اروشی روٹیلا کون ہے، میں نہیں جانتا،نسیم شاہ

دبئی: (ویب ڈیسک) قومی کرکٹ ٹیم کے فاسٹ بولر نسیم شاہ نے کہا ہے کہ اروشی روٹیلا کون ہے، میں نہیں جانتا، میرا دھیان صرف میچ کی طرف ہوتا ہے۔
میڈیا سے گفتگو کرتے ہوئے انہوں نے کہا کہ لوگ مجھے اکثر ویڈیوز بھیجتے رہتے ہیں، تاہم مجھے نہیں اندازہ کہ یہ کون ہیں؟
انہوں نے کہا کہ میرے میں کچھ خاص نہیں مگر لوگوں کا شکریہ ادا کرتا ہوں جو مجھے دیکھنے آتے ہیں اور عزت دیتے ہیں۔
نسیم شاہ نے کہ بہت خوشی ہوتی جب آپ کے علاقے کے لوگ نکلتے اور جشن مناتے ہیں۔
انہوں نے کہا کہ جب چھوٹا ہوتا تھا تو پاکستان بھارت سے ہارتا تھا تو میں روتا تھا، اللّٰہ نے میرے سے وہ کام کروا دیا جس سے پاکستان کا نام بلند ہوا۔
خیال رہے کہ گزشتہ دنوں بھارتی اداکارہ اروشی روٹیلا نے بھارت کی پاکستان کے ہاتھوں شکست کے بعد نسیم شاہ کی ویڈیو اسٹوری شیئر کی تھی۔
جس پر سوشل میڈیا صارفین نے انہیں تنقید کا نشانہ بناتے ہوئے کہا تھا کہ وہ خبروں میں رہنے کے لیے اس طرح کی حرکتیں کر رہی ہیں۔