ہوبارٹ(یوا ین پی) رومانیہ کی مونیکا نکیلسکیو ہوبارٹ اوپن ٹینس ٹورنامنٹ ومینز سنگلز کے کوراٹر فائنل راﺅنڈ میں پہنچ گئیں جبکہ جرمنی کی آندریا پیٹکووک دوسرے راﺅنڈ میں ہار کر ایونٹ سے باہر ہوگئیں۔ آسٹریلیا کے شہر ہوبارٹ میں شروع ہونے والے ڈبلیو ٹی اے ایونٹ میں کھیلے گئے ویمنز سنگلز کے دوسرے راﺅنڈ میں رومانیہ کی مونیکا نکیلسکیو نے انتہائی شاندار کارکردگی کا مظاہرہ کرتے ہوئے بیلجیئم کی کرسٹن فلپکینز کو سٹریٹ سیٹس میں 6-3 اور 6-2 سے ہرا کر ایونٹ کے کوارٹر فائنل راﺅنڈ کے لئے کوالیفائی کرلیا۔
سڈنی(ویب ڈیسک) یسابق ٹینس پلیئر نک لینڈیل کو میچ فکسنگ پر 7 برس پابندی کی سزا دے دی گئی، وہ 2013 میں اس واقعے کے فوری بعد ریٹائر ہوگئے تھے،جرم ثابت ہونے پر انھیں 35 ہزار امریکی ڈالر جرمانہ عائد کیاگیا ہے۔حالیہ سزا کے بعد اب لینڈیل کے دوبار کیریئر شروع کرنے کا کوئی امکان باقی نہیں رہا ہے، انھیں گذشتہ برس نیوساؤتھ ویلز کی عدالت نے بھی ایک ہزار آسٹریلین ڈالر جرمانہ عائد کیا تھا، ٹینس انٹیگریٹی یونٹ ( ٹی آئی یو) کا کہنا ہے کہ لینڈیل پر 2013 میں جونیئر آسٹریلین ایونٹ میں دانستہ طور پر میچ ہارنے کا الزام تھا، ان کے دیگر دو پلیئرز برینڈن والکن اور ایساک فروسٹ بھی اس معاملے پر گرفت میں آئے ہیں، حال ہی میں آسٹریلین اوپن کے جونیئر چیمپئن اولیور اینڈرسن پر بھی میچ فکسنگ کے الزامات عائد ہوئے تھے۔
کراچی(ویب ڈیسک) عدالت نے قومی کرکٹ ٹیم کے سابق مایہ ناز آل راؤنڈر اور کپتان وسیم اکرم کے وارنٹ گرفتاری جاری کردیئے ہیں۔ کراچی کی مقامی عدالت نے وسیم اکرم کے وارنٹ گرفتاری جاری کرتے ہوئے انہیں 17 جنوری کو عدالت میں پیش ہونے کا حکم دیا ہے۔
گگومنڈی(نامہ نگار) گگومنڈی میں ایک اور حواکی بیٹی ظلم کاشکاربن گئی۔ نواحی گاﺅں کی 13/14 سالہ ساتویں کلاس کی طالبہ رخسانہ کوشہنازوغیرہ نے اغواءکرکے چارماہ تک زنجیروں سے باندھے رکھا۔رخسانہ پربیہمانہ تشدداورسرکے بال کاٹ دئیے۔دوروزقبل خسانہ ملزمان کے چنگل سے فرارہوکرگھرپہنچ گئی اوراپنے ورثاءکواپنے اوپرڈھائی جانے والی قیامت سے آگاہ کیا۔متاثرہ بچی اپنے والدین کے ہمراہ خبریں آفس پہنچ گئی۔اطلاع ملتے ہی مقامی پولیس نے رخسانہ بی بی اسکے بیٹے احسان وغیرہ کے خلاف مقدمہ درج کرکے ان کی گرفتاری کیلئے چھاپے مارناشروع کردئیے ہیں۔اس بابت ڈی ایس پی بوریوالاطاہرمجیدنے کہاکہ ملزمان کتنے ہی بااثرکیوں نہ ہوں جلدقانون کی گرفت میں ہوں گے۔تفصیلات کے مطابق گگومنڈی میں ایک اورطیبہ ظلم کاشکاربن گئی۔ گزشتہ روزنواحی گاﺅں245۔ای بی کے رہائشی شوکت علی نے اپنی بیوی اور13سالہ بیٹی رخسانہ جوساتویں کلاس کی طالبہ ہے بتایاکہ چارماہ قبل میری بیٹی رخسانہ کوہماری واقف کارشہنازبی بی اپنے بیٹے احسان اور دو نامعلوم افرادکے ہمراہ کارمیںاس وقت اغواءکرکے لے گئی جب وہ ٹیوشن سے واپس آرہی تھی۔رخسانہ نے بتایاکہ ملزمان مجھے اغواءکرکے ساہیوال لے گئے تھے جہاں سے وہ مجھے لاہورلے گئے اورایک مکان میں میرے پاﺅں میں زنجیرباندھ دیتے تھے اورکام کروانے کی خاطر زنجیرکھول دیتے تھے۔رخسانہ نے کہاکہ شہنازاوراس کابیٹامجھ پربیہمانہ تشددکرتے رہے اورشہنازنے قینچی سے میرے سرکے بال کاٹ دئیے۔رخسانہ جوبات کرتے ہوئے بھی خوف کی وجہ سے سہمی ہوئی تھی نے بتایاکہ دوروزقبل میں اس وقت وہاں سے فرارہونے میں کامیاب ہوگئی جب باہرگیٹ پردودھی دودھ دینے آیا۔شوکت علی اوراس کی بیوی نے روتے ہوئے وزیراعلیٰ پنجاب اورڈی پی اووہاڑی سے انصاف کی اپیل کی ہے۔اطلاع ملتے ہی مقامی پولیس نے مقدمہ درج کرکے ملزمان کی تلاش میں چھاپے مارناشروع کردئیے ہیں۔اس بابت بات کرتے ہوئے ڈی ایس پی بوریوالاطاہرمجیدنے کہاکہ ملزمان کتنے ہی بااثرکیوں نہ ہوں جلدوہ قانون کی گرفت میں ہوں گے۔
یورخ(ویب ڈیسک) کرسٹیانو رونالڈو نے فیفا کی جانب سے سال کے بہترین کھلاڑی کا ایوارڈ بھی جیت لیا۔
لیونل میسی اورفرنچ اسٹرائیکر انٹوئن گریزمین کو شکست رہی، اس سے قبل رونالڈو نے چوتھی بار بیلون ڈی آر ایوارڈ حاصل کیا تھا، جب کہ بہترین خاتون کھلاڑی کا اعزاز امریکا کی کارلی لائیڈ نے جیتا اور اٹلی سے تعلق رکھنے والے انگلش فٹبال کلب لیسٹرسٹی کے کوچ کلاڈیو رینیری سال کے بہترین کوچ قرار پائے۔
لاہور (مانیٹرنگ ڈیسک) سعودی عرب نے اسلامی ممالک کے فوجی اتحاد کی سربراہی کے حوالے سے جنرل (ر)راحیل شریف کی تمام شرائط مان لی ہیں ۔ لیفٹیننٹ جنرل (ر)امد شعیب نے نجی ٹی وی سے خصوصی گفتگو کرتے ہوئے بتایا کہ جنرل (ر)راحیل شریف نے سعودی وزیر دفاع کے سامنے تین شرائط رکھیں تھیں ،جس میں پہلی شرط یہ تھی کہ وہ اتحاد کے کمانڈر ہوں گے کسی کے ماتحت نہیں ہوں گے،دوسری یہ کہ ایران کو اس اتحاد میں شامل کیا جائے گا اور رکن ممالک میں ثالثی کا پورا اختیار ہو گا۔ لیفٹیننٹ جنرل (ر) امجد نے کہا سعودی عرب نے جنرل (ر) راحیل شریف کی تینوں شرائط مان لیں۔ باقاعدہ پروپوزل مارچ تک حکومت پاکستان کو بھیجا جائے گا۔
اسلام آباد(مانیٹرنگ ڈیسک) سپریم کورٹ آف پاکستان میں پاناما لیکس کے معاملے پر وزیراعظم نواز شریف کے خلاف دائر درخواستوں کی سماعت کے دوران 5 رکنی لارجر بینچ کے سربراہ جسٹس آصف کھوسہ نے عوامی نمائندوں کی اہلیت اور نااہلی سے متعلق آئین کے آرٹیکل 62 اور 63 کے اطلاق پر گذشتہ روز کی آبزرویشن واپس لے لی اور ندامت کا اظہار کیا۔جسٹس آصف کھوسہ کا کہنا تھا کہ انھیں آرٹیکل 62 اور 63 سے متعلق آبزویشن نہیں دینی چاہیے تھی، انہیں اپنے الفاظ پر ندامت ہے اور وہ اپنے الفاظ واپس لیتے ہیں۔ سپریم کورٹ کا کہنا ہے کہ تقریر کی بنیاد پر کسی کو نااہل قرار دینے کی مثال قائم کرنا خطرناک ثابت ہو سکتا ہے ، تقریر پر فوجداری کیس کیسے بن سکتا ہے؟ رقم منتقلی میاں شریف نے کی تو حساب بچوں سے کیسے مانگ سکتے ہیں ؟ عدالت نے سوال کیا کیا تحریک انصاف پاناما کے معاملے سے پیچھے ہٹ رہی ہے ؟؟؟جسٹس آصف سعید کھوسہ کی سربراہی میں سپریم کورٹ کے پانچ رکنی لارجر بنچ نے پاناما کیس کی سماعت کی۔ دوران سماعت جسٹس اعجاز افضل نے سوال اٹھایا کہ کیا تقریر پر کسی کو نااہل کرسکتے ہیں ؟ تقریر کی بنیاد پر کسی کو نااہل قرار دینے کی مثال قائم کرنا خطرناک ثابت ہو سکتا ہے ، وزیر اعظم کی تقریر پر فوجداری کیس کیسے بن سکتا ہے ، ہم وزیر اعظم کی پاناما پیپرز میں ذمہ داری کا جائزہ لے رہے ہیں۔ کیا آپ چاہتے ہیں کہ وزیر اعظم کی قومی اسمبلی میں تقریر پر فیصلہ سنا دیں۔ فیصلہ دینے کے لیے دستاویزات کا جائزہ لینا ضروری ہے ، کیا قانونی معیار پر پورا نہ اترنے والی دستاویزات پر فیصلے دے سکتے ہیں ، آپ کہتے ہیں مریم نواز شریف بینی فشل ہیں وہ کہتی ہیں کہ وہ ٹرسٹی ہیں۔ وزیر اعظم نے اگر کچھ غلط کیا اس کا فیصلہ شواہد کا جائزہ لے کر کریں گے۔ جسٹس آصف سعید کھوسہ نے کہا کہ پہلی تقریر میں وزیر اعظم نے جدہ فیکٹری کے لیے سرمایہ سعودی بینک سے لینے کی بات کی ، دوسری تقریر میں وزیر اعظم نے سعودی بینک اور دبئی سٹیل میں سرمایہ کاری کا ذکر کیا۔ جسٹس اعجاز افضل نے کہا کہ شریف خاندان کا سارا کاروبار میاں شریف کے ہاتھوں میں تھا ، سوال یہ ہے کہ رقم کی منتقلی پر میاں شریف کے بچوں کو قابل احتساب کیسے ٹھہرایا جاسکتا ہے ، کچھ غلط ہوا تو بچوں سے حساب کیسے مانگا جاسکتا ہے۔ نعیم بخاری کا کہنا تھا کہ مریم نواز شریف لندن میں خریدی گئی جائیداد کی بینیفشری ہیں تاہم عدالت کا کہنا تھا کہ یہ بات آپ پہلے بھی کئی مرتبہ کرچکے ہیں لیکن ثبوت بھی تو لائیں۔بینچ کے سربراہ نے ریمارکس دیتے ہوئے کہا کہ اگر یہ ساری جائیداد قطری باشندے کی نکلی تو پھر درخواست گزار کا سارا معاملہ ختم ہو جائے گا۔پاکستان تحریک انصاف کے وکیل نے عدالت کو بتایا کہ وہ بےشک فیصلہ دیتے وقت پاناما لیکس کے معاملے کو زیر غور نہ لائے اور صرف وزیر اعظم کی تقریروں کو سامنے رکھتے ہوئے ا±ن کی نااہلی سے متعلق درخواستوں پر فیصلہ دے۔اس سے پہلے ان درخواستوں کی سماعت کے دوران جب پاکستان تحریک انصاف کے وکیل نے وزیر اعظم کے خلاف حدیبہ پیپرز ملز کے مقدمے کی دوبارہ تحقیقات کرنے کے بارے میں قومی احتساب بیورو کو احکامات جاری کرنے کے بارے میں کہا کہ تو بینچ میں موجود جسٹس اعجاز افضل کا کہنا تھا کہ عدالت مفادِ عامہ کے آرٹیکل 184/3 کے دائرہ کار کو مزید وسیع نہیں کر سکتے، ورنہ ا±سے سمیٹنا بہت مشکل ہو جا? گا۔ا±نھوں نے اپنے ریمارکس میں کہا کہ ماضی میں بھی اس قانون کو وسیع کیا جاتا رہا ہے اور اس حوالے سے سپریم کورٹ نے مختلف فیصلے بھی صادر کیے لیکن ا±ن کے نتائج سب کے سامنے ہیں، کسی بھی فیصلے پر عمل درآمد نہیں ہوا۔بینچ کے سربراہ کا کہنا تھا کہ عدالت نہ کوئی ٹرائیل کورٹ ہے اور نہ ہی کوئی تحقیقاتی ادارہ۔عدالت نے نعیم بخاری کو ایک بار پھر یاد دہانی کرائی کہ وہ جب تک عدالت کی طرف سے پوچھے گئے سوالوں پر بینچ کو مطمئن نہیں کریں گے وہ روسٹرم چھوڑ کر نہیں جا سکتے۔بظاہر تو پاکستان تحریک انصاف کے وکیل نعیم بخاری کے دلائل ختم ہو گئے ہیں لیکن وقفے کے بعد وہ عدالت کے مزید آئنی اور قانونی سوالات کے جواب دیں گے۔خیال رہے کہ اس سے قبل گذشتہ روز پاناما لیکس سے متعلق درخواستوں کی سماعت کرتے ہوئے جسٹس آصف سعید کھوسہ کی سربراہی میں پانچ رکنی بینچ نے اپنے ریمارکس میں پاکستان تحریک انصاف کے وکیل نعیم بخاری کو کیس لندن فلیٹس سے حدیبیہ پیپر ملز کی جانب لے جانے پر تنبیہ کی تھی۔پاکستان تحریک انصاف کے وکیل نعیم بخاری نے اسحاق ڈار کا مئی 2000 میں دیا گیا منی لانڈرنگ سے متعلق اعترافی بیان پڑھ کر سنایا اور کہا کہ 1999 میں مریم اور حسین نواز حدیبیہ مل میں ڈائریکٹر تھے۔بینچ نے اپنے ریمارکس میں نعیم بخاری کو کہا تھا کہ حدیبیہ پیپر ملز کے متعلق ریفرینس نیب کے پاس دائر کیے جائیں۔نعیم بخاری نے اپنے دلائل میں کہا کہ مریم نواز شریف اپنے والد کے زیر کفالت ہیں اور اس بات کو ثابت کرنے کے لیے بہت مواد موجود ہے۔
زیورخ (اے پی پی) فٹ بال کی عالمی تنظیم (فیفا) نے ورلڈکپ فٹ بال ٹورنامنٹس میں ٹیموں کی تعداد 32 سے بڑھا کر 48 کرنے کا اصولی فیصلہ کر لیا، اطلاق 2026ءکے ورلڈ کپ سے ہوگا۔افریقی اور ایشیائی ممالک کی ٹیموں بھی عالمی ٹائٹل کی دوڑ میں شمولیت کے امکانات روشن ہو گئے، پہلے مرحلے میں تین ٹیموں پر مشتمل 16 گروپس ہوں گے جس کے بعد ناک آو¿ٹ کا مرحلہ کھیلا جائے گا، ورلڈ گورننگ باڈی نے اپنے اجلاس میں متقفہ طور پر ٹیموں کی تعداد بڑھانے کے حق میں ووٹ دیئے۔ منگل کو فیفا کی گورننگ باڈی کا اجلاس ہوا جس میں ورلڈکپ ٹورنامنٹس میں ٹیموں کی تعداد 32 سے بڑھا کر 48 کرنے کا اصولی فیصلہ کر لیا گیا اور تمام اراکین نے متفقہ طور پر تبدیلی کے حق میں ووٹ دیئے۔ ورلڈ کپ میں شرکت کرنے والے نئی 16 ٹیموں میں افریقی اور ایشیائی ٹیموں کی شمولیت کے امکانات روشن ہو گئے ہیں، پہلے مرحلے میں تین ٹیموں پر مشتمل 16 گروپس ہوں گے جس کے بعد ناک آو¿ٹ کا مرحلہ کھیلا جائے گا۔ رپورٹ کے مطابق نئے فارمیٹ کے مطابق ورلڈ کپ 32 دنوں پر محیط ہوگا، ٹورنامنٹ کے میچز 64 سے بڑھ کر 80 ہو جائیں گے لیکن فائنل میں پہنچنے والی دونوں ٹیمیں سات، سات میچز ہی کھیلیں گی، موجودہ فارمیٹ میں بھی فائنل میں پہنچنے والی ٹیمیں سات میچز ہی کھیلتی ہیں۔ ورلڈ گورننگ باڈی کے صدر گیانی انفینٹینو نے کہا کہ ٹیموں کی تعداد میں اضافے کے باوجود کھیل کا معیار خراب نہیں ہوگا۔ اور ساتھ ساتھ فیفا کو تقریباً ایک ارب ڈالر کی اضافی آمدنی بھی ہوگی۔ واضح رہے کہ ورلڈکپ کی تاریخ میں پہلا ٹورنامنٹ 1930ءکو منعقد ہوا تھا جس میں 13 ٹیموں نے شرکت کی تھی اور اس کے بعد مختلف ادوار میں ان میں اضافہ کیا جاتا رہا، آخری بار 1998ءمیں ٹیموں کی تعداد 24 سے بڑھا کر 32 کی گئی تھی
آکلینڈ(نیوزایجنسیاں)آکلینڈ مینز کلاسک ٹینس ٹورنامنٹ کے ڈبلز میں اعصام الحق اور پولش پلیئر مارسن میٹووسکی نے ابتدائی میچ جیت کر کوارٹر فائنل میں جگہ بنالی۔فورتھ سیڈ جوڑی نے پہلے راو¿نڈ میں امریکی جوڑی جون اسنر اور ریان ہیریسن کوشکست سے دوچارکیا، پہلے راو¿نڈ کے میچ میں پاک پولش جوڑی نے امریکی جوڑی جون اسنر اور ریان ہیریسن کیخلاف دلچسپ مقابلے میں 6-7 (7/4) اور1-6 سے فتح سمیٹی، سیمی فائنل میں پہنچنے کیلیے اب اعصام الحق اور میٹووسکی کو میکسیکو کے سانتیاگو گونزالز اور اسپیشن پلیئر ڈیوڈ ماریرو کے چیلنج کا سامنا رہے گا۔
برسبین (اے پی پی) بابر اعظم، شرجیل خان اور عمر اکمل کی شاندار نصف سنچریوں کی بدولت پاکستان نے کرکٹ آسٹریلیا الیون کو ٹور میچ میں 196 رنز سے ہرا دیا۔ پاکستان ٹیم نے پہلے کھیلتے ہوئے مقررہ 50 اوورز میں 7 وکٹوں پر 334 رنز بناکر کرکٹ آسٹریلیا الیون کو میچ میں کامیابی کے لئے 335 رنز کا ہدف دیا جس کو حاصل کرنے کی کوشش میں کرکٹ آسٹریلیا الیون کی ٹیم 36.2 اوورز میں 138 رنز پر ہی ڈھیر ہوگئی۔ پاکستان کی طرف سے بابر اعظم 98، شرجیل خان 62، عمر اکمل 54 اور شعیب ملک 49 رنز بناکر نمایاں رہے۔ کرکٹ آسٹریلیا الیون کی طرف سے ہنری تھارنٹن اور کیمرون گرین 3,3 وکٹوں کو آﺅٹ کیا۔ پاکستانی باﺅلرز کی عمدہ باﺅلنگ کی بدولت کرکٹ آسٹریلیا الیون کے 8 کھلاڑی دوہرا ہندسہ بھی عبور نہ کرسکے۔ کرکٹ آسٹریلیا الیون کے جوش اینگلش70 رنز بناسکے، پاکستان کی طرف سے حسن علی نے 3، عماد وسیم اور شعیب ملک نے 2,2 جبکہ راحت علی، محمد نواز اور اظہر علی نے ایک ایک کھلاڑی کو آﺅٹ کیا۔ تفصیلات کے مطابق کرکٹ آسٹریلیا الیون کے کپتان ولیم بوسسٹو نے ٹاس جیت کر پہلے فیلڈنگ کا فیصلہ کیا۔ پاکستان کی ٹیم کی طرف سے اسدشفیق اور شرجیل خان نے اننگز کا آغاز کیا۔ اسد شفیق 4 رنز بناکر تھورنٹن کی گیند پر آﺅٹ ہوگئے، شرجیل خان بدقسمتی سے 62 رنز بناکر رن آﺅٹ ہوگئے، شعیب ملک 49 رنز بناکر گرین کی گیند پر اینگلش کے ہاتھوں کیچ آﺅٹ ہوگئے، عمر اکمل 54 رنز بناکر تھورنٹن کی گیند پر اینگلش کے ہاتھوں کیچ آﺅٹ ہوگئے، بابر اعظم 98 رنز بناکر تھورنٹن کی گیند پر سانگہا کے ہاتھوں کیچ آﺅٹ ہوگئے،عماد وسیم 15 رنز بناکر گرین کی گیند پر میریڈتھ کے ہاتھوں کیچ آﺅٹ ہوگئے، محمد نواز 12 رنز بناکر گرین کی گیند پر میریڈتھ کے ہاتھوں کیچ آﺅٹ ہوگئے،محمد رضوان 22 اور اظہر علی 1 رن کے ساتھ ناٹ آﺅٹ رہے یوں پاکستان ٹیم نے پہلے کھیلتے ہوئے مقررہ 50 اوورز میں 7 وکٹوں پر 334 رنز بناکر کرکٹ آسٹریلیا الیون کو میچ میں کامیابی کے لئے 335 رنز کا ہدف دیا۔ کرکٹ آسٹریلیا الیون کی طرف سے ہنری تھارنٹن اور کیمرون گرین 3,3 وکٹوں کو آﺅٹ کیا 335 رنز کے تعاقب میں پاکستانی باﺅلرز کی عمدہ باﺅلنگ کی بدولت کرکٹ آسٹریلیا الیون کی ٹیم 36.2 اوورز میں 138 رنز پر ہی ڈھیر ہوگئی اور اسکے 8 کھلاڑی دوہرا ہندسہ بھی عبور نہ کرسکے۔ ٹی جے ڈین بغیر کوئی رن بنائے، عماد وسیم کی گیند پر ایل بی ڈبلیو آﺅٹ ہوگئے، ثام راپہیل بھی عماد وسیم کی گیند پر ایل بی ڈبلیو آﺅٹ ہوگئے۔، کرکٹ آسٹریلیا الیون کی ٹیم کے کپتان بوسسٹو 3 رنز بناکر حسن علی کی گیند پر کلین بولڈ ہوگئے، پیوکوسکی 10 رنز بناکر حسن علی کی گیند پر اسد شفیق کے ہاتھوں کیچ آﺅٹ ہوگئے،سنگہا 20 رنز بناکر شعیب ملک کی گیند پر شرجیل خان کے ہاتھوں کیچ آﺅٹ ہوگئے، وکٹ کیپر ہنچلیف 4 رنز بناکر شعیب ملک کی گیند پر کلین بولڈ ہوگئے اس موقع پر اینگلش کی اننگز کا بھی خاتمہ ہوگیا اور وہ 70 رنز بناکر اظہر علی کی گیند پر ایل بی ڈبلیو آﺅٹ ہوگئے، سوتھرلینڈ 9 رنز بناکر محمد نواز کی گیند پر اظہر علی کے ہاتھوں کیچ آﺅٹ ہوگئے، تھورنٹن 5 رنز بناکر راحت علی کی گیند پر کلین بولڈ ہوگئے، گرین کرکٹ آسٹریلیا الیون کی ٹیم کے آخری آﺅٹ ہونے والے کھلاڑی تھے جو 8 رنز بناکر حسن علی کی گیند پر شرجیل خان کے ہاتھوں کیچ آﺅٹ ہوگئے، میریڈیتھ 2 رنز کے ساتھ ناٹ آﺅٹ رہے اور یوں کرکٹ آسٹریلیا الیون کی ٹیم 335 رنز ہدف کے تعاقب میں 36.2 اوورز میں 138 رنز پر ہی ڈھیر ہوگئی اور پاکستان نے ٹور میچ میں کرکٹ آسٹریلیا الیون کی ٹیم کو 196 رنز سے ہرا دیا۔ پاکستان کی طرف سے حسن علی نے 3، عماد وسیم اور شعیب ملک نے 2,2 جبکہ راحت علی، محمد نواز اور اظہر علی نے ایک ایک کھلاڑی کو آﺅٹ کیا۔
