ممبئی(ویب ڈیسک)بالی وڈ اداکار شاہد کپور نے فلم ’پدماوت‘ کی بھرپور کامیابی کے بعد فرمائشیں شروع کردیں اور ان کی ایک فرمائش پر پروڈیوسر کو فلم سے سین نکالنا پڑ گیا۔بھارتی میڈیا رپورٹس کے مطابق شاہد کپور اپی نئی فلم ’بتی گل میٹر چالو‘ کی شوٹنگ میں مصروف ہیں جس میں ان کے ساتھ پہلی مرتبہ خوبرو اداکارہ شردھا کپور جلوہ گر ہوں گی۔فلم کی شوٹنگ کے دوران شاہد کپور کو ایک ‘سین’ پسند نا آیا جس پر انہوں نے شدید ناراضگی کا اظہار کیا اور منظر شوٹ کرنے سے صاف انکار کردیا۔اس دوران انہوں نے ڈیمانڈ کی کہ فلم سے اس سین کو نکالتے ہوئے اسکرپٹ میں تبدیلی کی جائے بصورت دیگر وہ مزید شوٹنگ کا حصہ نہیں بنیں گے۔ شاہد کپور’بتی گل میٹر چالو‘ کیلئے تیار اداکار کی فرمائش کے سامنے پروڈیوسر شری نارائن سنگھ نے گھٹنے ٹیک دیے اور سین نکال دیا۔ایسے میں کہا جائے کہ شاہد کپور بھی مسٹر پرفیکشنسٹ عامر خان کے نقشے قدم پر چل پڑے ہیں تو یہ غلط نا ہوگا کیونکہ وہ بھی ناپسندیدہ سین اپنی فلم سے نکلوا دیتے ہیں۔ اداکار شاہد کپور کا بھی کہنا ہے کہ انہیں اپنی فلم میں ہر سین پرفیکٹ چاہیے۔ یاد رہے کہ فلم ’بتی گل میٹر چالو‘ میں شاہد کپور بھارتی ریاست اترکھنڈ کے ایک سادہ وکیل کا کردار نبھائیں گے، جس کے لیے وہ وہاں کی مقامی زبان کا خاص لب و لہجہ سیکھ رہے ہیں۔
شاہد کپور کے ایک انکار پر پروڈیوسر فلم سے ‘سین’ نکالنے پر مجبور
