سیہون شریف کے قریب تیز رفتار بس نے کار کو ٹکر مار دی، ماں بیٹا جاں بحق، 2 افراد زخمی

لاہور: (ویب ڈیسک) سیہون شریف انڈس ہائی وے کے قریب تیز رفتار بس نے کار کو ٹکر مار دی جس کے نتیجے میں ماں بیٹا جاں بحق اور دو افراد زخمی ہو گئے۔
ریسکیو ذرائع کے مطابق حادثے کی شکار کار مکمل تباہ ہو گئی، جاں بحق اور زخمیوں کو سید عبداللہ شاہ انسٹیٹیوٹ آف میڈیکل سائنسز منتقل کر دیا گیا ہے، مرنے والے افراد کی شناخت ہادی بخش انصاری اور سدرہ انصاری کے نام سے ہوئی ہے۔
ذرائع کے مطابق حادثے کا شکار خاندان دادو سے واپس کراچی کی طرف کار میں جا رہے تھے۔