سابق وزیر اعلیٰ حمزہ شہباز سے ن لیگ کے صدر راجہ سرفراز اصغر کی ملاقات

ٹیکسلا (بیوروریپورٹ )پاکستان مسلم لیگ (ن) کے صدر و سابق ٹکٹ ہولڈر حلقہ پی پی 13 واہ کینٹ، راجہ سرفراز اصغر کی سابق وزیراعلیٰ پنجاب میاں حمزہ شہباز شریف سے اسلام آباد میں وزیراعظم آفس میں خصوصی ملاقات ہوئی۔ ملاقات کے دوران خوشگوار ماحول میں باہمی دلچسپی کے امور، ملکی مجموعی سیاسی صورتحال، موجودہ سیاسی حالات اور عوامی مسائل کے حوالے سے تفصیلی تبادلہ خیال کیا گیا۔ اس موقع پر ملک میں جاری سیاسی و معاشی صورتحال، عوامی فلاح و بہبود کے اقدامات اور پاکستان مسلم لیگ (ن) کی سیاسی و تنظیمی سرگرمیوں سے متعلق بھی گفتگو ہوئی۔ راجہ سرفراز اصغر نے حلقہ پی پی 13 واہ کینٹ کے عوام کو درپیش مسائل اور علاقائی امور کے حوالے سے اپنے خیالات کا اظہار کیا، جبکہ میاں حمزہ شہباز شریف نے باہمی رابطوں، عوامی خدمت اور پارٹی کو مزید مضبوط و فعال بنانے کی اہمیت پر زور دیا۔ ملاقات میں اس عزم کا اظہار کیا گیا کہ عوامی مسائل کے حل، جمہوری اقدار کے فروغ اور ملکی ترقی و خوشحالی کے لیے باہمی مشاورت اور رابطوں کا سلسلہ جاری رکھا جائے گا۔