظام میں بچوں اور نوجوانوں
کی صورتحال کے بارے میں حیران کن اعداد و شمار کا انکشاف کیا ہے۔ اس انکشاف کے مطابق باقاعدہ براہ راس تعلیم حاصل نہ کرنے والے بچوں اور نوجوانوں کی تعداد 3.5 ملین کے قریب پہنچ رہی ہے۔ یہ تعداد ایک ایسے حساب کے طریقہ کار کے مطابق ہے جس میں تعلیمی اداروں میں غیر رجسٹرڈ افراد کے ساتھ ساتھ متبادل تعلیمی راستوں میں داخلہ لینے والے بھی شامل ہیں۔ترکیہ کی وزارت تعلیم کی طرف سے جاری کردہ تازہ ترین شماریات کے مطابق کسی بھی تعلیمی ادارے میں رجسٹرڈ نہ ہونے والے بچوں کی تعداد تقریبا 1 ملین 934 ہزار ہے۔ اوپن ایجوکیشن سسٹم اور ووکیشنل ٹریننگ سنٹرز میں رجسٹرڈ طلبا کو شامل کرنے پر یہ تعداد بڑھ کر تقریبا 3 ملین 478 ہزار 325 بچوں تک پہنچ جاتی ہے۔ ترکیہ کی قومی تعلیم کی وزارت کے تعلیمی سال 2025-2026 کے تازہ ترین اعداد و شمار کے مطابق 6 سے9 سال کی عمر کے گروپ کے لیے پرائمری تعلیم میں داخلے کی شرح98.46 فیصد رہی۔ مڈل سکول کے مرحلے میں10 سے13 سال کی عمر کے گروپ کے لیے داخلے کی شرح98.16 فیصد رہی۔ 14 سے 17 سال کی عمر کے گروپ کے لیے سیکنڈری سکول کے مرحلے میں یہ شرح مزید گر کر 87.09 فیصد تک پہنچ گئی۔ یہ شرحیں مختلف تعلیمی مراحل میں داخلے کی شرحوں کے درمیان فرق کی موجودگی کی نشاندہی کرتی ہیں جس میں سیکنڈری سکول کے مرحلے تک پہنچنے پر یہ خلا مزید وسیع ہو جاتا ہے۔ یہ معطلی ان اعداد و شمار کے ساتھ مطابقت رکھتی ہے جو روزانہ سکول کی تعلیم سے باہر موجود طلبہ سے متعلق ہیں۔ سکول کی تعلیم سے باہر ہونا تعلیمی ادارے میں عدم رجسٹریشن کی وجہ سے یا دیگر تعلیمی راستوں میں ان کی منتقلی کی وجہ سے ہوسکتا ہے۔ تعلیمی منظرنامہ صرف باقاعدہ سکولوں میں رجسٹرڈ طلبا تک محدود نہیں ہے کیونکہ وزارت کے ڈیٹا سے ظاہر ہوتا ہے کہ اوپن ایجوکیشن سسٹم میں طلبہ کی بڑی تعداد موجود ہے۔ سرکاری ڈیٹا کے مطابق تعلیمی سال 2025-2026 کے دوران اوپن ایجوکیشن کے اداروں میں رجسٹرڈ طلبہ کی تعداد 1,051,493 تک پہنچ گئی۔ اوپن ایجوکیشن روزانہ کی باقاعدہ سکول کی تعلیم سے مختلف ہے کیونکہ یہ طلبہ کو سکولوں میں باقاعدہ حاضری سے مختلف تعلیمی نظام کے ذریعے اپنی تعلیم جاری رکھنے کی اجازت دیتی ہے۔یہ زمرہ براہ راست باقاعدہ تعلیم سے باہر موجود بچوں اور نوجوانوں کے بارے میں گردش کرنے والی کل تعداد کا ایک بنیادی حصہ بناتا ہے۔