تفصیلی فیصلے کے بعد نواز شریف بھی عدلیہ کیخلاف کھل کر سامنے آگئے

اسلام آباد (ویب ڈیسک) احتساب عدالت کے باہر میڈیا سے بات کرتے ہوئے نواز شریف نے کہا کہ ججز بغض سے بھرے پڑے ہیں۔ کل سپریم کورٹ کے تفصیلی فیصلے میں ججز کا غصہ اور بغض ان کے الفاظ میں ڈھل کر سامنے آگیا ہے جو کہ تاریخ کا سیاہ باب بنے گا۔سابق وزیراعظم کا کہنا تھا کہ پچھلے 70 سال میں جب بھی آمر آئے تو ہماری عدلیہ نے کئی سیاہ باب لکھے ہیں اور ٓج کا فیصلہ بھی تاریخ میں سیاہ حروف سے لکھا جائے گا۔قبل ازیں احتساب عدالت کے روبرو نواز شریف نے کہا کہ ان پر عائد تمام الزامات بے بنیاد ہیں اور نیب ریفرنسز بدنیتی و سیاسی انتقام کیلئے بنائے گئے ہیں جب کہ ہمیں فیئر ٹرائل کے حق سے محروم کر دیا گیا ہے۔واضح رہے کہ سپریم کورٹ نے گزشتہ روز پاناما کیس میں فیصلے کے خلاف نظر ثانی اپیل کا تفصیلی فیصلہ جاری کیا تھا جب کہ آج احتساب عدالت نے سابق وزیر اعظم کے خلاف تینوں ریفرنسز یکجا کرنے کی درخواست بھی مسترد کردی ہے۔