کراچی( خصوصی رپورٹ) ماڈل گرل ایان علی کا نام ای سی ایل سے نکالنے کے فیصلے کیخلاف سندھ ہائیکورٹ میں نظر ثانی کی درخواست دائر کر دی گئی۔ درخواست گزار مولوی اقبال حیدر نے درخواست میں مو¿قف اختیار کیا ہے کہ پرویز مشرف اور امریکہ میں تعینات سابق پاکستانی سفیر حسین حقانی عدالتوں کی اجازت سے بیرون ملک گئے لیکن واپس نہیں آئے، اسی طرح ایان علی بھی ملک سے باہر جانے کی صورت میں واپس نہیں آئیں گی، درخواست میں مو¿قف اختیار کیا گیا ہے کہ ای سی ایل سے نام نکالنے کا حکم دینا متعلقہ مقدمے کی سماعت کرنیوالی عدالت کا اختیار ہے۔ اس لئے سندھ ہائیکورٹ اپنے فیصلے پر نظر ثانی کرے۔

لاہور(کلچرل رپورٹر) اداکارہ ارم اعظم کوپروڈیوسر نویدبھٹی کی زیرتکمیل ڈرامہ سیریل”رسم دنیا“کے اہم کردارمیں کاسٹ کرلیا گیاہے جس کی ریکارڈنگ کے لئے وہ آئندہ ہفتے دوبارہ لاہور آئیں گی جہاں ایک ماہ سے ریکارڈنگ جاری ہے جس کی کاسٹ میں ارمینارانا،دیا مغل،نداممتاز،بلال عباس خان،ثمینہ پیرزادہ اور جاویدشیخ سمیت بہت سے دیگر فنکار شامل ہیں۔اس سیریل کا سکرپٹ ظفرمعراج نے لکھا ہے جس کے ڈائریکٹررومی انشاءہیں۔ارم اعظم نے اس بارے میں ”خبریں“کوبتایا کہ میرارول بہت ہی اچھا ہے اور ویسے بھی سیریل کا سکرپٹ چونکہ ظفرمعراج نے لکھا ہے تو اس میں سب کچھ ہی اچھا ہے۔مجھے ایسے کردار زیادہ اچھے لگتے ہیں جو منفردہوں۔ ایک سوال کے جواب میں انہوں نے بتایا کہ کرداروں کے انتخاب کے معاملے پر کبھی کمپرومائز نہیں کرتی ۔ان دنوں آن ایئر سیریل”مقابل“میں بھی میری پرفارمنس پسندکی جارہی ہے ۔جبکہ مجموعی طور پر یہ ڈرامہ پہلے دن سے ہی ناظرین کی توجہ کا مرکز بنا ہوا ہے جس میں آصف رضامیر،کبریٰ خان ،سیفی حسن، صبا حمیداورمحسن عباس حیدر نے اپنے اپنے کردار بہت خوبصورتی سے اداکئے ہیں۔

لاہور (شوبز ڈیسک ) گلوکارہ و اداکارہ راگنی مےوزےکل شو مےں پرفارم کرنے کے لئے ےور پ روانہ ہوگئےں ۔ بتایا گیا ہے کہ گلوکارہ 2ہفتے تک ےورپ کے مختلف ممالک مےں اپنے فن کا مظاہر ہ کرےں گی ،ان کا پہلا شو آج لند ن مےں ہوگا ۔اس کے بعد وہ اٹلی ، فرانس ،جرمنی اورسپےن مےں ہونے والے شوز مےں پرفارم کرےںگی ۔ راگنی دو ہفتے تک ےورپ مےں قےام کرنے کے بعد واپس پاکستان پہنچ جائےں گی ۔

لاہور(شوبز ڈیسک) گلوکارہ حدیقہ کیانی اس ویڈیو میں امیر خسرو کی نظم ‘چھاپ تِلک’ پر پرفارم کرتی نظر آئیں گی۔پاکستان کی نامور گلوکارہ حدیقہ کیانی نے کافی عرصے سے کوئی گانا ریلیز نہیں کیا اور اب ان کی واپسی ایک شاندار گانے کے ساتھ ہونے جارہی ہے۔گلوکارہ ‘وجد’ نامی نئی میوزک البم پر کام کررہی ہیں، جس کے ایک گانے ‘چھاپ تِلک’ کی ویڈیو لوگوں کی توجہ کا مرکز بن رہی ہے۔اس ویڈیو کی چند جھلکیاں آن لائن ریلیز کردی گئیں، جن میں مقبول ڈیزائنر علی ذیشان، ماڈل حسنین لہری اور انوشے مغل بھی حدیقہ کے ساتھ نظر آئے۔حدیقہ کیانی اس ویڈیو میں امیر خسرو کی نظم ‘چھاپ تِلک’ پر پرفارم کرتی نظر آئیں گی، جو ایک روایتی مہندی کی تقریب پر مبنی ہے۔اس گانے کی ویڈیو فوٹوگرافر اور فلم ساز عبداللہ حارث نے بنائی ہے۔جو اس گانے میں مہندی کی تقریب کا جشن پیش کرنا چاہتے تھے، یہ مہندی ایونٹ اور ویڈیو آئمہ جعفر نے ڈیزائن کی، جسے لاہور کی تاریخی یوسف صلاح الدین حویلی میں شوٹ کیا گیا۔

جودھپور( خصوصی رپورٹ ) بالی ووڈ اداکار سلمان خان نے خود کو بیک وقت ہندو اور مسلمان قرار دے دیا۔بالی ووڈ اسٹار سلمان خان، سیف علی خان، سونالی باندرے اور تبو 18 سال پرانے کالے ہرن کے غیر قانونی شکار سے متعلق مقدمے میں جودھپور کی عدالت میں پیش ہوئے جہاں انہوں نے جوڈیشل مجسٹریٹ کے سامنے اپنا بیان ریکارڈ کرایا۔عدالت میں سماعت کے دوران جج کی جانب سے سلمان خان سے کئی سوالات کیے گئے جس پر ایک سوال کے جواب میں ان کا کہنا تھا کہ میں بیک وقت ہندو اور مسلمان ہوں اور میں بھارتیہ ہونے کے باعث ایک بھارتی ہوں جب کہ میں بے گناہ ہوں اور مجھے جھوٹے مقدمے میں پھنسانے کی کوششیں کی جاری ہیں۔

لاس اینجلس(آئی این پی) 89 ویں آسکر ایوارڈز کی نامزدگیوں کا اعلان ہوچکا ہے اور اس بار پاکستان کی پہلی اور واحد خاتون سینماٹو گرافر نوشین دادا بھائی کی فلم کو بھی آسکر کے لیے نامزد کیا گیا ہے۔پاکستانی نژاد سینماٹو گرافر نوشین دادا بھائی کی فلم La Femme et le TGV دا ریل روڈ لیڈی کو لائیو ایکشن شارٹ فلم کے زمرے میں نامزد کیا گیا ہے۔فلم ایک خاتون کے متعلق ہے جو اپنے گھر کے سامنے سے گزرنے والی ٹرین سے ایک انوکھا تعلق قائم کرلیتی ہے۔نوشین دادا بھائی پاکستان کی پہلی اور واحد خاتون سینماٹو گرافر ہیں۔نوشین دادا بھائی نے آسکر ایوارڈ یافتہ ہدایت کارہ شرمین عبید چنائے کے ساتھ بھی کام کیا ہے۔ وہ اس سے قبل مہرین جبار کے ’جیکسن ہائیٹس‘، ’دا گراو¿نڈ بینتھ دیئر فیٹ‘، اور ’جوش۔ انڈپینڈنس تھرو یونیٹی‘ نامی فلموں کی عکس بندی میں بھی حصہ لے چکی ہیں۔آسکر ایوارڈز کی تقریب 26 فروری کو کیلی فورنیا میں منعقد ہوگی۔

ممبئی(شوبز ڈیسک)بولی وڈ کی خوبرو اداکارہ کرینہ کپورگزشتہ ڈیڑھ ماہ قبل ننھے تیمور کی پیدائش کے بعد وزن بڑھ جانے کے باعث موٹی نظر آنے لگی تھیں، ان کے اس روپ نے لوگوں کو حیرت میں مبتلا کر دیا تھا۔لیکن کرینہ بھی فلمی گھرانے سے تعلق رکھتی ہیں ، ان کے لئے وزن کم کرنا کوئی مشکل کام نہیں ،انہوں نے ہمیشہ خود کو فٹ رکھا ہے اس بار بھی انہوں نے کچھ ایسا ہی کیا ہے۔ کرینہ کی حال ہی میں جاری ہونے والی تصاویر نے لوگوں کو دوبارہ حیران کر دیا اور سوچنے پر مجبور کر دیا کہ یہ ڈیڑھ ماہ قبل والی کرینہ ہیں؟۔ بے بو نہ صرف وزن میں کمی لائی ہیں بلکہ میک اوور بھی کیا ہے جس کے بعد وہ پہلے سے بھی زیادہ حسین دکھائی دے رہی ہیں،نئے طرز کا خوبصورت ہئیر اسٹائل ان پر بیحد جچ رہا ہے۔