امریکی صدر جوبائیڈن کی راستہ بھولنے کی نئی ویڈیو سامنے آگئی

واشنگٹن: (ویب ڈیسک) امریکی صدر جوبائیڈن کی غائب دماغیاں جاری ہیں، ایک ویڈیو کلپ میں ان کی نئی غلطی سامنے آگئی، دیکھا جا سکتا ہے جوبائیڈن وائٹ ہاؤس کے لان میں درخت لگانے کی مہم میں حصہ لینے کے بعد اپنا راستہ بھول گئے۔
برطانوی اخبار کے مطابق امریکی صدر جوبائیڈن وائٹ ہاؤس میں درخت لگانے کی تقریب کے دوران کنفیوژ ہوکر ایک سمت بڑھے پھر گارڈز سے پوچھا کہ کس طرف جانا ہے۔
گارڈز نے صحیح سمت کی طرف اشارہ کیا تو بائیڈن نے کہا کہ میں دوسری سمت جانا چاہ رہا تھا، گارڈز نے جواب میں تصدیق کی کہ وہ واقعی غلط سمت پر تھے، آخر کار بائیڈن گارڈز کے بتائے راستے پر وائٹ ہاؤس کی طرف روانہ ہوگئے۔