پاکستان کرکٹ بورڈ (پی سی بی) نے آئی سی سی چیمپئینز ٹرافی 2025 کے میزبان شہروں کو فائنل کر لیا جبکہ ٹرافی کے میچز کراچی، لاہور اور راولپنڈی میں کھیلے جائیں گے۔
ذرائع کے مطابق پی سی بی کے چیئرمین محسن نقوی نے دبئی میں ہونے والی حالیہ آئی سی سی میٹنگ میں چیمپئینز ٹرافی کے میزبان شہروں کی تفصیلات سے آگاہ کیا۔
چیئرمین پی سی بی نے تینوں اسٹیڈیمز کی فوری اپ گریڈیشن کے احکامات بھی جاری کر رکھے ہیں۔
آئی سی سی چیمپیئنز ٹرافی اگلے سال فروری اور مارچ میں پاکستان میں شیڈول ہے۔
پاکستان 1996 کے ورلڈ کپ کے بعد اس سطح کے ایونٹ کی میزبانی کرے گا جس میں دنیائے کرکٹ کی 8 ٹاپ ٹیمیں ان ایکشن ہوں گی۔
