غزہ (آئی این پی )مقبوضہ مغربی کنارے کی برزیت یونیورسٹی میں اسرائیلی فورسز نے حملہ کر کے کم از کم 38 فلسطینی طلبہ کی یاد میں قائم یادگار مسمار کر دی۔عرب میڈیا رپورٹ کے مطابق یہ طلبہ اسرائیلی فورسز یا آبادکاروں کے ہاتھوں شہید کیے گئے تھے، طلبہ کی یادگار کی جگہ ایک پودا لگا دیا گیا ہے۔برزیت یونیورسٹی کے طلبہ کے مطابق یہ کارروائی جامعہ میں فلسطینی شناخت اور اجتماعی اظہار کو دبانے کی وسیع مہم کا حصہ ہے۔طلبہ کا کہنا ہے کہ یونیورسٹی میں بار بار چھاپوں، دھمکیوں اور سیاسی سرگرمیوں پر پابندیوں کا سامنا ہے جبکہ جنوری میں فلسطینی قیدیوں کی حمایت میں ہونے والے احتجاج سے قبل بھی طلبہ کو محدود کرنے کی کوششیں کی گئی تھیں۔
