حیدر آباد(شوبزڈیسک)بھارتی ٹی وی اداکارہ سوریا سسی کمار کو گھر میں جعلی کرنسی نوٹ چھاپنے کے الزام میں گرفتار کرلیاگیا۔بھارتی ریاست کیرالہ سے تعلق رکھنے والی ٹی وی اداکارہ سوریا سسی کمار کو پولیس نے ان کی بہن اور والدہ سمیت گرفتار کرلیا ہے، ان پر الزام ہے کہ انہوں نے اپنے گھر میں نوٹ چھاپنے کی مشین رکھی ہوئی تھی جس سے وہ جعلی کرنسی نوٹ چھاپ رہی تھیں۔پولیس کا کہنا ہے کہ سوریا کے گھر میں نوٹ چھاپنے کے لیے تمام ضروری سامان موجود تھا پولیس نے سوریا سمیت 8 مزید افراد کو گرفتار کیا ہے جو اس جرم میں شریک تھے، گرفتار ہونےو الے تمام افراد کو جوڈیشل ریمانڈ پر بھیج دیاگیا ہے۔
پولیس حکام کا کہنا ہے کہ اداکارہ کے گھر سے جعلی کرنسی نوٹ، نوٹ چھاپنے کے کاغذ اور پرنٹر سمیت نوٹ چھاپنے میں استعمال ہونے والا دیگر سامان برا?مد ہوا ہے، جب کہ انہوں نے اپنے گھر میں 5 لاکھ کی رقم بھی جمع کر رکھی تھی اور یہ تمام نوٹ جعلی تھے۔ اداکارہ سوریا اور ان کے گھر والوں نے اپنے جرم کا اعتراف کرتے ہوئے کہا ہے کہ وہ جعلی نوٹ چھاپنے کا کاروبار گزشتہ برس ستمبر سے کررہے ہیں۔
