ڈی پی او اٹک کیپٹن (ر) علی بن طارق کی شہید کانسٹیبل محمد عمران کے اہلخانہ سے ملاقات

اٹک ( ڈسٹرکٹ رپو رٹر ) ڈی پی او اٹک کیپٹن(ر) علی بن طارق کی شہید کانسٹیبل محمد عمران کے اہلخانہ سے ملاقات ، تفصیلات کے مطابق ڈسٹرکٹ پولیس آفیسر اٹک کیپٹن (ر) علی بن طارق نے تحصیل جنڈ سے تعلق رکھنے والے شہید کانسٹیبل محمد عمران کے اہلخانہ سے ملاقات کی، ان کی خیریت دریافت کی اور مسائل سنے، اس موقع پر ڈی پی او اٹک نے شہداء کی عظیم قربانیوں کو خراجِ عقیدت پیش کرتے ہوئے کہا کہ شہداء اٹک پولیس کا فخر اور قوم کا قیمتی سرمایہ ہیں، اٹک پولیس اپنے شہداء کی لازوال قربانیوں کو ہمیشہ یاد رکھے گی، شہداء کے اہلخانہ کی فلاح و بہبود، مسائل کے حل اور ہر ممکن معاونت کی فراہمی ہماری ذمہ داری ہے، جسے ہر صورت یقینی بنایا جائے گا۔