Monthly Archives: September 2017

شوبز

احسن خان کی لندن کے سٹیج ڈراموں میں شاندار پرفارمنس

لندن (شوبز ڈیسک) فلم اور ٹی وی کے معروف اداکار احسن خان کے انگلینڈ میں اسٹیج ڈراموں ” ہیر رانجھا “ اور ”عشق “ نے کامیابی کے نئے ریکارڈ قائم کر دیئے ۔ اداکارہ احسن خان گزشتہ ڈیڑھ ماہ سے انگلینڈ میں انگریزی زبان میں پیش کیے جانے والے اسٹیج ڈرامہ ” ہیر رانجھا “ میں پرفارم کرنے کے بعد دوسرا اسٹیج ڈرامہ ” عشق “ میں بھی اپنی عمدہ اداکاری سے ڈرامہ بینوں کے دل جیت چکے ہیں ، ان کے دونوں اسٹیج ڈراموں نے ریکارڈ بزنس کیا ۔ اس حوالے سے احسن خان کا کہنا ہے کہ میری خوش قسمتی ہے کہ میں واحد ایشیائی اداکار ہوں جس کو لندن میں ہونے والے اسٹیج ڈراموں کے لئے کاسٹ کیا گیا اور خدا کا شکر ہے کہ میرے دونوں اسٹیج ڈراموں نے بھرپور کامیابی حاصل کی ، میرے علاوہ باقی تمام کاسٹ کا تعلق انگلینڈ سے تھا ۔اور اس ڈراموں میں پاکستانی کلچر کی عکاسی کی گئی ہے ،ہمارے لیے فخر کی بات ہے کہ انگلینڈ میں بھی ہماری داستانوں کو اسٹیج ڈرامے کی صورت میں پیش کرنے کا رواج پڑ چکا ہے۔

کھیل

ابو ظبہی ٹیسٹ :لنکن بلے باز گر کر سنبھل گئے227رنز پر4آﺅٹ

ابو ظہبی(آئی این پی) پاکستان اور سری لنکا کے مابین پہلے ٹیسٹ کے پہلے دن سری لنکا نے محتاط بیٹنگ کا مظاہرہ کرتے ہوئے4وکٹوں پر227رنز بنا لئے ہیں ۔سری لنکا کی جانب سے کرونارتنے 93رنز بنا کر رن آﺅٹ ہو گئے جبکہ کپتان دنیش چندیمل 60اور ڈک ویلا 42رنز بنا کر ناقابل شکست ہیں ۔پاکستان کی جانب سے یاسر شاہ نے2اور حسن علی نے ایک وکٹ حاصل کی۔جمعرات کو ابوظہبی کے شیخ زید سٹیڈیم میں پاکستان اور سری لنکا کے درمیان دو ٹیسٹ میچوں کی سیریز کے پہلے میچ کے پہلے دن سری لنکا کی ٹیم نے ٹاس جیت کر پہلے بلے بازی کا فیصلہ کیا۔سری لنکا کی جانب سے اننگز کا آغاز کرونارتنے اور کوشل سلوا نے کیا،پاکستان کو پہلی کامیابی 34 کے مجموعی سکور پر ملی جب حسن علی نے کوشل سلوا کو بولڈ کر دیا، انھوں نے 12 رنز بنائے۔ اس کے اگلے ہی اوور میں یاسر شاہ نے تھریمنے کو صفر پر ایل بی ڈبلیو آﺅٹ کر دیا، یہ یاسر شاہ کی 150ویں ٹیسٹ وکٹ تھی۔کھانے کے وقفے سے قبل یاسر شاہ نے مینڈس کو 10کے انفرادی سکور پر آﺅٹ کر کے پاکستان کو تیسری کامیابی دلا دی۔کھانے کے وقفے سے پہلے شراکت شروع کرنے کے کرونارتنے اور کپتان چندی مل نے چائے کے وقفے تک اپنی 82 رنز کی رفاقت قائم کرتے ہوئے ٹیم کا سکور143رنز تک پہنچا دیا ۔ لیکن چائے کے وقفے کے بعد161رنز کے مجموعی سکور پر کرونارتنے 93 رنز بنا کر رن آﺅٹ ہو گئے دنیش چندیمل اور ڈیک ویلا نے 5ویں وکٹ کیلئے 66رنز کی پارٹنر شپ قائم کی اور ٹیم کا سکور4وکٹوں کے نقصان پر227رنز تک پہنچا دیاپہلے دن کا کھیل ختم ہونے تک لنکن کپتان دنیش چندیمل 60اور ڈک ویلا 42رنز بنا کر ناقابل شکست ہیں ۔پاکستان کی جانب سے یاسر شاہ نے2اور حسن علی نے ایک وکٹ حاصل کی۔

کھیل

اعصام نے چینگڈو اوپن کے فائنل4کاٹکٹ کٹوالیا

بیجنگ (اے پی پی) سٹار پاکستانی کھلاڑی اعصام الحق قریشی پیش قدمی برقرار رکھتے ہوئے چینگڈو اوپن ٹینس ٹورنامنٹ مینز ڈبلز سیمی فائنل میں پہنچ گئے، اعصام اور ایلرچ نے کوارٹر فائنل میں لیونارڈو اور البرٹ راموس کو شکست دی۔ چین میں جاری ایونٹ میں گزشتہ روز کھیلے گئے مینز ڈبلز ایونٹ کے کوارٹر فائنل میں اعصام الحق اور ان کے اسرائیلی جوڑی دار جوناتھن ایلرچ نے عمدہ کارکردگی کا مظاہرہ کرتے ہوئے ارجنٹائن کے لیونارڈو میئر اور ان کے اسپینش جوڑی دار البرٹ راموس وینولاس کو دلچسپ مقابلے کے بعد 6-2، 2-6 اور 10-4 سے ہرا کر سیمی فائنل کیلئے کوالیفائی کیا، سیمی فائنل میں ان کا مقابلہ سنتیاگو گونزالیز اور نیناد زیمنووچ سے ہو گا۔

کھیل

حارث سہیل پاکستان کی جانب سے ٹیسٹ کھیلنے والے 229 ویں کرکٹر

ابو ظہبی(آئی این پی) پاکستان اور سری لنکا کے مابین پہلے ٹیسٹ میچ میں سری لنکا نے ٹاس جیت کر پہلے بیٹنگ کا فیصلہ کیا ۔ مڈل آرڈر بلے باز حارث سہیل کو ٹیسٹ کیپ دی گئی حارث سہیل پاکستان کی جانب سے ٹیسٹ کھیلنے والے 229 ویں کھلاڑی بن گئے ہیں۔پاکستان اور سری لنکا کے درمیان 2ٹیسٹ میچوں کی سیریز کا پہلا ٹیسٹ ابوظہبی کے شیخ زید اسٹیڈیم میں کھیلا جارہا ہے، سری لنکن ٹیم نے ٹاس جیت کر پہلے بیٹنگ کا فیصلہ کیا ، سری لنکن کپتان دنیش چندی مل کا کہنا تھا کہ گزشتہ کئی ماہ سے ٹیم کی کارکردگی اچھی نہیں رہی تاہم امید ہے کہ ٹیم اس بار اچھی کارکردگی کا مظاہرہ کرے گی۔قومی ٹیسٹ ٹیم کے کپتان سرفراز احمد نے کہا کہ اگر ٹاس جیت جاتے تو ہم بھی پہلے بیٹنگ کو ترجیح دیتے، قومی ٹیم کی کپتانی بہت بڑا اعزاز ہے ٹیم میں لڑکوں نے بہت محنت کی۔سری لنکا کے خلاف پہلے ٹیسٹ میں حارث سہیل کو ٹیسٹ کیپ دی گئی ہے جب کہ دیگر کھلاڑیوں میں سمیع اسلم، شان مسعود، اظہر علی، اسد شفیق، بابر اعظم، سرفراز احمد، یاسر شاہ، محمد عامر، محمد عباس اور حسن علی شامل ہیں، ٹیسٹ کیپ ملنے کے بعد حارث سہیل پاکستان کی جانب سے ٹیسٹ کھیلنے والے 229 ویں کھلاڑی بن گئے ہیں۔

کھیل

سرفراز احمد پاکستان کے 32ویں ٹیسٹ کپتان بن گئے

ابوظہبی (آئی این پی) اس سال 4 جولائی کو ایوان وزیر اعظم میں سابق چئیر مین پی سی بی شہریار محمد خان نے وکٹ کیپر سرفراز احمد کو ٹیسٹ کپتان بنانے کی نوید سنائی تھی۔30 سال کے سرفراز احمد سری لنکا کےخلاف ٹیسٹ میچ میں عملی طور پر ٹیسٹ کپتان بن چکے ہیں۔امتیاز احمد، وسیم باری، راشد لطیف اور معین خان کے بعد سرفراز احمد پاکستان کے پانچویں وکٹ کیپر کپتان ہیں ۔ جنوری 2010 میں آسڑیلیا کےخلاف ہو بارٹ میں اپنا پہلا ٹیسٹ کھیلنے والے سرفراز 36 ٹیسٹ میں 40.96 کی اوسط سے 2089 رنز تین سینچریوں کی مدد سے بنا چکے ہیں بطور وکٹ کیپر انہوں نے 95 کیچ اور 17 اسٹمپ بھی کیے ہیں۔9 ون ڈے اور 11 ٹی 20 مقابلوں میں کپتان مجموعی طور پر پاکستان کے 32ویں ٹیسٹ کپتان ہیں۔پاکستان نے اب تک 410 ٹیسٹ کھیلے ہیں، جہاں کم عمر کپتان جاوید میانداد تھے، جنھوں نے 22 سال 260 دن کی عمر میں اکتوبر 1976 میں نیوزی لینڈ کے خلاف قذافی اسٹیڈیم میں یہ کارنامہ سرانجام دیا تھا۔بطور کپتان پاکستان کی طرف سے پہلا ٹیسٹ جیتنے والوں کی فہرست میں فضل محمود مرحوم، امتیاز احمد مرحوم، مشتاق محمد، جاوید میانداد، وقار یونس، سلیم ملک، رمیز راجا اور سلمان بٹ کے نام آتے ہیں۔

کھیل

یوسف کولنکاکیخلاف قومی ٹیم کی جیت کی بڑی امید

لاہور(آئی این پی) پاکستان کرکٹ ٹیم کے سابق کپتان محمد یوسف نے کہا ہے کہ پاکستان سری لنکا کے خلاف سیریز آسانی سے جیت لے گا۔لاہور میں میڈیا سے گفتگو کرتے ہوئے محمد یوسف کا کہنا تھا کہ یو اے ای کی پچز پاکستان سے ملتی جلتی ہیں اور کنڈیشنز گرین کیپس کیلیے انتہائی سازگار ہیں، پاکستانی بیٹسمینوں کو رنز بنانے میں کوئی دشواری نہیں ہونی چاہیے۔ یونس خان پاکستان کیلیے بڑے اسکور کرتے رہے ہیں، ان کی کمی محسوس ہو گی تاہم اسد شفیق اور بابر اعظم بھی قابل بھروسہ بیٹسمین ہیں اور اچھی کارکردگی دکھا رہے ہیں، امید ہے کہ توقعات کا بوجھ اٹھانے میں کامیاب ہوں گے۔سابق کپتان نے کہا کہ یو اے ای میں پاکستان نے ساری فتوحات اسپنرز کے بل بوتے پر حاصل کی ہیں، اس بار بھی آئی لینڈرز کا شکار کرنے کیلیے سلو بولرز کا کردار اہم ہو گا۔

پاکستان

لندن روانگی بارے نوا زشہباز ملاقا ت اہم فیصلہ

لاہور (ویب ڈیسک)سابق وزیر اعظم نواز شریف اور شہباز شریف میں 4گھنٹوں طویل ملاقات ہوئی ،جس میں سیاسی صورتحال پر غو ر کیا گیا۔جاتی امراءمیں ہونیوالی ملاقات نیب ریفرنسز پر بھی غور کیا گیا ۔ذرائع کے حوالے سے کہا ہے کہ نواز شریف اپنی اہلیہ کلثوم نواز کی علالت کے باعث ممکنہ روانگی ملتوی کر دی ہے ،فی الحال لاہور میں ہی قیام کرینگے ۔۔

پاکستان

شیخ رشید کی نئی پیشگوئی ،آئندہ 3ماہ بارے اہم انکشافات

اسلام آباد(آن لائن)عوامی مسلم لیگ کے سربراہ شیخ رشید احمد نے کہا ہے کہ لیڈر آف دی اپوزیشن کا حتمی فیصلہ ابھی نہیں ہوا ، قائد حزب اختلاف کے معاملے کو ابھی سیریس گیم نہیں سمجھتا ، ممکن ہے خورشید شاہ سے تمام معاملات طے پاجائیں، اسحاق ڈاراپنے بیان پرقائم رہے تو نواز شریف،قائم نہیں رہے تو خودپھنسیں گے، اقامے پرچورمچائے شوروالامعاملہ چل رہا ہے، اب یہ فلم بند ہونی چاہیے ،مولانا فضل الرحمن کا مقصد اسلام نہیں اسلام آباد ہے وہ اپوزیشن میں نہیں بیٹھیں گے کیونکہ ان کی علما کی فہرست میں بڑی تذلیل ہوچکی ہے ۔ان خیالات کا اظہار شیخ رشید نے نجی ٹی وی سے گفتگو کرتے ہوئے کیا ۔شیخ رشید احمد نے کہا کہ وزیرخزانہ اسحاق ڈار کا کیس بہت اہم ہے کیونکہ اگر اسحاق ڈاراپنے بیان پرقائم رہے تو نواز شریف جیل جائیں گے اگر وہ قائم نہیں رہے تو خودپھنسیں گے، اقامے پرچورمچائے شوروالامعاملہ چل رہا ہے، اب یہ فلم بند ہونی چاہیے۔انہوں نے کہاکہ امیگریشن میں اقامہ واپس لینے والوں کی لائن لگی ہوئی ہے اور بڑے بڑے صحافیوں کو کہتا ہوں کہ وہ معلوم کریں کتنے لوگوں نے اقامے پرسرینڈرکیا۔انہوں نے کہاکہ کسی کو غلط فہمی نہیں ہونی چاہیے اپوزیشن میں پی ٹی آئی،ایم کیو ایم کے ووٹ زیادہ ہیں تاہم لیڈر آف دی اپوزیشن کا حتمی فیصلہ ابھی نہیں ہوا ہے، اپوزیشن لیڈر کے معاملے کو ابھی سیریس گیم نہیں سمجھتا اور ممکن ہے خورشید شاہ سے تمام معاملات طے پاجائیں۔اس سوال پر کہ کیا اپوزیشن لیڈر کے معاملے پر شاہ محمود قریشی اور جہانگیر ترین میں کوئی گروپ بندی ہے پر انہوں نے کہاکہ شاہ محمود قریشی اور عمران خان میں اپوزیشن لیڈر بننے پرابھی کوئی معاملہ طے نہیں ہوا اور شاہ محمود قریشی کو اپوزیشن لیڈر بنانے پر تھوڑے بہت اختلافات ہیں تاہم میں کہتا ہوں کہ ہر جماعت میں گروپنگ ہوتی ہے تاہم عمران خان اور شاہ محمود قریشی میں سے کسی کو اپوزیشن لیڈر بنایا جاتا ہے ابھی اس کا حتمی فیصلہ نہیں ہوا تاہم اتنا کہوں گا کہ تحریک انصاف عمران خان کا نام ہے باقی کسی کا نام نہیں۔خورشید شاہ نے وہی کہنا ہے جو زرداری کہیں گے ۔ایک سوال کے جواب میں انہوں نے کہاکہ حدیبیہ پیپرمل کیس مدر آف دی کرائم ہے اس میں ملوث ملزمان کو بھی جیل جانا پڑے گا ۔ایک اور سوال پر شیخ رشید احمد نے کہاکہ یہاں اداروں کوللکارا جارہا ہے اور میں نظام کو بچانا چاہتا ہوں مجھے اپوزیشن لیڈر بننے کا شوق نہیں ہے اور نہ ہی میں یہ عہدہ لینا چاہتا ہوں اور میں نے عمران خان کو کہا کہ میں کسی صورت اپوزیشن لیڈر نہیں بننا چاہتا ۔اس سوال پر کہ نوازشریف تو عدالت میں پیش ہورہے ہیں مگر عمران خان کو درجنوں نوٹس جاری کیے گئے مگر وہ پیش نہیں ہوئے پر شیخ رشید نے کہا کہ اگر نوازشریف احتساب عدالت میں پیش نہ ہوتے تو ان کی جائیداد قرق ہوجاتی ، سب سے مشکل کیس وزیرخزانہ اسحاق ڈار کا ہے کیونکہ اگر اسحاق ڈاراپنے بیان سے پیچھے ہٹتے ہیں تو پھنس جائیں گے ۔ایک اور سوال کے جواب میں انہوں نے کہاکہ پنجاب میں مستقبل کا الیکشن ن لیگ اور تحریک انصاف کے درمیان ہے، ملک میں تین مہینے بہت اہم ہیں، 90دن میں ساری سیٹلمنٹ ہوجائے گی، اگر یہ الیکشن کمیشن، نیب اور عبوری حکومت ہو تو لکھ کر دیتا ہوں انتخابات نہیں ہونگے، الیکشن کمیشن کو باوقار اور نیب کو بااعتماد بنانا ہے ورنہ الیکشن نہیں ہوں گے۔شیخ رشید نے کہاکہ حکمران کہتے ہیں کہ ہم ہیں تو جمہوریت اور پاکستان ہے ۔اس سوال پر کہ عمران خان خود تو پارلیمنٹ میں آتے نہیں ہے اپوزیشن لیڈر بن گئے تو کیا وہ ایوان میں اپنا بہترین کردارادا کر پائےں گے ؟ پر شیخ رشید نے کہا کہ50 وزیر ہیں سات دن سے ایوان کا کورم پورا نہیں ہوا، یہ لوگ کونسا ایوان کو ترجیح دیتے ہیں ۔اس سوال پر کہ اگر مولانا فضل الرحمن حکومت سے اپوزیشن میں بنچوں پر بیٹھ جاتے ہیں تو پھر تحریک انصاف کے پاس نمبر گیم پوری نہیں ہوگی اس صورت میں وہ کیا کرے گی ؟ پر شیخ رشید نے کہاکہ مولانا فضل الرحمان کا مقصد اسلام نہیں اسلام آباد ہے ، مولانا فضل الرحمان اپوزیشن میں نہیں آسکتے اتنی بڑی غلطی وہ نہیں کرسکتے، مولانا فضل الرحمان کی علما کی فہرست میں بڑی تذلیل ہوچکی ہے۔ایک اورسوال پر سربراہ عوامی مسلم لیگ نے کہاکہ چوروں کے کہنے پر نیب کا چیرمین نہیں لگے گا، آزاد اور غیرجانبدار عبوری حکومت آنے تک عام انتخابات نہیں ہوسکتے، اگر حکومت، اپوزیشن لیڈر کسی چیز پر اتفاق نہ کرسکیں تو پھر آئین میں کوئی گنجائش نہیں، سپریم کورٹ میں استدعا کی کہ 8 عہدوں کا فیصلہ عدالت کرے۔
3

پاکستان

10سال کا ویزہ جاری ۔۔مگر کیوں ؟؟

اسلام آباد (آن لائن) سابق وزیراعظم میاں نواز شریف کا ریڈ پاسپورٹ ختم ہونے کے بعد انہیں بلیو پاسپورٹ جاری کردیا گیا جس پر انہوں نے انگلینڈ کا دس سال کا ویزہ حاصل کیا ہے، ذرائع کے مطابق سابق وزیراعظم نواز شریف وزیراعظم ہوتے ہوئے ریڈ پاسپورٹ استعمال کررہے تھے جس کی مدت اب ختم ہوچکی تھی لندن سے وطن واپسی پر انہوں نے بلیو پاسپورٹ کے اجراءکے بعد برطانوی ایمبیسی سے دس سال کے ویزے کیلئے درخواست دی تھی جسے منظور کرلیا گیا ہے اور گزشتہ روز انہیں پاسپورٹ بھی واپس کردیا گیا ہے

پاکستان

ایم کیو ایم کیلئے پی ٹی آئی خود رشتہ لے کرآئی،اب بڑی بہن کی شادی ہوگی یا چھوٹی کی ،فاروق ستار کا دلچسپ تبصرہ

اسلام آباد(اے این این)”ایم کیو ایم کیلئے پی ٹی آئی خود رشتہ لے کرآئی، اب جھگڑا یہ ہے کہ پہلے بڑی بہن کی شادی ہوگی یا چھوٹی کی “۔یہ دلچسپ باتیں متحدہ قومی موومنٹ (پاکستان) کے رہنما فاروق ستار نے ایک نجی ٹی وی کے پروگرام میں کہیں۔میزبان کے ایک سوال کا جواب دیتے ہوئے ڈاکٹر فاروق ستار کا کہنا تھا کہ تحریک انصاف خود ہمارے پاس رشتہ لے کر آئی اور اب یہ ان کو فیصلہ کرنا ہے کہ وہ اپوزیشن لیڈر کس کو چنتی ہے تاہم اب تحریک انصاف میں اس بات پر جھگڑا چل رہا ہے کہ پہلے چھوٹی بہن کا رشتہ ہوگا یا پھر بڑی بہن کا ، اس بارے عمران خان کو فیصلہ کرنا ہے ۔اس سوال پر دلہا عمران خان ہے یا شاہ محمود قریشی ؟ڈاکٹر فاروق ستار کا جواب تھا ”آج کل لڑکی والے خود رشتہ لے کر لڑکے والوں کے گھر آتے ہیں“۔