ایل ڈبلیو ایم سی کے ان پڑھ موٹروہیکل انسپکٹرز نے کرپشن کے ریکارڈ توڑ دیے ، گھوسٹ ملازمین کی بھرمار ، لاکھوں کا پٹرول ڈیزل روزانہ چوری ہونے کا انکشاف

لاہور:(افضل سیال) ایل ڈبلیو ایم سی چلڈرن ورکشاپ کے موٹروہیکل انسپکٹرز کی کرپشن کہانی روزنامہ خبریںچینل فائیو کے زبانی ، گلبرک ٹاون اور نشتر ٹاون کے ان پڑھ موٹروہیکل انسپکٹرز Fleetمینجر عائشہ نذیر کی سرپرستی میں لاکھوں روپے کا ڈیزل اور پٹرول روزانہ چوری کرنے لگے ،موٹروہیکل انسپکٹرزملک صدیق ، محمد رمضان ،اکرم اور قمر زمان نے کرپشن کے ریکارڈ توڑ دیے ،گھوسٹ ملازمین کی مد میں بھی لاکھوں روپے کی تنخواہیں ہڑپ کرنے لگے ،ذرائع کے مطابق ان پڑھ انسپکٹرز فیول چوری سے حاصل ہونے والی رقم کا حصہ سنیئر مینجرFleet منیب الرحمان کو بھی پہنچاتے ہیں تاکہ سنئیر افسران کے سامنے سب اچھا ہے کی رپورٹ دی جا سکے ، تفصیلات کے مطابق گلبر ک اور نشتر ٹاون میں تقریبا 250ڈرئیورز اور ڈیڑھ سو ورکرز ہیں ، جبکہ فلیڈمیں گاڑیاں صرف ایک سو کے لگ بھگ جاتی ہیں باقی ملازمین گھر بیٹھ کر تنخواہیں لیتے ہیں اور ورکشاپ مین کھڑی گاڑیوں کا فیول ملازمین ہڑپ کرکے ماہانہ کروڑوں روپے کا نقصان سرکاری خزانے کا کررہے ہیں ، خبریں کو ملنے والی معلومات کے مطابق گلبرک ٹاون کے ان پڑھ موٹروہیکل انسپکٹر ملک صدیق اور محمد رمضان ڈرئیورز اور پٹرول پمپ مالکان سے ملکر روزانہ ہر گاڑی سے پانچ سے دس لیٹر ڈیزل اور پٹرول چوری کرنے لگے ، نشتر ٹاون کے موٹروہیکل انسپکٹر اکرم اور قمر زمان روزانہ دو سو گاڑیوں کا پٹرول اور ڈیزل چوری کرکے لاکھوں روپے کی کرپشن کرتے ہیں ان پڑھ انسپکٹرز نے پٹرول اور ڈیزل کے حساب کتاب کے لیے پرائیوٹ منشی بھاری تنخواہوں پر رکھے ہوئے ہیں جو لاکھوں روپے کے روزانہ گھپلے کرکے متعلقہ افسران و ملازمین کی جیبیں بھر رہے ہیں ، کرپشن اور لاقانونیت کی انتہا کرتے ہوئے انسپکٹرز نے سرکاری پٹرول کا حساب کتاب پرائیوٹ منشیوں کے ھوالے کررکھا ہے ، ذرائع نے روزنامہ خبریں اور چینل فائیو کو بتایا کہ ایل ڈبلیو ایم سی چلڈرن ورکشاپ کے موٹروہیکل انسپکٹرز ڈرہیورز اور پٹرول پمپ مالکان کے ساتھ ملکر ماہانہ ہزاروں لیٹر پٹرول اور ڈیزل چوری کرتے ہیں،آڑھائی سو ڈرئیوراور ڈیڑھ سو ورکر ز میں صرف آدھا سٹاف کام پر جاتا ہے جبکہ باقی عملہ گھر بیٹھے ان متعلقہ انسپکٹرزکی سرپرستی میں تنخواہیں لے رہا ہے ، موٹروہیکل انسپکٹر درجنوں خراب گاڑیوں کے نام پر بھی جعلی پٹرول اور ڈیزل کے بل پاس کروا کر ہڑپ کرنے میں بھی مصروف ہے ،پٹرول اور ڈیزل چوری ہونے کی وجہ سے گلبرک ٹاون اور نشتر ٹاون میں گندگی کے ڈھیر لگ گئے جبکہ موٹروہیکل انسپکٹر جعلی انٹریاں ڈال کر روزانہ پٹرول چوری اور اعلی افسران کو سب اچھا ہے کی رپورٹ بھیج کر مال بناو پالیسی پر گامزن ہیں روزنامہ خبریں اور چینل فائیو کی ٹیم نے پٹرول اور ڈیزل چوری ہونے کا کھوج لگا لیا ،موٹروہیکل انسپکٹر کچرہ اٹھانے کے لیے سو گاڑیاں فیلڈ میں بھیج کر دو سو گاڑیوں کا ڈیزل اور پٹرول کی جعلی بل پٹرول پمب مافیاز سے ملکرکمپنی کو چونا لگا رہے ہیں ، ترجمان ایل ڈبلیو ایم سی کا کہنا ہے کہ کمپنی پٹرول چوری اور گھوسٹ ملازمین کے خلاف کاروائی کرتی رہتی ہے کچھ دن قبل بھی سینکڑون گھوسٹ ملازمین کو نکالا گیا اب بھی ملوث ملازمین کے خلاف کاروائی کی جائے گی ۔۔