اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح صفر اعشاریہ تین پانچ فیصد ریکارڈ کی گئی۔ پاکستان میں کورونا کے تصدیق شدہ کیسز کی تعداد 15 لاکھ 27 ہزار 326 ہوگئی۔ این آئی ایچ کے تازہ ترین اعدادوشمار کے مطابق گذشتہ 24 گھنٹوں کے دوران 78 نئے کیسز رپورٹ ہوئے، پنجاب میں 5 لاکھ 5 ہزار 690، سندھ میں 5 لاکھ 76 ہزار 570، خیبرپختونخوا میں 2 لاکھ 19 ہزار 385، بلوچستان میں 35 ہزار 483، گلگت بلتستان میں 11 ہزار 735، اسلام آباد میں ایک لاکھ 35 ہزار 157 جبکہ آزاد کشمیر میں 43 ہزار 306 کیسز رپورٹ ہوئے۔
کورونا وائرس: 24 گھنٹے میں مزید ایک شخص کا انتقال، 78 نئے مریض رپورٹ
