سرکاری محکموں میں بھرتیوں کے عمل کو شفاف بنانا حکومت کی اولین ترجیحات امجد حسین

گلگت (بیورو رپورٹ)وزیراعلی گلگت بلتستان امجد حسین کے زیر صدارت گلگت بلتستان ٹیسٹنگ سروس کی فعالیت اور استعداد کار میں اضافے کے حوالے سے جائزہ اجلاس منعقدہ ہوا، جس میں صوبائی سیکریٹری سروسز نے گلگت بلتستان ٹیسٹنگ سروس کے حوالے سے تفصیلی بریفنگ دی۔ اس موقع پر وزیر اعلی نے گفتگو کرتے ہوئے کہاکہ سرکاری محکموں میں بھرتیوں کے عمل کو شفاف بناناحکومت کی اولین ترجیحات میں شامل ہے تاکہ حقدار کو اس کا حق ملے اور کسی کے ساتھ ناانصافی نہ ہو۔ بھرتیوں کے عمل میں پیپر کی تیاری اور سرکولیشن کے عمل کو مکمل کمپیوٹرائز کیا جائے۔ محکموں میں خالی آسامیوں کو مشتہر کرنے کے عمل کو غیرضروری تاخیر سے بچانے کیلئے متعلقہ محکمے کو ہدایت کی جائے کہ خالی آسامیوں کو گلگت بلتستان ٹیسٹنگ سروس بھجواکر آسامیاں مشتہر کریں۔ وزیر اعلی نے کہاکہ پولیس کی فزیکل ٹیسٹ کے بعد تحریری ٹیسٹ گلگت بلتستان ٹیسٹنگ سروس کے ذریعے کیاجائے۔