Monthly Archives: September 2017

انٹر نیشنل

ممبئی میں یلوے اسٹیشن پر بھگدڑ مچنے سے 22 افراد ہلاک

ممبئی (آئی این پی ) بھارت کے شہر ممبئی میںیلوے اسٹیشن پر بھگدڑ مچنے سے 22 افراد ہلاک اور 35 زخمی ہوگئے،واقعے میں بعض افراد شدید زخمی ہیں جس کی وجہ سے ہلاکتوں میں اضافے کا اندیشہ ظاہر کیا گیا ہے،صدر رام ناتھ کووند اوروزیراعظم نریندر مودی نے واقعے پر افسوس کا اظہار کرتے ہوئے زخمیو ں کی جلد صحت یابی کیلئے نیک خواہشات کااظہار کیا ہے،دوسری جانب ریاستی وزیراعلی دیویندر فندیوس نے مرنے والوں کے لواحقین کیلئے 5لاکھ روپے فی کس دینے کا اعلان کرتے ہوئے واقعے کی فوری تحقیقات کا حکم دیدیا۔جمعہ کو بھارتی میڈیا کے مطابق حکام کا کہنا ہے کہ ممبئی کے ریلوے سٹیشن پر مصروف وقت میں بھگدڑ مچنے سے 22 افراد ہلاک اور 35 زخمی ہو گئے ۔حکام نے مزید بتایا کہ یہ واقعہ پیدل چلنے والوں کے پل پر پیش آیا جو ایلفنسٹن روڈ کو مقامی ریلوے سٹیشن سے ملاتا ہے۔ یہ سٹیشن شہر کی دو بڑی مقامی ٹرینوں کو آپس میں ملاتا ہے۔ پولیس نے بتایا کہ 4 ٹرینیں ایک ساتھ آئیں جب کہ بارش بھی ہورہی تھی۔ بہت سارے لوگ ٹرینوں میں بیٹھنے کے لیے دوڑے جس کی وجہ سے بعض خواتین پھسل گئیں اور بھگدڑ مچ گئی جبکہ متعدد لوگ پیروں کے نیچے آکر کچلے گئے ۔اس دوران ریلوے اسٹیشن اور پل پر اتنا ہجوم جمع ہوگیا کہ بعض افراد نے پل سے چھلانگیں لگادیں جس کے نتیجے میں کئی افراد کی ٹانگیں بھی ٹوٹ گئیں اور شدید چوٹیں آئیں۔ٹی وی پر دکھائے جانے والے مناظر میں دیکھا جا سکتا ہے کہ پیدل چلنے والے افراد زخمیوں کو سیڑھیوں سے اتار کر نیچے لا رہے ہیں اور زمین پر لٹا کر ان کی دھڑکنیں بحال کرنے کی کوشش کر رہے ہیں۔ہسپتال ذرائع کا کہنا ہے کہ واقعے میںہلاک ہونے والوں میں 13مرد ،8خواتین اور ایک بچہ شامل ہے جبکہ زخمیوں میں 24مرد اور 9خواتین ہیں۔ممبئی کی مقامی ٹرینیں شہر کے دو کروڑ افراد کی زندگیوں میں خاصی اہمیت رکھتی ہیں۔ ممبئی کے مصروف ریلوے سٹیشنوں پر حادثات بھی عام ہیں۔ریلوے کے ترجمان انیل سکسینا نے صحافیوں کو بتایا کہ پیدل چلنے والوں کے پل پر کافی رش تھا کیونکہ بڑی تعداد میں لوگوں نےتیز بارش سے بچنے کیلیے اس پر پناہ لی تھی اور ٹرین کی آمد پر سب نے ایک ساتھ پل سے ٹرین کی جانب رخ کیا۔ریلوے کے ترجمان نے بتایا کہ حادثے کی انکوائری کرائی جائے گی۔سوشل میڈیا پر بھارتی شہریوں نے واقعے پر شدید غم و غصے کا مظاہرہ کرتے ہوئے عوام کو بنیادی سہولیات کی فراہمی میں ناکامی پر مودی حکومت کو کڑی تنقید کا نشانہ بناتے ہوئے کہا کہ ہمارے ٹیکسز کایہ اچھا صلہ مل رہا ہے۔ادھر،صدر رام ناتھ کووند اوروزیراعظم نریندر مودی نے واقعے پر افسوس کا اظہار کرتے ہوئے زخمیو ں کی جلد صحت یابی کیلئے نیک خواہشات کااظہار کیا ہے ،دوسری جانب ریاستی وزیراعلی دیویندر فندیوس نے مرنے والوں کے لواحقین کیلئے 5لاکھ روپے فی کس دینے کا اعلان کرتے ہوئے واقعے کی فوری تحقیقات کا حکم دیدیا

دلچسپ و عجیب

دنیا کی مہنگی ترین آئسکریم کس نے کھائی ،دلچسپ خبر

لندن(خصوصی رپورٹ) لندن میں ایک ایسی آئس کریم بھی فروخت کی جارہی ہے جس کی قیمت سن کر آپ دنگ رہ جائیں گے ۔لندن کے ایک مشہور آئس کریم پارلر میں 24قیراط سونے کے ورق سے سجی دنیا کی مہنگی ترین آئس کریم فروخت کے لئے پیش کی گئی ہے جس کی قیمت 99پاونڈ ہے ۔ اس آئس کریم کی تیاری میں دنیا کے مہنگے ترین اجزا کا استعمال کیا گیا ہے جس میں آئس کریم کون کو کرامل سے بھرے بیلجیئم ٹرافل سے سجایا جاتا ہے اور جیلاٹو کے دو سکوپس بھی اس میں شامل کئے جاتے ہیں۔ اس کے ساتھ سونے سے بنا چاکلیٹ سپون بھی پیش کیا جاتا ہے جبکہ دوسری طرف اس کون کو مڈا غاسکن چاکلیٹ میں ڈپ کرنے کے بعد گولڈن پرلز سے سجایا جاتا ہے اور بعد میں اس کو تین بار سالٹڈکرامل جیلاٹو سے بھرا جاتا ہے ۔ شیف کے مطابق 350گرام وزنی اس آئس کریم کی تیاری میں 4گھنٹے درکار ہوتے ہیں جبکہ صرف کون کو تیار کرنے میں 20منٹ لگ جاتے ہیں۔ تو اگر آپ بھی اس مزیدار آئس کریم کا مزہ لینا چاہتے ہیں تو لندن پہنچ جائیں۔

انٹر نیشنل

ہیری پوٹر کے دیوانے سکول ٹیچر کا انوکھا کارنامہ ،طالبعلم بھی حیران

نیویارک(خصوصی رپورٹ)یوں تو سکول کالج کی کلاس میں عموما مضمون کے لحاظ سے مختلف چارٹس وغیرہ لگائے جاتے ہیں،لیکن جناب یہاں تو کلاس روم ہالی ووڈ فلم ہیری پوٹر کی جادوئی دنیا میں تبدیل ہوگیا۔ امریکی ریاست سے تعلق رکھنے والے ہیری پوٹرکے دیوانے استاد نے اپنے طالبعلموں کیلئے کلاس کو مکمل طور پر ہالی ووڈ فلم ہیری پوٹر کی تھیم میں تبدیل کردیا۔ ۔28سالہ استاد نے جہاں کلاس کی چھتوں کو تاریک رات میں ڈھال دیا وہیں اپنے لئے بھی ہیری پوٹر کا کاسٹیوم تیار کیا جبکہ جادوئی چھڑی سے سکرین چلانے کے انتظامات بھی کئے ۔ کیل نے اپنی کلاس کوہیری پوٹر تھیم میں تبدیل کرنے کیلئے پانچ ہفتے کی انتھک محنت کی اوراسے جادوئی دنیا میں تبدیل کرڈالا جہاں طالبعلم نا صرف خوشی خوشی آتے ہیں بلکہ میجک ورلڈ میں بیٹھ کر اپنے استاد کے لیکچر کو بھی خوب انجوائے کرتے ہیں۔

اہم خبریں, پاکستان

بڑے کی چھوٹے کو ”بڑی“ آفر

اسلام آباد (مانیٹرنگ ڈیسک) نواز شریف نے شہباز شریف کو پارٹی صدر بنانے کی منظوری پیشکش کردی۔ حمزہ شہباز ہفتہ دس دن میں واپس آکر الگ دفتر کھولنے والے ہیں۔ یہ انکشاف سینئر صحافی نے نجی ٹی وی پروگرام میں گفتگو کرتے ہوئے کیے۔ انہوں نے کہا کہ نواز شریف نے ملاقات میں شہباز شریف نے کہا کہ آپ کو پارٹی صدر بنادیتے ہیں لیکن آپ اپنی نہیں ہماری پالیسی پر عمل کرینگے اور ہماری شرائط کو ماننا ہوگا۔ فلاں فلاں آدمی اس کی گارنٹی دے گا۔ شہباز شریف کے بیٹے حمزہ شہباز واپس آکر اپنا الگ دفتر بناکر کام کرینگے۔ انہوں نے خاندان پر واضع کردیا ہے کہ ان کا نواز شریف اور مریم نواز کی سیاست سے کوئی تعلق نہ ہوگا۔

شوبز

معروف بھارتی اداکارہ کے ہاں ننھی پری کی آمد

 ممبئی (ویب ڈیسک) بالی ووڈ اداکار سیف علی خان کی بہن اوراداکارہ سوہا علی خان کے ہاں بیٹی کی پیدائش ہوئی ہے۔بالی ووڈ کے چھوٹے نواب سیف علی خان کی بہن اوراداکارہ سوہا علی خان اوراداکار کنال کھیمو کے ہاں پیٹی کی پیدا ئش ہوئی ہے۔ کنال کھیمو نے سماجی رابطے کی ویب سائٹ ٹوئٹر پر بیٹی کی پیدائش کی تصدیق کرتے ہوئے کہا کہ ان کے ہاں بیٹی کی پیدائش ہوئی ہے اور انہوں نے ٹوئٹرپرمداحوں کی جانب سے نیک خواہشات کا شکریہ ادا کیا۔ا

اہم خبریں, پاکستان

پشاور میں بڑا دھماکہ،5 افراد زخمی

پشاور: رنگ روڈ پر دھماکے کے نتیجے میں 5 افراد زخمی ہوگئے ہیں۔پشاور میں رنگ روڈ کے علاقے شنواری ٹاون میں ایک نجی اسپتال کے قریب دھماکا ہوا ہے جس کے نتیجے میں کم از کم 5 افراد زخمی ہوگئے ہیں۔  واقعے کی اطلاع ملتے ہیں پولیس اور ریسکیو ٹیمیں موقع پر پہنچ گئی۔ زخمیوں کو لیڈی ریڈنگ اسپتال منتقل کردیا گیا ہے جہاں انہیں طبی امداد فراہم کی جارہی ہے ۔ایس ایس پی آپریشنز پشاور کے مطابق دہشت گردوں نے پہلے سے بارودی مواد نصب کررکھا تھا ۔ واقعے میں زخمیوں ہونے والوں کی حالت تشویشناک نہیں۔دھماکے کچھ گھنٹے قبل ایس ایس پی آپریشنز سجاد خان نے میڈیا کو بتایا تھا کہ یاسین آباد کے علاقے میں حساس ادارے اور پولیس نے مشترکہ آپریشن کیا جس میں 2 دہشت گردوں کو گرفتار کیا گیا ہے۔ دہشت گردوں سے 34 کلو بارودی مواد، آئی ای ڈیز، ڈیٹونیٹرز، بال بیرنگ، پرائما کارڈ، دستی بم، بیٹری سیل اور دیگر مواد بھی برآمد ہوا ہے۔دہشت گرد شہر میں دہشت گردی کی بڑی کارروائی کرنا چاہتے تھے جسے بروقت کارروائی کرکے ناکام بنایا گیا ہے۔

پاکستان

سیاستدانوں کے دہشتگردوں سے رابطے تشویشناک ہیں

لاہور (مانیٹرنگ ڈیسک) چینل ۵ کے پروگرام ”کالم نگار“ میں تجزیہ نگار مکرم خان نے کہا کہ ہمارے معاشرے میں مورثی سیاست اہم کردار ادا کرتی ہے اس کے علاوہ پارٹی بدلنے والے کثرت سے پائے جاتے ہیں۔ بعض سیاستدانوں نے تین چار مرتبہ بھی پارٹیاں بدلیں۔ لسٹ درست ہے یا غلط اس کی تحقیق ضرور ہونی چاہئے۔ ایک سیاستدان جو چوتھی مرتبہ پارٹی بدلنے والے ہیں انہوں نے شاید ایک مکھی بھی نہ ماری ہو۔ بند کمرے کے اجلاس میں شاید نوامشریف اور چودھری نثار علی خاں نے یہیں فیصلہ کیا ہو کہ چودھری نثار علی خان اگلے صدر مسلم لیگ ۰ن) ہوں گے۔ چودھری نثار علی خان شاید ”بھاگتے چور کی….“ کی طرح کچھ لینا چاہتے ہیں وہ اب ٹرین مس کر چکے ہیں لیکن کوئی انہیں ٹرین چڑھا بھی نہیں رہا۔ نوازشریف لندن سے اچانک آئے اور نیب عدالت میں پیش ہوئے اور اب شاید واپس جا رہے ہیں۔ مریم نوازشریف کو ان کے سوشل میڈیا نے اٹھا کر بینظیر بھٹو کے برابر کھڑا کر دیا ہے۔حالانکہ بینظیر اور مریم کا کوئی موازنہ نہیں۔ مریم نواز نے کلثوم نواز کی کامیابی کے بعد جو تقریر کی۔ وہ بہت واضح تھی۔ ان کا اشارہ ٹکراﺅ کی جانب تھا۔ وہ ووٹ کی حرمت کا نام لے کر اداروں سے ٹکراﺅ کی بات کر رہی تھی۔ حسیب اللہ میاں نے کہا کہ سیاستدانوں کے دہشت گردوں کے ساتھ تعلقات ایک تشویشناک بات ہے۔ کچھ دہشتگردوں کے ساتھ اہم اداروں کے تعلقات بھی ہوتے ہیں۔ جو لوگ دہشتگردی کی تشریح کرتے ہیں ان کے بھی تعلقات ان کے ساتھ ہوتے ہیں۔ شاید اس وقت جب تعلقات قائم کئے گئے اس وقت وہ ان کے لئے ”مجاہد‘’ تھے بعد میں ان کے لئے دہشت گرد بن گئے۔ میاں نوازشریف پارٹی صدارت شہباز شریف کو نہیں دے رہے تو وہ چودھری نثار کو کیونکر پارٹی صدر بنائیں گے۔ نوازشریف ایک قوت کا نام ہے۔ ان کے تعلقات بیرون ملک، ملکی اداروں اسٹیبلشمنٹ اور عوام میں ایک نام ہے۔ لوگ اسی طرح انہیں چاہتے ہیں۔ یوسف رضا گیلانی کی طرح وہ غلط قدم نہیں اٹھاتے۔ وہ بری مضبوطی سے قدم رکھتے ہیں۔ گیلانی سے اس طرح تعلقات نہیں بنائے ہوئے تھے جس طرح میاں نواز شریف نے اداروں اور اشخاص کے ساتھ رابطے بنا رکھے تھے۔ تجزیہ کار توصیف احمد خان نے کہا کہ آئی بی چیف کی طرف سے 37 دہشت گردوں سے تعلق رکھنے والوں کی لسٹ فراہم کی گئی۔ سینٹ میں اسی چینل کے خلاف تحریک استحقاق بھی پیش کی گئی ہے۔ چودھری نثار علی خان کبھی پارٹی صدر نہیں بن سکتے اسکا صدر صرف نواز شریف کا چہیتا ہی بن سکتا ہے۔ ملک ریاض کی نواز شریف سے ملاقات سے ظاہر ہے کہ کھلبلی مچی ہوئی ہے۔ یقینا وہ کسی کا پیغام لے کر ہی پہنچیں ہونگے۔ اگر شہباز شریف اعلان کے باوجود پارٹی صدر نہیں بن سکتے تو چودھری نثار کو پارٹی صدر بنایا جانا تقریباً ناممکن ہے۔ ضیا شاہد نے اپنی کتاب میں لکھا ہے کہ ذوالفقار عل بھٹو کو بھی دس سال سعودی عرب جانے اور کوئی بیان نہ دینے اور پھر واپس آنے کی آفر کی گئی لیکن انہوں نے یہ قبول نہیں کیا۔ نواز شریف کو ابھی بھی کچھ نہ کچھ امیدیں ہیں۔ کلثوم نواز کی کامیابی پر فوج کے اہم اشخاص نے انہیں مبارکباد دی اسکا کچھ تو مطلب پس پردہ ہے۔ اسٹیبلشمنٹ کے نزدیک میاں نواز شریف تو قابل قبول ہے لیکن مریم انہیں قبول نہیں۔ ممتاز صحافی خالد چودھری نے کہا کہ آئی بی کی جانب سے اس لسٹ کی تردید یا تصدیق نہیں کی گئی۔ اگر دہشت گردوں کے ساتھ تعلقات کی لسٹ آئی تو اسی پر کارروائی کرنا حکومت وقت کا کام تھا۔ نواز شریف آج بھی وزیر اعظم ہیں جس طرح وہ نیب میں پیش ہوئے وہ وزیراعظم کا شاہانہ پروٹوکول ہی ہوتا ہے۔ ان کے بارے یہ خبر عام تھی کہ انہوں نے اسامہ بن لادن سے پیسے لیے۔ اس میں شک نہیں کہ تمام سیاستدانوں کے ہی دہشت گردوں کے ساتھ تعلقات ہیں اس میں رانا ثناءاللہ ہو یا کوئی اور۔ سیاستدان خود کسی کو نہیں مارتے مرواتے ہیں اور علاقے کے ڈان ہوتے ہیں تکنیکی طور پر مسلم لیگ (ن) اپنا نشان کھو بیٹھی ہے۔ آرمی کے ریٹائرڈ اشخاص تاحیات اپنا عہدہ ساتھ لکھتے ہیں۔ نواز شریف 85 یا 88 کا نواز شریف نہیں ہے آج وہ بالکل مختلف شخص ہے نواز شریف اس وقت پورا لڑنے کے موڈ میں ہے اور اسکی لڑائی عدالت کے ساتھ ہو گی۔ میڈیا بھی شاید ان سے لے کر کھاتا ہے نواز شریف کی پریس بریفنگ پر کسی نے احتجاج نہیں کیا۔

اہم خبریں, پاکستان

مفاہمت کے بادشاہ آصف زرداری کا تہلکہ خیز اقدام, سیاسی حلقے پریشان

اسلام آباد(خصوصی رپورٹ)سابق صدر آصف علی زرداری نے اپوزیشن لیڈر خورشید شاہ کے دفاع کے لئے میدان میں آنے کا فیصلہ کر لیا۔ آصف علی زرداری نے تمام اپوزیشن جماعتوں کے راہنماﺅں سے رابطے شروع کر دیئے ۔ میڈیا رپورٹ کے مطابق پاکستان پیپلزپارٹی کے چیئرمین بلاول بھٹو اور آصف علی زرداری نے خورشید شاہ کے دفاع کے لئے میدان میں آنے کا فیصلہ کر لیا ۔آصف علی زرداری نے تمام اپوزیشن جماعتوں کے رہنماﺅں سے رابطے بھی شروع کر دیئے ہیں ۔
اسلام آباد(خصوصی رپورٹ) اپوزیشن لیڈر کی تبدیلی کے معاملے پر سابق صدر آصف زرداری نے خورشید شاہ کے دفاع کیلئے خود میدان میں آنے کا فیصلہ کرلیا۔سابق صدر اپوزیشن جماعتوں سے رابطے کریں گے۔ تفصیلات کے مطابق پی ٹی آئی اور ایم کیو ایم کی جانب سے قومی اسمبلی میں اپوزیشن لیڈر کی تبدیلی کیلئے جاری کوششوں کے بعد مفاہمت کے بادشاہ نے خورشید شاہ کے دفاع کیلئے کمر کس لی ہے۔پیپلز پارٹی کے ذرائع کے مطابق آصف علی زرداری نے اِس معاملے پر اپوزیشن جماعتوں کے رہنماﺅں سے رابطوں کا فیصلہ کیا ہے۔ سابق صدر اور ان کے صاحبزادے بلاول بھٹو آج دبئی سے اسلام آباد پہنچ رہے ہیں۔ قائد حزب اختلاف خورشید شاہ نے بھی اپوزیشن رہنماﺅں سے رابطوں کا ہوم ورک مکمل کر لیا ہے۔دریں اثناءقائد حزب اختلاف خورشید شاہ نے کہا ہے کہ تحریک انصاف بتائے کہ اپوزیشن لیڈر کو بدلنے کی وجہ کیا ہے؟ جن سے ووٹ مانگے جا رہے ہیں وہ بھی ان سے یہی سوال کر رہے ہیں۔ پی ٹی آئی والے بات جمہوریت کی کرتے ہیں لیکن ہماری اکثریت ماننے کو تیار نہیں۔ اکثریتی جماعت کو نہ ماننا نہ جمہوری ہے، نہ اخلاقی اور نہ ہی سیاسی۔ بہانا کوئی اور ایجنڈا کوئی اور ہے۔ شاہ محمود قریشی سمجھتے ہیں وہ اپوزیشن لیڈر بن جائیں تو وزیراعظم کے امیدوار بھی بن سکتے ہیں۔ چیئرمین نیب کی تقرری کے حوالے سے میڈیا پر چلنے والے ناموں میں کوئی صداقت نہیں‘ عاشورہ کے بعد مشاورت تیز کردوں گا۔ چیئرمین نیب کے تقرر پر اتفاق نہ ہوا تو معاملہ 12رکنی پارلیمانی کمیٹی میں جائے گا۔جمعرات کو بیان اور بعدازاں میڈیا سے گفتگو میں اپوزیشن لیڈر نے کہا کہ پی ٹی آئی والے بات جمہوریت کی کرتے ہیں لیکن ہماری اکثریت ماننے کو تیار نہیں۔ بہانا کوئی اور ایجنڈا کوئی اور ہے۔ پی ٹی آئی کھل کر بات کرے۔ ہم نے کبھی مک مکا نہیں کیا۔ آئین کے مطابق مشاورت کی ہے۔ عمران خان کے پارلیمنٹ میں ہوتے ہوئے اپنے لئے لابنگ کر کے شاہ محمود قریشی اپنے قائد کی جگہ لینا چاہتے ہیں۔ شاہ محمود قریشی سمجھتے ہیں وہ اپوزیشن لیڈر بن جائیں تو وزیراعظم کے امیدوار بھی بن سکتے ہیں۔ خورشید شاہ کا کہنا تھا کہ کوئی بندہ اپنے پارٹی قائد کے ہوتے ہوئے بڑا عہدہ کیسے مانگ سکتا ہے۔ بلاول نے قومی اسمبلی میں آنے کا اعلان کیا تو میں نے کہہ دیا تھا کہ اپوزیشن لیڈر وہ ہوں گے۔

پاکستان

کینسر ابتدائی سٹیج کا نہیں؟ تشویشناک اطلاعات

اسلام آباد(ویب ڈیسک) بیگم کلثوم نواز کی حالت خراب، ادویات کی ہیوی ڈوز سے قوت مدافعت انتہائی کم ہو گئی، کینسر ابتدائی سٹیج کا نہیں لگتا، خطرناک بیماری سے لڑتی سابق خاتون اول کے شوہر، بیٹی، بیٹوں اور داماد کو پاکستان میں نیب ریفرنسز کا سامنا ہے، مشکلات کے گرداب میں گھرے شریف خاندان کے دوست مزید مشکلات میں اضافہ کر رہے ہیں، موقر قومی روزنامے کی رپورٹ میں انکشاف۔تفصیلات کے مطابق پاکستان کے موقر قومی اخبار روزنامہ امت کی ایک رپورٹ میں ن لیگ کے ذرائع کے حوالے سے دعویٰ کیا گیا ہے کہ بیگم کلثوم نواز کی حالت تین

اہم خبریں, پاکستان

استعفیٰ؟, سب سے بڑی خبر نے تمام افواہوں کا خاتمہ کردیا

اسلام آباد (مانیٹرنگ ڈیسک) وزیر خزانہ اسحا ق ڈار 72گھنٹوں کے اندر مستعفی ہوکر بیرون ملک جاسکتے ہیں۔ نوازشریف فوج اور عدلیہ کے کردار محدود کرنے کیلئے پارلیمنٹ میں ترامیم لانا چاہتے ہیں۔ زرداری نے نوازشریف کے ایلچی سے ملنے سے انکار کردیا۔ یہ انکشافات سینئر صحافی نے نجی ٹی وی پروگرام میںکئے۔ انہوں نے کہا کہ اسحاق ڈار کو خوف ہے کہ اگر استعفے دیا تو گرفتار کرلیا جائے گا اس لئے وزارت چھوڑنے پر راضی نہیں ہیں۔ 2سے 3دن کے اندر وہ مستعفی ہوکر بیرون ملک چلے جائینگے۔

اسلام آباد (خصوصی رپورٹ) قومی احتساب بیورو (نیب) کی طرف سے وزیر خزانہ سینیٹر اسحاق ڈار کے خلاف آمدن سے زائد اثاثوں کے ریفرنس میں احتساب عدالت میں 28گواہوں کی جو فہرست پیش کی گئی ہے اس کے مطابق گواہوں میں پانامہ کیس کی تحقیقات کرنے والی جے آئی ٹی کے سربراہ واجد ضیاءسمیت نیب، ایف آئی اے، نجی بینکوں، مختلف وزارتوں، ایف بی آر، پارلیمنٹ ہاﺅس اور محکمہ ایکسائز اینڈ ٹیکسیشن کے افسران سمیت دیگر شامل ہیں، احتساب عدالت نے لاہور کے نجی بینکوں کے 2گواہوں کو 4اکتوبر کو طلب کر رکھا ہے۔ جمعرات کو ذرائع کے مطابق نیب کے پراسیکیوشن ونگ کی طرف سے اسلام آباد کی احتساب عدالت میں سینیٹر اسحاق ڈار کے خلاف دائر کئے گئے ریفرنس کے ساتھ 28گواہوں پر مشتمل ایک فہرست بھی جمع کرائی گئی ہے۔ اس فہرست کے مطابق گواہوں میں پانامہ کیس میں بننے والی جے آئی ٹی کے سربراہ واجد ضیائ، شکیل انجم، اشتیاق علی، نیب کے سب انسپکٹر عمر دراز گوندل، بینکنگ ایکسپرٹ نیب لاہور کے ظفر اقبال، اسسٹنٹ ڈائریکٹر نیب لاہور کے عدیل اختر، کمشنر ان لینڈ ریونیو لاہور کے اشتیاق احمد خان، الیکشن کمیشن اسلام آباد کے ڈپٹی ڈائریکٹر سعید احمد خان، ڈپٹی سیکرٹری کیبنٹ ڈویژن واصف حسین، وزارت تجارت کے ڈائریکٹر قمر زمان، ڈائریکٹر بجٹ قومی اسمبلی شیر دل خان، نیشنل انویسٹمنٹ ٹرسٹ شاہد عزیز، ای ٹی او لاہور محمد نعیم، سینئر وائس پریذیڈنٹ البرقہ بینک گلبرک لاہور کے طارق جاوید، الائیڈ بینک پارلیمنٹ ہاﺅس برانچ کے عبدالرحمان گوندل، حبیب میٹرو بینک، ایڈن گارڈن برانچ لاہور کے فیصل شہزاد، مسعود الغنی، محمد عظیم خان سمیت دیگر شامل ہیں۔ ذرائع کے مطابق احتساب عدالت نے لاہور کے نجی بینکوں کے 2گواہوں کو 4اکتوبر کو طلب کر رکھا ہے۔