کورنگی کے علاقے سنگر چورنگی کے قریب تیز رفتار واٹر ٹینکر نے 2 افراد کو کچل دیا، جس کے نتیجے میں ایک شخص جاں بحق جبکہ دوسرا شدید زخمی ہوگیا۔ ریسکیو ذرائع کے مطابق دونوں متاثرین کو جناح پوسٹ گریجویٹ میڈیکل سینٹر منتقل کیا گیا۔ حادثے کے بعد مشتعل افراد نے واٹر ٹینکر کو آگ لگا دی، جبکہ ٹینکر کا ڈرائیور موقع سے فرار ہوگیا۔ پولیس نے واقعے کا مقدمہ درج کرکے فرار ڈرائیور کی گرفتاری کے لیے مختلف مقامات پر چھاپے مارنے شروع کردیئے ہیں۔ حادثے کے باعث علاقے میں ٹریفک کی روانی بھی متاثر ہوئی، تاہم پولیس کی کارروائی کے بعد ٹریفک بحال کردی گئی۔
کورنگی میں دندناتے واٹر ٹینکر کی ٹکر ایک شخص جاں بحق، دوسرا شدید زخمی
