گودام سے زیتون آئل اور کیش چوری ہونے کا ڈراپ سین،ملازم ہی چور نکلا

راولپنڈی(سٹی رپورٹر)تھانہ ویسٹریج پولیس کی کارروائی، گودام سے زیتون آئل اور کیش چوری ہونے کا ڈراپ سین،ملازم ہی چور نکلا، ساڑھے 6 لاکھ سے زائد مالیتی زیتون آئل و نقدی برآمد۔باقی تفصیلات کے مطابق تھانہ ویسٹریج پولیس نے کارروائی کرتے ہوئے گودام سے زیتون آئل اور کیش چوری ہونے کا ڈراپ سین کر دیا،گودام کا ملازم ہی چور نکلا، زیر حراست فرد سے ساڑھے 6 لاکھ سے زائد مالیتی زیتون آئل و نقدی برآمد ہوئی، ملازم گودام کی صفائی کرنے آتا تھا جس نے ڈوپلیکیٹ چابی بنوا لی تھی، ویسٹریج پولیس نے تفتیش کا دائرہ بڑھاتے ہوئے گودام کے ملازم کو شامل تفتیش کیا تو ملزم نے واردات کا انکشاف کر لیا، ایس پی پوٹھوہار چوہدری اثر علی کا کہنا تھا کہ ملزم کو ٹھوس شواہد کے ساتھ چالان عدالت کیا جائے گا۔