برطانیہ : اساتذہ کا بدھ کو ہڑتال کا اعلان، دیگر محکموں کے ورکرز کی بھی حمایت

لندن : (ویب ڈیسک) برطانیہ میں ایجوکیشن سیکرٹری اور ٹیچرز یونینز کےمذاکرات ناکام ہونے کے بعد ارکان نے بدھ کو ہڑتال کا اعلان کردیا۔
رپورٹس کے مطابق تنخواہوں اور دیگر مراعات کیلئے ہڑتال سے 23 ہزار سے زائد سکولوں میں تعلیمی سلسلہ متاثر ہوگا، ٹیچرز کی ہڑتال کیساتھ دیگر محکموں سے وابستہ 50 لاکھ ورکرز بھی ہڑتال پر ہونگے۔
ٹرین ڈرائیورز، سرکاری ملازمین، یونیورسٹی لیکچرارز اور بس ڈرائیورز کیساتھ 7 ٹریڈ یونینز سے منسلک سکیورٹی گارڈز بھی ہڑتال کرینگے۔
دوسری جانب فائر فائٹرز نے بھی تنخواہوں کے تنازع پر ہڑتال کے حق میں ووٹ دے دیا۔