لاہور (خبر نگار) پاکستان پیپلزپارٹی کے چیئرمین بلاول بھٹو زرداری نے کہا ہے کہ نواز شریف اصل میں پانامہ کے اصل مسئلے کو کنفیوژ کرکے خود کوبچانا چاہتے ہیں لیکن وہ اس میں ناکام رہیں گے،حدیبیہ پیپر ز مل کیس میں انصاف ہونا چاہیے بلکہ اس کے ساتھ سانحہ ماڈل ٹاﺅن کے کیس کو بھی چلنا چاہیے ،عمران خان کراچی سمیت پورے ملک میں جہاںچاہیں جلسے کریں لیکن کراچی کے عوام انہیں لفٹ نہیں کرائیں گے ، کراچی کے ساتھ ایک عجیب کھیل کھیلا جارہا ہے اور نئی بننے والی جماعتیں عوام کا نہیںبلکہ اپنے مفاد کا سوچ رہی ہیں ،جہانگیر بدر مرحوم کی جدوجہد ،انتھک محنت ،قربانی اور وفاداری ہر سیاسی کارکن کے لئے مشعل راہ ہے ۔ ان خیالات کا اظہار انہوںنے پیپلز پارٹی کے مرکزی رہنما جہانگیر بدر مرحوم کی پہلی برسی کی تقریب میں شرکت کے موقع پر خطاب اور میڈیا سے گفتگو کرتے ہوئے کیا ۔ بلاول بھٹو نے خطاب کرتے ہوئے کہا کہ جہانگیر بدر ایک مسلسل جدوجہد کا نام ہے جو آج کے نوجوانوں کے لئے کسی مثال سے کم نہیں ۔جہانگےر بدر نے اپنی ساری زندگی عوام کی خدمت مےں گزاری ۔ قےد و بند کی صعوبتےں بھی جہانگےر بدر کے عزل کو تبدےل نہ کرسکیں ۔انہوںنے بھٹو شہےد کے مشن کو آگے بڑھاےا ۔انہوںنے اپنی پوری زندگی پارٹی نظریے کی پرچار کرتے ہوئے گزاری ۔ان کی اپنی پارٹی اور قیادت سے وفاداری کسی بھی شک و شبہ بالا تر سے رہی ہے۔ جب ہم آج کی پاکستانی سیاست پر نگاہ ڈالتے ہیں تو ہمیں ایسے سیاسی کارکن بہت ہی کم نظر آتے ہیںجو اپنے نظریات پر قائم رہیں اور انہوں نے کبھی اپنی وفاداری پر سودا بازی نہ کی ہو ۔میری نظر میں جہانگیر بدر کا سب سے بڑا کارنامہ وہ یہ ہے کہ کوٹ لکھپت جیل سے لے کر وفاقی وزیر کے عہدے تک اور ایک عام کارکن سے لیڈر بننے تک ان مین کسی بھی قسم کا کوئی تبدیلی نہیں آئی ۔جہانگیر بدر نے تھڑوں پربیٹھنے سے بھی عار محسوس نہیں کی بلکہ وہ کارکنوں کے جھرمٹ میں بیٹھنے کو ترجیح دیتے تھے شاہد اس لئے خیبر سے کراچی اوراور بولان سے کشمیر گلگت بلتستان تک وہ جیالوں کے دلوں میں بستے ہیں۔ میںسمجھتا ہوں کہ جہانگیر بدر نے او رکچھ کمایا ہو یا نہیںمگر انہوں نے جو عزت اور احترام کمایا وہ نہ ان کی اولاد اورپارٹی کے سچے جیالے کے لئے ایک میراث کی حیثیت رکھتا ہے ۔میں سمجھتا ہوں کہ جہانگیر بدر کی جدوجہد ،انتھک محنت ،قربانی اور وفاداری نہ صرف ہم سب کی بلکہ ہر سیاسی کارکن کے لئے مشعل راہ ہے۔انہوںنے کہا کہ جہانگیر بدر ایثار اور قربانی کے جذبے اورجہدمسلسل کا نام تھے۔ انہوںنے میڈیا کے سوالات کے جوابات دیتے ہوئے کہا کہ میری نظر میںکراچی کے ساتھ ایک عجیب سا کھیل کھیلا جارہاہے او ر جو سیاسی پارٹیاں بنی ہیںوہ اپنے مفادا ت کا سوچ رہی نہیں انہیں کراچی کے عوام سے کوئی سروکار نہیں ۔ پیپلزپارٹی کی پوری کوشش ہو گی کہ ہم کراچی کواونر شپ دیں بلکہ ہم وہاں ترقیاتی کام کرا رہے ہیں۔ انہوںنے سابق وزیر اعظم نواز شریف کی اداروں کے خلاف بیان بازی کے حوالے سے کہا کہ میاںنواز شریف کی یہ کوشش ہے کہ وہ پانامہ کے اصل مسئلے کو کنفیوژ کر دیں اوراس لئے وہ پہلے سے چلنے والے ایشوز بھی اس کے ساتھ ملا رہے ہیں ۔ وہ اپنے آپ کو بچانے کی کوشش کر رہے ہیں لیکن وہ اس میں کامیاب نہیں ہوں گے۔ عوام دیکھ رہے ہیں اور وہ جانتے ہیںپانامہ ایک انٹر نیشنل سکینڈل ہے ۔ انہوں نے حدیبیہ پیپرز مل کیس کے حوالے سے کہا کہ یہ کیس کھلا ہے تو انصاف ہونا چاہیے بلکہ اس کے ساتھ سانحہ ماڈل ٹاﺅن کا کیس بھی چلنا چاہیے ۔انہوںنے عمران خان کے دورے کے حوالے سے کہا کہ خان صاحب کراچی سمیت پورے ملک میں جہاں چاہیں جلسے کریں لیکن جیسے کراچی کے عوام انہیں لفٹ نہیں کرائیں گے اور مسترد کر دیں گے۔
