شاہدرہ (تنویر جٹ سے)ہم کس کے ہاتھ پر اپنا خون تلاش کریں، نومولود جاں بحق معصوموں کا سوال ، ماں نے شاپر میں ڈال کر شوہر کی چوکھٹ پر پھینک دیا، باپ کے گھروالوں نے پروا نہ کی ، پولیس نے کیس داخل دفتر کردیا ، اہل علاقہ کاپولیس کے رویئے پر شدید احتجاج ، وزیر اعلیٰ سے نوٹس لیکر ریاست کی مدعیت میں ملزموں کی خلاف کارروائی کا مطالبہ ، تفصیلات کے مطابق شاہدرہ کی رہائشی عروسہ اور اس کے خاوند شہباز میں گھریلوناچاقی کی سزاءدومعصوم بچوں کو بھگتا پڑی جن کو ماں باپ کی انتہائی لاپروائی اور غفلت کی وجہ سے دنیا میں آتے ہی موت کا شکا ر ہونا پڑا ، بچوں کے چچا شوکت نے روز نامہ ”خبریں “سے گفتگو کرتے ہوئے بتایا کہ عروسہ حاملہ ہونے کے بعد لڑ جھگڑ کر ماںباپ کے گھر چلی گئی تھی اور ہماری کوئی بات نہیں مانتی تھی ، بچوں کی پیدائش پر ان کو شاپر میں ڈال کر ہمارے دروازے پر پھینک گئی جس کی وجہ سے بچے دم گھٹنے کی وجہ سے موت کے منہ میں چلے گئے ۔اہل علاقہ کا کہنا تھاکہ اس درناک واقعہ پر پولیس کی جانب سے ملزموں کے خلاف کوئی کارروائی نہیں کی گئی جبکہ عروسہ اور شہباز کا خاندان بھی باہمی شیر و شکر ہو چکا ہے لیکن سوال یہ ہے کہ ان معصوم بچوں کے قتل کا ذمہ دار کون ہے کیا ان کاخون ہمیشہ کیلئے رائیگا ں چلا جائے گا ، اہل علاقہ نے وزیر اعلیٰ پنجاب سے مطالبہ کیا کہ معصوم نومولود بچوں کے قتل کا مقدمہ ریاستی مدعیت کا درج کروا کے واقعہ کے ذمہ داروں کو سخت سزاءدی جائے اور ملزموں کے خلاف کوئی کارروائی نہ کرنے پر متعلقہ پولیس افسران و اہلکاروں کیخلاف تادیبی کارروائی کی جائے ۔

بنکاک (ویب ڈیسک) محبت اور شادی کے نام پر کئی دل پھینک حضرات اپنی جمع پونجی سے محروم۔ تفصیلات کے مطابق سوشل میڈیا پر دوستی کے ذریعے محبت اور شادی کے جال میں حسینائیں اپنی اداﺅں سے حسن پرست افراد کو پھنسانے لگیں۔ تھائی لینڈ پولیس بھی ایک ایسی خوبصورت لڑکی کو ڈھونڈنے میں سرگرم ہے جس نے اپنی زلفوں کا دس مردوں کو اسیر کر لیا ہے اور ان سے دولت سمیٹ کر رفوچکر ہو چکی ہے۔ ایک ویب سائٹ کی رپورٹ کے مطابق بتیس سالہ جاریاپورن بویائی کے بارے میں یہ انکشاف ہوا ہے کہ وہ فیس بک پر عورتوں میں دلچسپی رکھنے والے حضرات سے دوستی کرتی ہے اور پھر میل ملاقاتوں کے بعد سب کچھ لوٹ کر فرار ہو جاتی ہے۔ مذکورہ عورت سے متاثرہ ایک شخص نے بتایا کہ اس کی ملزمہ سے دوستی فیس بک کے ذریعے ہوئی جس کے بعد ملاقاتوں کا سلسلہ چل نکلا۔ متاثرہ شخص نے دعویٰ کیا کہ اس کے ملزمہ کے ساتھ قربت کے تعلقات بھی رہے۔ جس کے باعث کچھ عرصے بعد ملزمہ نے دعویٰ کیا کہ وہ اس کے بچے کی ماں بننے والی ہے اس لئے اسے اب اس کے ساتھ شادی کرنی پڑے گی جس کے باعث متاثرہ شخص شادی کرنے پر مجبور ہو گیا اور اس دوران ملزمہ نے متاثرہ شخص سے بھاری رقم بھی وصول کی۔ متاثرہ شخص کا کہنا ہے کہ ملزمہ نے اسے جذباتی اور مالی طور پر بہت بڑا دھچکا دیا ہے اور اب اس متاثرہ شخص کا مذکورہ ملزمہ سے کوئی رابطہ بھی نہیں ہو رہا ہے۔ متاثرہ شخص نے بتایا کہ اس کا ایس ایم ایس پیغام آیا تھا جس میں اس نے کہا کہ وہ اب اس کے بچے کی ماں نہیں رہی ہے اس لئے اسے پریشان نہ کیا جائے۔ متاثرہ شخص نے جب پولیس سے رابطہ کیا اور پولیس نے تحقیق کی تو پتہ چلا اس کے علاوہ بھی کئی افراد کے ساتھ یہ فراڈ ہو چکا ہے۔ اب تک کی تفتیش میں دس ایسے متاثرہ افراد کی نشاندہی ہوئی ہے جو ملزمہ کے چکر میں بھاری نقصان اٹھا چکے ہیں۔ پولیس ملزمہ کی تلاش میں ہر ممکن کوشش کر رہی ہے مگر ابھی تک اسے کوئی کامیابی نہیں ملی۔

لاہور (رپورٹنگ ٹیم) حلقہ این اے 120کے ضمنی الیکشن کے دوران سیکورٹی ڈیوٹی پر معمور پولیس اہلکار وں نے میڈیا ٹیم کو دیکھ کر دوڑ لگا دی یہ واقعہ اس وقت پیش آیا جب ساندہ کے علاقہ میں واقع الائیڈ یونیک سکول سے متعلق پولنگ سٹیشن پر تعینات پولیس اہلکار ڈیوٹی دینے کی بجائے ایک حجام کی دکان میں فلم دیکھ رہے تھے میڈیا کے لوگ جیسے ہی حجام کی دکان میں داخل ہوئے تو پولیس اہلکار وہاں سے بھاگ نکلے اسی قسم کے واقعات اسلامیہ کالج سول لائنز کے باہر اور دیگر پولنگ سٹیشنوں پر دیکھنے میں آئے جہاں پولیس اہلکار سیکورٹی ڈیوٹی سر انجام دینے کی بجائے موٹر سائیکلوں پر بیٹھ کر گپے ہانکتے رہے اور موبائل فون استعمال کرتے رہے اسی طرح سی سی پی او لاہور نے حلقہ این اے 120 کے دورے کے دوران ایک پولیس اہلکار کو موقع پر معطل کر دیا اس پر الزام تھا کہ وہ دوران ڈیوٹی اپنے موبائل فون پر فلم دیکھ رہا تھا۔

لاہور (صباح نیوز) الیکشن کمیشن نے بائیومیٹرک ووٹنگ کی طرف پیش قدمی شروع کردی ہے اس سلسلے مےں این اے ایک سو بیس کے ضمنی انتخابات پر پہلی بار بائیو میٹرک سسٹم نصب کےا گےا انتالیس پولنگ اسٹیشنز پر اس سسٹم کی آزمائش کی گئی۔ سیاسی جماعتوں کے بار بار مطالبات کے بعد الیکشن کمیشن نے این اے ایک سو بیس کے ضمنی انتخاب میں بائیومیٹرک سسٹم آزمانے کا فیصلہ کیا۔ ابتدائی طور پر انتالیس پولنگ اسٹیشنز پر بائیومیٹرک سسٹم نصب کئے گئے۔ پی ٹی آئی امیدوار یاسمین راشد نے اس کا طریقہ کار بھی بتایا۔ الیکشن کمیشن اور سیاسی جماعتوں کی کوشیں اپنی جگہ لیکن ووٹرز اس پورے عمل سے لاعلم ہیں۔ بائیو میٹرک سسٹم کی آزمائش آج اگر کامیابی سے ہمکنار ہوتی ہے تو امکان ہے کہ دو ہزار اٹھارہ کے عام انتخابات میں الیکشن اسی سسٹم کے تحت ہوں گے۔

ساہیوال(نمائندہ خبرےں) ساہےوال مےں بلاول بھٹو کے جلسہ عام کے سلسلہ مےں تنظےم کے عہدےداروں اور ٹکٹ ہولڈروں نے الگ الگ جلسہ کی تےارےاں عروج پر ہنچ گئےں شہر بھر کو خوبصورت بےنروں اور ہولدنگ بورڈوں سے سجا دےا گےا ساہےوال مےں ضلعی صدر زکی چو ہدری ،شفقت جا وےد اور پےلز سٹوڈنٹ فےڈرےشن کے سابق جنرل سےکرتری پنجاب چو ہدری سر مد شفقت اور سابق تحصےل نا ظم رانا عامر شہزاد طاہر اور دےگر رہنامﺅں نے الگ الگ شہر بھر مےں بےنر لگا دئے ہےں اور الگ الگ جلسہ کی تےاری شروع کر دی ہے دونوں گروپ اےن اے 160کے امےدوار کے دعوےدار ہےں ۔زکی چو ہدری نے کہا ہے کہ پاکستان پیپلزپارٹی ساہیوال 20ستمبر کے جلسہ میں عوام کا سمندر نظر آئے گا بلاول زرداری بھٹو نے یوتھ کے ساتھ مل کر پاکستان پیپلزپارٹی میں نیا ولولہ پیدا کررہاہے۔ شےخ ظفر علی سٹےڈےم میں ہونیوالے جلسہ عام کے لئے تمام کارکنان اپنا بھرپور کردار ادا کرینگے کارکنوںسے گفتگو کرتے ہوئے ارانا عامر شہزاد طاہر نے کہاکہ یہ موقع ہے کہ اپنے قائد ذوالفقار علی بھٹو شہید اور محترمہ بے نظیر بھٹو شہید کو خراج عقیدت پیش کرنے کے لئے جلسہ عام میں بھرپور شمولیت کی جائے اور یہ ثابت کیا جائے کہ پیپلزپارٹی ہی عوامی پارٹی ہے جو چاروں صوبوں میں اپنا مقام رکھتی ہے۔ انہوںنے کہاکہ کل کی طرح آج بھی وہی نعرے بلند ہونگے ہر گھر سے بھٹو نکلے گا ‘ گلی میں شور ہوگا بھٹو بھٹو ۔ےاد رہے کہ گز شتہ روز پنجاب کے صدر قم زمان کائرہ ،جنرل سےکرٹری ندےم افضل چن اور سابق وزےر اعلیٰ پنجاب و صدر مےاں منظور احمد وٹو ،ڈوےژنل صدر خرم وٹو کی زےر صدارت زکی چو ہدری اور رانا عامر شہزاد کی رہا ئش گاہوں پر الگ الگ کارکنوں سے خطاب اور الگ الگ صحافےوں سے گفتگو کر تے ہوئے انہوں نے کہا کہ ساہےوال کا جلسہ تارےخی جلسہ ہوگا اور اس سلسلہ مےں پنجاب بھر کی قےادت بلاول بھٹو کی سر براہی مےں ساہےوال ظفر علی سٹےڈےم مےں 20سال کے بعد پےپلز پارٹی کی اتنی بڑی قےادت عوام سے خطاب کرے گی۔