سکیورٹی فورسز نے خیبرپختونخوا اور بلوچستان میں الگ الگ انٹیلی جنس بنیادوں پر کارروائیاں کرتے ہوئے مجموعی طور پر 18 دہشتگردوں کو ہلاک کردیا۔
سکیورٹی ذرائع کے مطابق شمالی وزیرستان میں انٹیلی جنس کی بنیاد پر کارروائی کے دوران دہشتگردوں کی نقل و حرکت کی نگرانی کے بعد ان کے ٹھکانوں کو نشانہ بنایا گیا، جس کے نتیجے میں 13 دہشتگرد ہلاک ہوئے۔
دوسری جانب بلوچستان کے ضلع مستونگ کے علاقوں سیپاست اور کلی گشتاری میں کارروائی کے دوران 5 دہشتگرد ہلاک کیے گئے۔ کارروائیوں کے دوران ہلاک دہشتگردوں کے قبضے سے اسلحہ اور گولہ بارود بھی برآمد کیا گیا۔
سکیورٹی فورسز نے دونوں علاقوں میں مزید دہشتگردوں کی موجودگی کے امکان کے پیش نظر تلاش اور کلیئرنس آپریشنز بھی جاری رکھنے کا اعلان کیا ہے۔ حکام کے مطابق دہشتگردی کے خاتمے کیلئے کارروائیاں جاری رہیں گی۔
خیبرپختونخوا اور بلوچستان میں سکیورٹی فورسز کی کارروائیاں، 18 دہشتگرد ہلاک
