لاہور(شوبز ڈیسک) حویلیاں میں پی آئی کے اے ٹی آر طیارے کے اندو ہناک حادثے میں جاں بحق ہونے والے جنید جمشید کی یاد میں گلوکارعلی حیدر نے ان کو زبردست خراج عقیدت پیش کیا ہے۔فیس بک پر جاری ایک ویڈیو میں علی حیدر نے ان کی مشہور زمانہ نعت” میرا دل بدل دے “پڑھ کر ان چاہنے والوں کے دلوں میں ان کی یاد تازہ کردی، ویڈیو کو فیس بک پر ہزاروں لوگوں نے دیکھا اور پسند کیا۔علی حیدرنے ویڈیو میں اپنے خیالات کا اظہار کرتے ہوئے کہا ہے کہ جنید جمشید کے بارے میں سوچ کر یقین ہی نہیں آتا کہ ایسا ہوگیا۔، جنید جمشید کو سوچ کر یہ پیسہ عزت شہرت دولت اسٹیٹس سب جھوٹ لگنے لگتا ہے کہ یہ سب بیکار کی چیزیں ہیں۔

لاہور(شوبزڈیسک)اداکارہ نر مانے کہا ہے کہمجھے ہندی سینما انڈسٹری سے متعدد آفرز آچکی ہیں تاہم مجھےبالی وڈ فلموں میں کو ئی دلچسپی نہیں۔ بالی وڈ سے متعدد پیشکش موصول ہوئیں تاہم میں نے وہ مسترد کردیں کیونکہ میںسوشل میڈیا سٹار بننے پر مطمئن ہیں۔انہوں نے مزید کہا کہ میں سوشل میڈیا سٹار ہوں اور مجھے یہی پسند ہے‘ مستقبل میں شوبز میں آنے والے نئے افراد کیلئے ایک پلیٹ فارم تشکیل دینا چاہتی ہیں کیونکہ ایسے افراد کو رکاوٹوں اور مسائل کا سامنا ہوتا ہے جس کی وجہ سے انہیں اپنی صلاحیتوں کے اظہار کا موقع نہیں ملتا۔

ممبئی(شوبز ڈیسک)بولی وڈ کی دبنگ اداکارہ سوناکشی سنہا کا کہنا ہے کہ’ وہ بولی وڈ میں کام کرکے بیحد خوش ہیں اور انہیں ہالی وڈ جانے کی کوئی تمنا نہیں’۔ہندوستان ٹائمز کے مطابق میں بھارتی فلم انڈسٹری کی معروف اداکاراو¿ں پریانکا چوپڑا اور دیپیکا پڈوکون نے حا ل ہی میں ہالی وڈ میں اپنے زیر تکمیل پرو جیکٹس مکمل کروائے ہیں۔ان دونوں کے ہالی وڈ میں کام کرنے کے حوالے سے سوناکشی کا کہنا تھا کہ میں ان کے کام سے خوش ہوں ،انہوں نے اپنے بارے میں بات کرتے ہوئے کہا کہ میں بولی وڈ میں جیسا بھی کام کرتی ہوں اس سے مطمئن ہوں،ہالی وڈ جانے کے بارے میں نہیں سوچتی،مجھے سمجھ نہیں آتا آپ لوگ کیوں مجھے وہاں بھیجنا چاہتے ہیں۔انہوں نے مزید کہا کہ یہاں سے جو بھی ہالی وڈ جاتا ہے یہ سن کر وہ بہت خوش ہوتی ہیں۔

لاہور(شوبزڈیسک ) اداکارہ مایا علی کا شمار پاکستان کی خوبصورت اور باصلاحیت اداکاراو¿ں میں ہوتا ہے اور اب بہت جلد وہ بڑی سکرین پر بھی نظر آئیں گی۔گزشتہ روز علی ظفر نے ٹوئٹر پر اس بات کا علان کیا کہ ان کی آنے والی فلم ”طیفا اِن ٹربل“ میں مرکزی کردار مایا علی کریں گے۔دوسری جانب مایا علی نے بھی انسٹا گرام پر ایک ویڈیو شیئر کی، جس میں یہ جملہ تحریر نظر آیا، ‘مہربانی کرکے ٹریننگ بند کردیں۔ویڈیو کے ساتھ مایا نے اس بات کا اعلان کیا،میں نے اپنے پسندیدہ اداکار علی ظفر کے مدمقابل اپنی پہلی فلم سائن کرلی ہے۔، جس کی ہدایات احسن رحیم دیں گے۔ یاد رہے کہ گزشتہ دنوں علی ظفر نے بھی ٹوئٹر پر اپنی فلم کے نام کا اعلان کرتے ہوئے ایک ویڈیو شیئر کی تھی، جس میں لکھا تھا ‘ٹریننگ کا آغاز کردیا جائے۔”طیفا اِن ٹربل“علی ظفر کی پہلی پاکستانی فلم ہے، جس کا ان کے مداحوں کو بے صبری سے انتظار ہے۔

لاہور(شوبزڈیسک) پاکستان سپر لیگ کے دوسرے ایڈیشن کی افتتاحی تقریب9 فروری کو دبئی میں ہوگی جس میں علی ظفر اور شہزاد رائے کے علاوہ جمیکا سے تعلق رکھنے والے مشہور زمانہ گلوکار شیگی بھی پرفارم کریں گے۔ پاکستان س±پر لیگ ٹو کی افتتاحی تقریب پہلے سے بھی زیادہ دلکش اور رنگا رنگ ہوگی جس میں بڑے بڑے فنکار اپنے فن کا جادو جگائیں گے اور سب کی توجہ کا مرکز جمیکا کے گلوکار شیگی ہوں گے۔ پاکستان کے مایہ ناز گلوکار علی ظفر اور شہزاد رائے بھی تقریب میں پرفارم کریں گے۔

لاہور(شوبزڈیسک)اداکارہ صائمہ نور نے کہا کہ بھارتی فلموں کی نمائش سے خوفزدہ ہونے کی بجائے انکا مقابلہ کر نا ہوگا ‘اگر پاکستان مےں بھی مےعارکو تر جےح دی جائے تو ہم بھی اپنی انڈسڑی کو مضبوط بنا سکتے ہےں‘ نئے ٹیلنٹ کو پروموٹ کرنا وقت کی اہم ضرورت ہے۔ اب ہماری فلمیں اچھی بن رہی ہیں اور اگر ہم اسی طر ح مےعار کے مطابق کام کرتے رہےں تو اس بات مےں کوئی شک نہےں کہ ہم فلم انڈسڑی مےںبھارت کا نہ صرف مقابلہ کر سکتے ہےں بلکہ ان سے مقابلے مےں بہت زےادہ بہتر بھی ہوسکتے ہےں ۔