اکمل خان کھٹڑ کا قتل انتہائی افسوسناک اور دلخراش ،سردار رستم ممتاز

واہ کینٹ ( نمائندہ خبریں )مرکزی انجمن تاجران (رجسٹرڈ ) واہ کینٹ کے سینئر نائب صدر سردار رستم ممتاز خان گھٹڑ نے میڈیا نمائندوں سے گفتگو کرتے ہوئے کہا کہ اکمل خان کھٹڑ پر بہیمانہ تشدد اور ان کے مبینہ قتل کے دلخراش واقعے کی شدید ترین الفاظ میں مذمت کی ہے انہوں نے حکامِ بالا سے پرزور مطالبہ کیا ہے کہ اس المناک واقعے کی فوری، غیر جانبدارانہ اور شفاف تحقیقات کرائی جائیں اور اس بہیمانہ فعل میں ملوث تمام ذمہ دار اہلکاروں کو فوری طور پر قانون کے کٹہرے میں لا کر کیفرِ کردار تک پہنچایا جائے سردار رستم ممتاز خان گھٹڑ نے اس مشکل اور غم کی گھڑی میں مرحوم کے اہلِ خانہ کے ساتھ بھرپور یکجہتی کا اظہار کرتے ہوئے کہا کہ انجمن تاجران اور تاجر برادری اس المناک سانحے پر صدمے سے دوچار خاندان کے شانہ بشانہ کھڑی ہے اور لواحقین کو انصاف کی فراہمی تک ہر ممکن اخلاقی و قانونی حمایت جاری رکھی جائے گی