فضل الرحمان کا نواز شریف سے ٹیلیفونک رابطہ،مختلف امور پر تبادلہ خیال

اسلام آباد: جمعیت علمائے اسلام (ف)کے سربراہ مولانا فضل الرحمان نے سابق وزیراعظم نواز شریف سے ٹیلیفونک رابطہ کیا جس میں ملکی سیاسی صورتحال اور اپوزیشن کی تحریک پر تبادلہ خیال کیا گیا۔

یاد رہے کہ کچھ روز قبل ڈی جی آئی ایس پی آر میجر جنرل بابر افتخار نے کہا کہ مسلم لیگ ن کے رہنما محمد زبیر کی  آرمی چیف سےدونوں ملاقاتیں درخواست پر ہوئیں، پہلی ملاقات اگست کے آخری ہفتے جبکہ دوسری ملاقات 7 ستمبر کو ہوئی ،جس میں نواز شریف اور مریم نواز سے متعلق بات چیت ہوئی،ملاقات کے دوران آرمی چیف نے کہا نواز شریف اور مریم کے معاملات عدالتوں میں ہی حل ہوں گے، پاک فوج کا سیاست سے کوئی تعلق نہیں۔