مونٹریال (اے پی پی) وکٹوریہ آزارینکا، شوئی زینگ ، ایلیز مرٹنز اور ڈاریا کاسٹکینا نے راجرز کپ ٹینس ٹورنامنٹ ویمنز سنگلز دوسرے راﺅنڈ میں جگہ بنا لی ۔ کینیڈا میں جاری ایونٹ میں کھیلے گئے ویمنز سنگلز پہلے راﺅنڈ میچز میں وکٹوریہ آزارینکا نے فرانس کی کرسٹینا ملاڈینووچ کو باآسانی 6-0اور6-1سے ہرا کر دوسرے راﺅنڈ میں جگہ بنائی، چینی کھلاڑی شوئی زینگ بھی پہلی رکاوٹ عبور کرنے میں کامیاب رہیں، انہوں نے کریجی کووا کو شکست فاش سے دوچار کیا، جرمن کھلاڑی ایلیز مرٹنز نے ماریا ساکاری کو زیر کر پہلا مرحلہ عبور کیا، پولوچینکووا نے مکہال کو ہرا کر ایونٹ سے باہر کر دیا، بوزرنیسکو نے وانگ کو ہرا کر دوسرے راﺅنڈ کیلئے کوالیفائی کیا۔
