KP ‘ پی ٹی آئی دور کی 1224ترقیاتی سکیموں کی چھان بین شروع

پشاور(آئی این پی )خیبر پختونخوا حکومت نے پی ٹی آئی دورِ حکومت میں منظور کی گئی سالانہ ترقیاتی سکیموں کی چھان بین شروع کر دی۔سرکاری ذرائع کے مطابق سابق حکومت کے دور میں 1224 نئی ترقیاتی سکیمیں شامل کی گئی تھیں جن کی مجموعی لاگت کا تخمینہ 1ہزار 348ارب روپے تھا جبکہ ان سکیموں کیلئے رواں مالی سال کے بجٹ میں 107 ارب روپے مختص کئے گئے تھے۔ذرائع کا کہنا ہے کہ متعلقہ فورمز سے منظوری حاصل نہ کرنے والی سکیمیں ختم کرنے کا فیصلہ کیا گیا ہے۔زیرِ جائزہ سکیموں میں وزیرِ اعلی سہیل آفریدی اور اسپیکر بابر سلیم کے حلقوں کی سکیمیں بھی شامل ہیں۔مشیرِ اطلاعات خیبر پختونخوا ثمر ہارون بلور کا کہنا ہے کہ تمام ترقیاتی اسکیموں کا جائزہ لیا جا رہا ہے اور اس عمل میں سیاسی اثر و رسوخ کو خاطر میں نہیں لایا جائے گا۔