تین مختلف کارروائیاں، دو لیڈی سمیت تین منشیات فروش گرفتار، بھاری مقدار میں منشیات برآمد

تلہ گنگ (نمائندہ خبریں) ایس ایچ او تھانہ ٹمن سب انسپکٹر عدیل صفدر، انچارج پولیس چوکی میال سب انسپکٹر مدثر حسین کی ٹیم کے ہمراہ کارروائی۔ منشیات فروش اظہر عباس ولد محمد زمان سکنہ سگھر کےقبضہ سے 01 کلو 340 گرام چرس برآمد کر کے مقدمہ درج کر لیا، ملزم گرفتار کر لیا گیا۔ ایس ایچ او تھانہ سٹی چکوال انسپکٹر سید عاطف رضا، اسسٹنٹ سب انسپکٹر عامر بلال کی ٹیم کے ہمراہ چیکنگ کے دوران (ش) نامی منشیات فروشہ زوجہ عامر سکنہ ضلع کوٹ ادو حال تلہ گنگ کے قبضہ سے 01 کلو 130 گرام چرس برآمد کر کے مقدمہ درج کر لیا، ملزمہ گرفتار کر لی گئی ۔ دوسری کارروائی میں سب انسپکٹر عامر شفیق کی ٹیم کے ہمراہ دوران چیکنگ (ش) نامی منشیات فروشہ زوجہ محبوب حسن سکنہ ضلع کوٹ ادو کے قبضہ سے 01 کلو 155 گرام چرس برآمد کر کے مقدمہ درج کر لیا، ملزمہ گرفتار کر لی گئی ۔ڈسٹرکٹ پولیس آفیسر چکوال کی جانب سے کارروائی کرنے والے افسران کو شاباش دی گئی ۔