لاہور (مانیٹرنگ ڈیسک) چینل ۵ کے تجزیوں و تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ محسوس یہی ہوتا ہے کہ چودھری نثار فیصلہ کر چکے ہیں کہ نون لیگ میں دوسرا گروپ بنائیں گے۔ ان کا طرز عمل وہی ہے جو الگ ہونے والوں کا ہوتا ہے۔ پہلے کہتے رہے کہ نوازشریف کے ساتھ دیوار بن کر رہوں گا۔ اب کھل کر سامنے آ گئے ہیں۔ اطلاعات ہیں کہ عنقریب قومی اسمبلی میں ایک باغی گروپ بن جائے گا، چودھری نثار اس کو لیڈ کریں گے یا پیچھے بیٹھ کر نگرانی کریں گے۔ ماروی میمن کے حوالے سے بات کرتے ہوئے انہوں نے کہا کہ یہ پہلی خاتون ہیں جو مشرف دور میں بعیر وردی کے ایڈوائزر بنیں۔ بتایا گیا کہ پرویز مشرف کی مہربانی ہے کہ آئی ایس پی اار میں پہلی دفعہ خاتون ایڈوائزر آئی ہے۔ انہوں نے مزید کہا کہ اسحاق ڈار مالدار آدمی ہیں۔ ناظرین ایک خبر سن کر خوش اور پھر اگلی خبر سن کر افسردہ نہ ہو جایا کریں۔ ابھی زگ زیگ راستہ ہے، حالات سرکس کے جوکر کی طرح ہیں۔ انہوں نے کہا کہ مجھے بہت سارے لوگوں نے کہا کہ جس سپریم کورٹ نے اقامہ کی بنیاد پر سابق وزیراعظم کو نااہل کیا اس کی بنیاد پر کلثوم نواز کو الیکشن لڑنے کی اجازت دیدی اور تمام اپیلیں مسترد کر دیں۔ اگر وہ بیمار ہیں۔ جس طرح کہا جا رہا ہے تو ایسی صورت میں حلف اٹھانے میں تاخیر کی گنجائش ہوتی ہے۔ ان کو تنخواہ کی کوئی ضرورت نہیں وہ تو اراکین پارلیمنٹ کو اپنی جیب سے تنخواہیں دے سکتی ہے۔ انہوں نے کہا کہ مولا بخش چانڈیو نے دھمکی وغیرہ دی ہے ان کو مشورہ دیتا ہوں کہ ایسی حرکت نہ کریں بہت مہنگی پڑے گی۔ ارباب غلام رحیم کو بھی جوتے مارے گئے تھے، ان کا منہ کالا کیا گیا تھا۔ ہو سکتا ہے کہ عمران خان کے پاس تعداد میں لوگ کم ہوں لیکن چانڈیو صاحب پی ٹی آئی کے مردوں کو چھوڑیں ان کی خواتین بہت تیز ہیں اگر ان کے ہاتھ چڑھ گئے تو وہ آپ کی ایسی تیسی کر دیں گی۔ انہوں نے مزید کہا کہ شاہ محمود قریشی سے پی پی خوفزدہ ہے۔ واحد شخص ہے جس کے سندھ میں بہت سارے شہروں میں ان کے آباﺅ اجداد کے ماننے والے رہتے ہیں۔ وہاں اکثریت ان کے والد کی گدی کے مریدوں کی ہے۔ ریلوے سٹیشن سے مرید ان کے والد کے مزار پر ننگے پاﺅں جاتے اور واپس آتے ہیں۔ آبادیوں کی آبادیاں ان کے مریدوں کی ہیں۔ ذوالفقار بھٹو بہادر آدمی تھے لیکن ایک شخص پیر پگاڑا سے ڈرتے تھے کیونکہ وہ سندھ کے پیر تھے۔ پی این اے کے زمانے میں جب سارے لیڈر پکڑ کر جیل میں ڈال دیئے، کچھ کو نظر بند کیا گیا تو اس وقت بھی پیر پگاڑا ٹھاٹھ باٹھ سے رہتے تھے۔ اسی طرح شاہ محمود قریشی ہیں، چیلنج کرتا ہوں کہ سندھ کا کوئی حکمران ان کو گرفتار کر کے دکھائے۔ عمران خان بھی سندھ میں شاہ محمود کے بغیر کبھی کوئی جلسہ نہیں کرے گا۔ انہوں نے کہا کہ آج کل پاک فوج مظلوم ہے۔ نوازشریف نے پوری کوشش کر ڈالی، چھٹے نمبر سے اٹھا کر آرمی چیف بنایا۔ چودھری نثار نے کہا تھا کہ آپ اپنا بندہ سمجھ کر لائے تھے لیکن فوج میں کوئی اپنا نہیں ہوتا۔ آئی ایس آئی موثر ترین ادارہ تھا، نوازشریف نے اس میں بھی اپنے رشتے دار کو سربراہ بنا دیا۔ اس پر بھی سابق وزیر داخلہ نے کہا تھا کہ دونوں کاموں کا آپ کو کوئی فائدہ نہیں ہوا کیونکہ وہ اپنے ادارے کے مخلص ہیں آپ کے نہیں۔ انہوں نے کہا کہ کچھ سیاستدان مارشل لاءکے لئے ایڑھی چوٹی کا زور لگا رہے ہیں کیونکہ موجودہ صورتحال میں وہ عدالتوں کے سامنے پیش نہیں ہونا چاہتے۔ یہ وہی لوگ ہیں جو صبح شام فوج کو تنقید کا نشانہ بنا رہے ہیں لیکن فوج ٹس سے مَس نہیں ہو رہی۔ آرمی چیف کے اعصاب کی داد دینا پڑے گی، ان کو گولڈ میڈل پیش کرنا چاہئے۔ انہوں نے کہا کہ سیاستدان وہی طریقہ کار اپنا رہے ہیں جو ڈان لیکس کی بنیاد تھی کہ ہم دہشتگردوں کو پکڑنا چاہتے ہیں یہ نہیں پکڑنے دیتے، اس پر بھارت نے خوب واویلا مچایا تھا۔ جنرل قمر جاوید باجوہ اور ان کے ساتھی فیصلہ کر چکے ہیں کہ جمہوری عمل کو ختم نہیں کریں گے۔ سپریم کورٹ جو کہے گی اس پر عمل کریں گے مگر بلایا گیا تو عدالت عظمیٰ کی حفاظت کیلئے جائینگے، مارشل لاءنہیں لگائیں گے۔ فوج نے دفاعی کمیٹی کو بھی بریفنگ میں یقین دلایا کہ ہم ہر گز جمہوری حکومت کے راستے میں رکاوٹ نہیں ڈالیں گے۔ کچھ سیاستدان چاہتے ہیں کہ ملک میں فوج مارشل لاءلگا دے پھر بھارت و امریکہ دنیا میں شور مچائیں گے۔ سفارتی سطح پر بے تحاشہ پابندیاں لگائی جائیں گی۔ کہا جائے گا کہ ایک ایسا ملک جو ایٹمی طاقت رکھتا ہے وہاں مارشل لاءسے امن کو خطرہ ہے۔ موجودہ حکومت تو ابھی سے لرز رہی ہے کہ کوئی پابندی نہ لگائیں۔ انہوں نے کہا کہ اگر مارشل لاءلگا تو بھارت سرجیکل سٹرائیک کرے گا، اردگرد کے ممالک مجبور کریں گے۔ چین ضرور ہمارا ساتھ دے گا۔ یو این او اور آئی ایم ایف امریکہ کے ادارے ہیں وہ اس کے کہنے پر چلیں گے۔جبکہ ایم کیو ایم لندن کا کراچی کیلئے اعلان آزادی متوقع ہے ۔

لاہور(مانیٹرنگ ڈیسک)چینل ۵ کے تجزیوں اور تبصروں پر مشتمل پروگرام ”کالم نگار“ میں گفتگو کرتے ہوئے معروف تجزیہ کار مکرم خان نے کہا کہ چوہدری نثار علی خان پر پارٹی کے اندر ایک رسہ کشی کا ماحول ہے وہ نویں مرتبہ رکن منتخب ہوئے ہیں اور چوتھی مرتبہ وزیر بھی aبنے۔ لیکن اس مرتبہ ان کا لب و لہجہ ماضی سے مختلف ہے۔ ہمارے ملک میں موروثیت قائم ہے چودھری نثار علی خان غلطی پر تھے۔ مریم نواز کے بارے ان کا بیان مناسب نہیں تھا۔ مریم نواز نے میاں نوازشریف کی مہم چلائی ہے۔ نظریہ ضرورت کے تحت ہر سیاسی جماعت استعمال ہوتی ہے۔ قومی اسمبلی کے 92 افراد پارلیمنٹ کے اندر ایسے تھے جو چوہدری نثار علی خان کے پلڑے میں وزن ڈالنے کو تیار بیٹھے تھے۔ چودھری نثار کا قریبی رابطہ شہباز شریف کے ساتھ ہیں۔ ہمارے وزیراعظم مہنگے ترین ہوٹل اور گاڑی استعمال کر رہے ہیں۔ غریب ملک کا وزیراعظم ایسے شاہانہ خرچ کر رہا ہے۔ جمہوری ممالک کے سربراہان اپنا اقتدار ختم کرنے کے بعد وہاں عام آدمی کی حیثیت سے رہ رہے ہوتے ہیں بارک اوباما کو دیکھ لیں۔ اس کے برعکس ہمارے لیڈران استدار ختم ہوتے ہی دوسرے ملک فرار ہو جاتے ہیں۔ شاہد خاقان عباسی شاہانہ خرچ پہلی مرتبہ نہیں کر رہے۔ ہمارے لیڈران کو دوسرے ممالک جا کر عوامی حلقے میں نہیں جاتے۔ امریکی صدر عام آدمی کے ساتھ گھل مل رہا ہوتا ہے ٹرم صاحب نے ہمارے کسی لیڈر سے ابھی تک ہاتھ تک ملانا گوارا نہیں کیا۔ اشرف غنی تک ہمارے لیڈر کے ساتھ ملاقات نہیں کی۔ ریحام خان نے دوسرے ملک میں واجبی سی تعلیم حاصل کی پھر وہ ”ویدر پرسن“ بنی پھر اینکر بنی اس کے بعد انہوں نے عمران خان سے شادی کر لی علیحدگی کے بعد انہوں نے راز اگلنا شروع کئے۔ اب سنا ہے کہ پہلے مسلم لیگ کی طرف مائل تھیں لیکن اب پی پی پی میں جانے والی ہیں۔ پی پی پی جوائن کرنے کے بعد شاید وہ عمران خان پر کیچڑ اچھالیں گی۔ روس کے ایک ایٹمی سائنسدان استانیر پیروف انتقال کر گئے جنہوں نے 1983ءمیں ایٹمی جنگ ہوتے ہوئے بچا لی تھی۔ اس کا کہنا تھا کہ اس کی تربیت کی وجہ تھی کہ اس نے ایسا رویہ اختیار کیا۔ معروف صحافی و تجزیہ نگار خالد چودھری نے کہا کہ اقتدار کی جنگ میں کوئی رشتہ داری نہیں ہوتی۔ چودھری نثار علی چاہتے ہیں کہ شہباز شریف ان کے ساتھ آ کر میں اور ہم اپنی قوت دکھائیں لیکن پی پی پی کی تاریخ دیکھتے ہوئے شہباز شریف اس پر راضی نہیں۔ مصطفی کھر بھٹو کے بعد طاقتور سمجھے جاتے تھے۔ ڈاکٹر غلام، کوثر نیازی جب پارٹی سے باہر نکلے تو وہ صفر ہو گئے۔ ووٹ پارٹیوں کے ہوا کرتے ہیں۔ بھٹو دور میں جو ووٹ پی پی پی کا تھا۔ وہی بینظیر بھٹو کو ملا۔ اسی طرح (ن) لیگ کا ووٹ نواز شریف کا ووٹ ہے۔ وہ شہبازشریف یا کسی اور کو نہیں مل سکتا۔ پنجاب میں 1988ءسے ن لیگ کا ووٹ قائم ہے۔ این اے 120 کا الیکشن اسٹیبلشمنٹ نے نہیں لڑا۔ اگر وہ درمیان میں ہوتے نہ فارم (14) ملتا نہ اس طرح معلومات عوام تک پہنچ پاتیں۔ ہر ایم این اے وزیراعظم بننے کا اہل ہے۔ ہمارے سیاستدان عمرہ تک سرکاری خزانے پر کرنے جاتے ہیں۔ ایک مرتبہ اعلان کیا تھا کہ میڈیا کے اپنے خرچے جایا کریں گے لیکن اس پر عملدرآمد نہ ہو سکا۔ حکمران عوام کے ٹیکس پر عیاشی کرنا بند کریں۔ سیاستدان اپنے گریبان میں جھانکیں جب یہ پیدا ہوتے تھے تو منہ میں پلاٹینم کا چمچ لے کر پیدا ہوتے تھے۔ جب ان کا اقتدار ختم ہوا تو یہ پرائیویٹ فلائٹ میں دوسرے ملک چلے جائیں گے۔ سیاست ایسا حمام ہے جس میں سب ننگے ہیں۔ بھگوڑے سیاستدان بھی واپس آ کر رقم کا کچھ حصہ لوٹا دیتے ہیں اور پھر اقتدار پر نظریں رکھتے ہیں۔ مشرف کے پاس کم دولت نہیں۔ ہر ملک اپنا مفاد پہلے دیکھتا ہے۔ مودی کو عرب ممالک میں کیسا پروٹوکول ملا وہ مسلمان تو نہیں تھا، ہمارے ملک کی خواتین مظلوم ہوتی ہیں۔ اسے طلاق ہوئی تو عمران خان بھی طلاق یافتہ ہے۔ توصیف احمد خان نے کہا کہ وقت نے ثابت کیا ہے کہ اقتدار میں آنے کے بعد کوئی کسی کا نہیں ہوتا۔ باپ بیٹے کا نہیں ہوتا۔ بھائی بہن کا نہیں ہوتا۔ اور کوئی بھی کسی کو نہیں بخشتا۔ بادشاہ صرف بادشاہ ہوتا ہے اس کا خاندان نہیں ہوتا۔ وہ پنے خاندان کو بھی نہیں بخشتا شہبازشریف کی کارکردگی پر نواز شریف کا ووٹ بنا ہے۔ چودھری نثار علی خان کبھی بھی وزیراعظم شپ کا امیدوار نہیں رہا۔ وہ پنجاب کی وزارت اعلیٰ کا امیدوار پہلے بھی تھا اور اب بھی ہے۔ (ن) لیگ شہباز شریف کو وزیراعظم بنانا چاہتے تھے۔ شاید فوج بھی اس حق میں تھی پارٹی کے اندر صفائی سے مراد ایسے عناصر ہی ہیں جو پارٹی کے خلاف چل رہے ہیں وزیراعظم دوسرے ممالک جا کر شاہانہ خرچ کرتے ہیں۔ ہمارے ملک سے قرض لینے کیلئے جو وفد باہر جاتا ہے وہ تو 7 سٹار ہوٹل میں رہائش کرتا ہے جبکہ قرض دینے والے آ کر 3 اسٹار سے بڑے ہوٹل میں نہیں ٹھہرتے۔ ریحام خان کو کسی سیاسی پارٹی نے گھاس نہیں ڈالی۔ مسلم لیگ کی طرف گئی تو کسی نے نہ پوچھا۔ جماعت اسلامی کے دھرنے میں گئی تو کسی نے اس کو منہ نہیں لگایا اب اگر وہ پی پی پی کی طرف جاتی بھی ہے تو اسے کچھ نہیں ملنے والا۔ عمران خان پر ڈالنے کیلئے اس کے پاس کچھ بھی نہیں ہے۔امجد اقبال نے کہا مسلم لیگ (ن) کے اندر اس وقت چوہدری نثار علی خان کے اوپر بہت بحث ہو رہی ہے انہوں نے کسی حد تک ٹھیک کہا کہ اپنا گھر ٹھیک ضرور کریں لیکن اس کا پرچار نہ کریں۔ وزیراعظم اور خواجہ آصف کا بیان درست ہے کہ اپنے ملک کو ٹھیک کرنے کیلئے صفائی ضروری ہے۔ خاندان کا ہر شخص بادشاہ بننے کا امیدوار ہوتا ہے۔ اسی طرح طاقت آگے منتقل ہوتی ہے۔ چوہدری نثار علی خان کی ”سینئر موسٹ“ رکن ہونے کی وجہ سے خواہش تھی کہ انہیں وزیراعظم بنایا جائے۔ لیکن ایسا ہو نہ سکا اور وہ ناراض ہو گئے۔ ہمارا کرنٹ اکاﺅنٹ خسارہ اور تجارتی خسارہ انتہائی خطرناک حد تک بڑھ چکا ہے اب نئے قرضے بھی نہیں ملیں گے۔ پچھلے قرضوں کی واپسی بھی ہونی ہے۔ ہماری معیشت تباہ ہو رہی ہے۔ اور ہمارے وزیراعظم باہر جا کر شاہانہ اخراجات کر رہے ہیں۔ یہ ہر گز انہیں زیب نہیں دیتا۔ پاکستان کے غریب ملک کا رویہ اس طرح شاہانہ اخراجات میں نہیں اڑایا جانا چاہئے۔ شہنشاہوں کی طرح حرچ کرنا غریب ملک کے وزیراعظم کو زیب نہیں دیتا۔ ہماری خارجہ پالیسی خرابی کا شکار ہے۔ ریحام خان کا نہ سیاسی قد ہے۔ نہ اتنی بڑی اینکر ہیں کہ وہ پی پی پی میں چلی جاتی ہیں تو انہیں عمران خان کے خلاف آلے کے طور پر استعمال کریں گے۔

لاہور( خصوصی رپورٹ) جیو اور جنگ گروپ کے ایڈیٹر انچیف میر شکیل الرحمنٰ نے وضاحت کی ہے کہ کرکٹ ایوارڈز کی تقریب جیو کا آئیڈیا تھا جس کے تمام اخراجات بھی جیو نے برداشت کئے، خبریںکے چیف ایڈیٹر ضیا شاہد کے نام ایک وضاحتی خط میں میر شکیل الرحمنٰ نے کہا ہے کہ یہ کرکٹ کیلئے ٹی وی کے حقوق کا معاملہ نہیں تھا، اسی لئے اس کی کوئی نیلامی نہیں ہوئی، یہ سارا معاملہ قانونی طریقے پر ہوا۔ یہ جیو کا ہی آئیڈیا تھا اور اس کے تمام اخراجات بھی جیو نے برداشت کئے، یہ اس طرح کے بہت سے ایونٹس کی طرح ہے جو امریکہ اور برطانیہ میں ہوتے ہیں، ہم نے اس کے براڈ کاسٹنگ حقوق حاصل کئے، ہم نے گراو¿نڈ منی اور پروڈکشن سمیت اس پر سارے اخراجات خود کئے۔