نئی دہلی (نیوز ایجنسیاں)بھارتی فوج کے جعلی ان کاؤنٹر کا پردہ فاش کرنے پر پاکستان کی عالمی سطح پر پذیرائی ہورہی ہے جبکہ گودی میڈیا نے میں نہ مانوں کی رٹ لگانا شروع کردی ہے۔ بھارتی فوج کی چنار کور نے 29ستمبر کو نام نہاد آپریشن میں پاکستانی فوجی کو بطور دہشت گرد مارنے کا مضحکہ خیز گمراہ کن دعویٰ کیا ۔30ستمبر کو بھارتی نشریاتی ادارے اے این آئی سمیت دیگر گودی میڈیا نے ایس ایس جی کمانڈو محمد آصف کی تصویر، شناخت اور فوجی پروفائل کا خوب ڈھنڈورا پیٹا۔یکم اکتوبر کو ڈی جی آئی ایس پی آر نے حوالدار(ر) محمد آصف کو میڈیا کے سامنے پیش کر کے ایک اور بھارتی فالس فلیگ کا پردہ چاک کر دیا۔تاریخی ہزیمت پر پردہ ڈالنے کے لئے گودی میڈیا نے مضحکہ خیز انداز میں میں نا مانوں کا پرچار شروع کر دیا۔انڈیا ٹوڈے نے اپنی رپورٹ میں بیانیہ بنایا کہ حوالدار آصف کی شخصی تفصیلات اور شکل تو میچ کر گئیں لیکن اب اس کا ڈی این اے بھی میچ کر کے دکھائیں۔جھوٹے انکائونٹر کی گمشدہ لاش جوانڈین چنار کور کے پاس ہے ، اس گمنام لاش کا فرانزک اور ڈی این اے پاکستان سے طلب کرنا گودی میڈیا کا نہایت احمقانہ تبصرہ ہے۔ حوالدار آصف کی تصاویر اور شاختی کارڈ کو ثبوت بنا کرجھوٹے دعوے انڈین میڈیا اور اداروں نے کئے ، پاکستان نے صرف حقیقت بتائی۔ ہمیشہ کی طرح پاکستان کے حقیقت پر مبنی بیانیے کی بین الاقوامی میڈیا میں پذیرائی ہوئی ۔
پذیرائی
