معاشی ترقی کے ساتھ برآمدات میں اضافہ اوالین ترجیح وزیر خزانہ

اوالینکراچی(نیوز ایجنسیاں)وفاقی وزیر خزانہ سینیٹر محمد اورنگزیب نے کہا ہے کہ معاشی ترقی کے ساتھ برآمدات میں اضافہ ہماری ترجیح ہے، حکومت مالیاتی نظم و ضبط اور معاشی استحکام پر توجہ دے رہی ہے،عالمی معاشی حالات کو مدِنظر رکھتے ہوئے معاشی پالیسی بڑھانا ہو گی۔ سرمایہ کاری کے فروغ میں حکومت کا کردار کلیدی ہے ،مقامی سرمایہ کار فعال ہونگے تو بیرونی سرمایہ کاری آئے گی۔ان خیالات کااظہار انہوں نے اقوام متحدہ میں وفاقی وصوبائی حکومتوں کے تحت ”پاکستان کے پائیدار مستقبل میں سرمایہ کاری”فئیر وکانفرنس سے خطاب کرتے ہوئے کیا ۔ محمد اورنگزیب نے کہا کہ معاشی استحکام بنیادی ضرورت ہے، مقامی سرمایہ کار فعال ہونگے تو ملک میں بیرونی سرمایہ کاری آئے گی۔وفاقی وزیر خزانہ نے کہا کہ سرمایہ کاری کے فروغ میں حکومت کا کردار کلیدی ہے، حکومت مالیاتی نظم و ضبط اور معاشی استحکام پر توجہ دے رہی ہے، معاشی ترقی کے ساتھ برآمدات میں اضافہ بھی ہماری ترجیح ہے، ایسی معاشی نمو درکار ہے جو ذمہ دارانہ اور پائیدار ہو، عالمی معاشی حالات کو مدنظر رکھتے ہوئے معاشی پالیسی آگے بڑھانا ہوگی۔ان کا کہنا تھا کہ مہنگائی میں کمی کے لئے معاشی پالیسی کے مثبت اثرات سامنے آرہے ہیں، سرمایہ کاری اور معاشی ترقی کیلئے حکومت اور نجی شعبے کو مل کر کام کرنا ہوگا۔انہوں نے کہا کہ موسمیاتی تبدیلی کے ساتھ آبادی اور بقا کے مسائل پر بھی توجہ دینا ہوگی بات چیت اب کیا اور کیوں سے آگے بڑھ کر کیسے اور کون تک پہنچ گئی ہے، آبادی میں اضافہ اور موسمیاتی خطرات پاکستان کے لئے بقا کے مسائل ہیں، ہماری توجہ اکثر روزمرہ کے مسائل پر مرکوز رہتی ہے، 2047 میں پاکستان جب سو سال کا ہوگا ابادی 40 کروڑ تک پہنچ جائے گی۔اس موقع پر ڈپٹی ریزیڈنٹ یو این ڈی پی وان نگوین نے اپنے خطاب میں کہا کہ پاکستان میں پائیدار ترقی کے اہداف کے حصول کے لیے سرمایہ کاری میں اضافہ ناگزیر ہے، صرف سرکاری وسائل سے ترقیاتی ضروریات پوری کرنا ممکن نہیں، توانائی، پانی، ٹرانسپورٹ، ویسٹ مینجمنٹ ودیگر بنیادی شعبوں میں سرمایہ کاری کے وسیع مواقع موجود ہیں۔پاکستان پیپلزپارٹی کی رہنما سینیٹر شیری رحمان نے کہا کہ سرکاری و نجی شعبے کا مل کر کام کرنا ایک کامیاب ماڈل ثابت ہو رہا ہے،خصوصاً پبلک پرائیویٹ پارٹنرشپ کے ذریعے دونوں شعبے اپنی توانائی اور ریگولیٹری فریم ورک کو یکجا کرسکتے ہیں، پبلک پرائیویٹ پارٹنرشپ کے ذریعے دونوں شعبے اپنی توانائی اور ریگولیٹری فریم ورک کو میز پر لاسکتے ہیں۔
وزیر خزانہ