اسلام آباد(ویب ڈیسک) پاناما کیس کے فیصلے کے بعد سپریم کورٹ کی جانب سے نواز شریف کو نااہل قرار دینے کے بعد پاکستان مسلم لیگ نواز کے مشاورتی اجلاس میں وزیراعلیٰ پنجاب شہباز شریف کو وزیراعظم نامزد کردیا گیا۔ وزیراعظم نواز شریف کی زیرصدارت ہونے والے اجلاس میں فیصلہ کیا گیا ہے کہ اگلا وزیراعظم شہباز شریف کو بنایا جائے گا جب کہ 45 دن کے لیے وزیراعظم لانے کی تجویز پر غور کیا گیا۔ اسپیکر قومی اسمبلی ایاز صادق نے بتایا کہ نواز شریف کی نشست پر قومی اسمبلی کے لئے وزیراعلیٰ پنجاب شہباز شریف کو انتخاب لڑایا جائے گا جس کی توثیق مسلم لیگ (ن) کے رہنماو¿ں نے بھی کردی ہے۔اجلاس میں وفاقی وزرا سمیت مسلم لیگ (ن) کے رہنما، گورنر سندھ محمد زبیر دیگر قانونی ماہرین بھی شریک ہیں۔انہوں نے بتایا کہ اجلاس کے دوران نئے وزیراعظم کے حوالے سے تبادلہ خیال گیا گیا جبکہ اس حوالے سے حتمی فیصلہ قانونی ماہرین سے مشاورت کے بعد کیا جائے گا۔اس سے قبل عدالت عظمیٰ نے وزیراعظم نواز شریف کو تاحیات نااہل قرار دیا تھا۔
