شہریوںکے مسائل ان کی دہلیز پر حل کرنا پولیس کی اولین ترجیح:فیصل کامران

لاہور (کرائم رپورٹر) ڈی آئی جی آپریشنز فیصل کامران نے کہا ہے کہ شہریوں کے مسائل ان کی دہلیز پر حل کرنا لاہور پولیس کی اولین ترجیح ہے۔ تھانوں کی سطح پر عوامی مسائل کے حل کیلئے موثر نگرانی جاری ہے۔ شہریوں کی شکایات پر فوری ایکشن سے عوامی اعتماد بحال ہو رہا ہے۔ ان خیالات کا اظہار انہوں نے اپنے دفتر میں کھلی کچہری کے دوران کیا۔ کھلی کچہری میں شہریوں نے کرایہ داری، گروی اور کاروباری فراڈ سمیت مختلف نوعیت کی شکایات پیش کیں۔ ڈی آئی جی آپریشنز نے متعلقہ ایس ایچ اوز کو فوری قانونی کارروائی کے احکامات جاری کیے۔ فیصل کامران نے کہا کہ خواتین پر تشدد کے واقعات کسی صورت برداشت نہیں کیے جائیں گے۔ ہر شہری کو ہر صورت انصاف فراہم کیا جائے گا۔ کھلی کچہریوں کا مقصد عوام اور پولیس کے درمیان اعتماد کا رشتہ مضبوط بنانا ہے۔ انہوں نے مزید کہا کہ تمام ایس ایچ اوز شام 03 سے 05 بجے تک تھانوں میں موجود ہوں گے۔ دادرسی نہ ہونے کی صورت میں شہری دوپہر 01 سے 03 بجے میرے دفتر آسکتے ہیں۔