کراچی: (ویب ڈیسک) کراچی میں ہونے والے بلدیاتی انتخابات کے نتائج میں اعتراضات پر امیدواروں کی درخواست پر مختلف حلقوں میں ووٹوں کی دوبارہ گنتی کا عمل جاری ہے۔
کراچی کے علاقے صفورا کی یو سی 8 میں ووٹوں کی دوبارہ گنتی کی گئی جس کے نتیجے میں چیئرمین اور وائس چیئرمین کے لیے پی ٹی آئی کے امیدوار کو فاتح قرار دیا گیا جبکہ ابتدائی طور پر فاتح قرار دی گئی جماعت اسلامی دوسرے نمبر پر آ گئی۔
ادھر پی ٹی آئی کی جانب سے ضلع دادو میں انڈس ہائی وے پر 41 گھنٹوں سے جاری دھرنا ختم کر دیا گیا، پی ٹی آئی رہنما نیاز علی برڑو کی گرفتاری اور میہڑ کے 8 وارڈز کے سرکاری نتائج روکنے کے خلاف انڈس ہائی وے پر دھرنا دیا گیا تھا۔
پی ٹی آئی کے رہنما صداقت علی جتوئی کی جانب سے دھرنا ختم کرنے کا اعلان کرتے ہوئے کہا گیا کہ 8 وارڈز کے روکے گئے سرکاری نتائج جاری کردئیے گئے ہیں اور پی ٹی آئی کے آٹھوں کونسلرز کامیاب قرار پائے ہیں۔
کراچی بلدیاتی الیکشن: ووٹوں کی دوبارہ گنتی پر جماعت اسلامی کی ایک اور نشست کا نتیجہ تبدیل
