لاہور کے مختلف علاقوں میں بارش سے بجلی کا ترسیلی نظام متاثر

لاہور: (ویب ڈیسک) شہر کے مختلف علاقوں میں بارش کے باعث بجلی کا ترسیلی نظام متاثر ہو گیا، لیسکو کے 340 سے زائد فیڈرز ٹرپ کر گئے۔
فیڈرز ٹرپ ہونے و دیگر تکنیکی خرابیوں کے باعث متعدد علاقے بجلی سے محروم ہو گئے، مناواں،علی پارک، نیو شاد باغ، کاہنہ اور کوٹ لکھپت کی بجلی بند ہو گئی۔
کچا جیل روڈ، بیڈن روڈ ،بھٹہ چوک، نادرآباد، ڈیفنس میں بھی بجلی بند ہے، فیصل پارک، داتا نگر، شاد باغ، پرانا کاہنہ اور نشتر کالونی بھی اندھیرے میں ڈوب گئی۔
والٹن روڈ، گلبرگ، مکہ کالونی داتا نگر، باغبانپودہ، امین پارک اور شالیمار کے متعدد علاقوں میں بجلی بند ہے بجلی کی بندش کے باعث شہریوں کو شدید پریشانی کا سامنا کرنا پڑ رہا ہے۔