لندن (ویب ڈیسک ) اے ٹی پی ٹینس ٹورنامنٹ کے فائنل میں بلغاریہ کے گریگور نے بیلجیئم کے ڈیوڈ گوفِن کو ہرا کر ایونٹ کی ٹرافی پر قبضہ جما لیا ہے۔برطانیہ میں اے ٹی پی ٹینس کا ٹائٹل مقابلہ منعقد ہوا۔ بلغاریہ کے گریگور دمیتروف اور بیلجیم کے ڈیوڈ گوفن میں بڑا جوڑ پڑا۔بلغارین کھلاڑی نے دلچسپ کھیل کے بعد پہلا سیٹ سات پانچ سے اپنے نام کیا۔ ڈیوڈ گوفِن نے کم بیک کیا اور دوسرا چھ چار سے جیت لیا۔تیسرے سیٹ میں ایک بار پھر بلغاریہ کے پلیئر کا پلڑا بھاری رہا۔ انہوں نے چھ تین سے کامیابی حاصل کر کے ایونٹ کی ٹرافی پر قبضہ جما لیا۔

نئی دہلی:(ویب ڈیسک ) بھارت میں میچ فکسرز کے خلاف گھیرا تنگ کرنے کی تیاریاں شروع ہوگئیں جب کہ بھارتی بورڈ کے سابق صدر انوراگ ٹھاکر نے کھیل میں کرپشن کی روک تھام کیلیے بل پارلیمنٹ میں پیش کردیا۔بھارتی کرکٹ بورڈ کے صدر اور حکمران جماعت بی جے پی کے رہنما انوراگ ٹھاکر نے ایک پرائیویٹ ممبر بل پارلیمنٹ میں جمع کرایا ہے جس میں انھوں نے میچ فکسنگ میں ملوث شخص کو 10 برس کے لیے جھیل میں ڈالنے کی تجویز دی ہے، ساتھ میں فکسنگ کیلیے دی جانے والی رقم کا پانچ گنا جرمانہ لگانے کی بھی سفارش کی گئی ہے۔ یہ بل موسم سرما کے پارلیمنٹ سیشن کے دوران پیش کیا جائے گا۔انوراگ ٹھاکر نے یہ بھی مطالبہ کیا ہے کہ تمام اسپورٹس فیڈریشن کے لیے ایک مرکزی ایتھک کمیٹی بنائی جائے جہاں پر ڈوپنگ، میچ فکسنگ، عمر کے حوالے سے فراڈ، خواتین کو حراساں کرنے سمیت تمام معاملات کا جائزہ لیا جائے، انھوں نے یہ تجویز بھی پیش کی کہ اس کمیٹی کو سول کورٹ جتنے اختیارات حاصل ہونا چاہئیں، اس کمیٹی کے ممبران کی تعداد 6 ہو جن میں سے 4 سپریم یا پھر ہائیکورٹ کے ریٹائرڈ ججز ہونا چاہئیں، ساتھ میں انھوں نے کمیٹی ممبران کے لیے چیف جسٹس سے مشاورت کی بھی تجویز دی۔انوراگ ٹھاکر کا کہنا تھاکہ بھارتی آئین میں کسی بھی میچ فکسر کیلیے کوئی باقاعدہ سزا موجود نہیں ہے، اس لیے وہ پکڑے جانے پر آسانی سے خود کو کلیئر کرالیتا ہے، نئے قانون کی موجودگی میں فکسرز کو سخت سزا دلانا ممکن ہوجائے گا۔

(ویب ڈیسک ) ہور: پاکستان کرکٹ بورڈ میں چہیتوں کونوازنے کیلیے آئین میں تبدیلی کی تیاریاں جاری ہیں جب کہ چیئرمین بورڈ نجم سیٹھی نے گورننگ بورڈ کا اجلاس 22 نومبر کو لاہور میں طلب کر لیا۔نجم سیٹھی نے پاکستان کرکٹ بورڈ کا چیئرمین بننے کے بعد سابق بورڈ سربراہ شہریارخان کی باقیات کے خلاف ضروری اقدامات کرنے اور اپنے من پسند چہیتوں کونوازے کے لیے کمر کس لی ہے، ذرائع کے مطابق چیئرمین بورڈ نے گورننگ بورڈ کا اجلاس22 نومبر کو لاہور میں طلب کیا ہے، نجم سیٹھی کے چیئرمین بننے کے بعد گورننگ بورڈ کا یہ پہلا اجلاس ہوگا۔میٹنگ کا حصہ بننے والے ارکان عارف اعجاز، جنرل (ر) مزمل حسین واپڈا، نعمان کے ڈار ایچ بی ایل، مفتاح اسمعیل سوئی سدرن گیس، منصور مسعود خان یو بی ایل، کوئٹہ کے مراد اسمعیل، سیالکوٹ کے محمد نعمان بٹ اور لاہور ریجن کے شاریز عبداللہ خان روکھڑی شامل ہیں۔ذرائع کے مطابق اجلاس کا اہم ایجنڈا ریجن کرکٹ کے صدر کی میعاد بڑھانے کے لیے آئین میں ترمیم پر غور ہوگا، اس اقدام کی صورت میں سب سے زیادہ فائدہ چیئرمین نجم سیٹھی کے چہیتے شکیل شیخ کو ہوگا جو 2 بار اسلام آباد ریجن کے صدر رہ چکے ہیں، پی سی بی آئین میں ترمیم کی صورت میں شکیل شیخ کے تیسری بار صدر بننے میں حائل رکاوٹ ختم ہو جائے گی۔اجلاس میں پاکستان میں انٹرنیشنل کرکٹ کی بحالی کے حوالے سے بھی تفصیلی جائزہ لیا جائے گا، چیئرمین بورڈ گورننگ بورڈ کو سری لنکا کی پاکستان آمد اور ویسٹ انڈیز کے دورہ? پاکستان کے راستے میں حائل رکاوٹوں پر بھی ارکان کو تفصیلی بریفنگ دینے کے ساتھ آئندہ برس فروری اور مارچ میں شیڈول پاکستان سپر لیگ کے تیسرے ایڈیشن کی تیاریوں کے حوالے سے بھی بات چیت کی جائے گی۔ لیگز کے دونوں سیمی فائنلز لاہور اور فائنل کراچی میں ہوا تو اس کے لیے ضروریاقدامات کرنے کے حوالے پر بھی غور ہوگا۔ ذرائع کے مطابق اجلاس میں پاک بھارت کرکٹ سریز کے لیگل معاملات کا بھی جائزہ لیا جائے گا۔یاد رہے کہ پاکستان اور بھارتی کرکٹ بورڈ کے درمیان 2015 تا 2023 کے عرصے کے دوران مجموعی طور پر8 سیریز ہونا تھیں لیکن بھارتی بورڈ کے انکار کے بعد پی سی بی کو 50 ارب روپے کا نقصان برداشت کرنا پڑ رہا ہے، اس نقصان کے ازالے کے لیے پی سی بی عالمی عدالت میں کیس کرنے کا ارادہ رکھتا ہے جس کے لیے ایک ارب روپے کی خطیر رقم بھی مختص کردی گئی ہے جب کہ سابق چیئرمین پی سی بی شہریار خان واضح کرچکے ہیں کہ اس کیس سے پاکستان کو فائدے کی بجائے الٹا نقصان ہی ہوگا، اجلاس میں اس حوالے سے بھی باریک بینی کے ساتھ جائزہ لیا جائے گا۔مزید معلوم ہوا ہے کہ اجلاس میں ڈومیسٹک کرکٹ کے معاملات پر بھی بحث ہوگی اور قائد اعظم ٹرافی کے دوران اسپانسر نہ ملنے، ڈومیسٹک ایونٹ کے دوران کھلاڑیوں کے انٹرنیشنل لیگز میں چلے جانے اور اس سسٹم میں موجود خامیوں پر بھی غور کیا جائیگا۔

) ماضی کے عظیم بیٹسمین اور سابق کرکٹ کپتان محمد یوسف نے انڈر 19 ایشیا کپ فائنل میں افغانستان کے ہاتھوں پاکستان کی ذلت آمیز شکست کو خطرے کی گھنٹی قرار دیتے ہوئے کہا ہے کہ اگر کرکٹ کی بہتری کے لیے اچھے لوگوں کو ا?گے نہیں لایا گیا تو وہ دن دور نہیں جب پاکستان کرکٹ کا نام صرف کتابوں میں رہ جائے گا۔واضح رہے کہ ملایئشیا کے دارالحکومت کوالالمپور میں گذشتہ روز کھیلنے جانے والے انڈر 19 ایشیا کپ کے فائنل میں افغانستان کی ٹیم نے پاکستان کو 186 رنز سے شکست دے کر شاندار فتح حاصل کی، اس ٹورنامنٹ میں افغانستان نے پاکستان کو دوسری بار ہرایا ہے۔افغانستان نے انڈر 19 ایشیا کپ فائنل میں پاکستان کو شکست دیدیسابق ٹیسٹ کرکٹر محمد یوسف نے انڈر 19 ایشیا کپ میں پاکستانی ٹیم کی کارکردگی پر مایوسی کا اظہار کرتے ہوئے کہا کہ اگر ہم ایشیائی سطح پر افغانستان سے ہارتے رہے اور ہنگامی بنیادوں پر اقدامات نہیں کیے گئے تو پھر عالمی سطح پر تو ٹیم کا اللہ ہی حافظ ہے۔محمد یوسف نے پیشکش کی کہ اگر بورڈ مجھے اس قابل سمجھتا ہے تو میں پاکستان انڈر 19 ٹیم کی کوچنگ کرنے کو تیار ہوں۔ان کا کہنا تھا، ‘جب راہول ڈریوڈ بھارت کی جونیئر ٹیم سنبھال سکتا ہے تو مجھے بھی کوئی عار نہیں ہے، میں پہلے بھی کہہ چکا ہوں کہ میں جونیئر ٹیم کا کوچ بننے کے لیے تیار ہوں’۔محمد یوسف نے کہا کہ پاکستان میں ثقلین مشتاق جیسا عظیم کھلاڑی اپنی خدمات پیش کررہا ہے، لیکن انہیں نہ پاکستان کرکٹ بورڈ نے لفٹ کرائی اور نہ پاکستان سپر لیگ کی چھ فرنچائزوں نے موقع دیا، دنیا بھر میں ا?ف اسپن کے فن کو زندہ کرنے والے ثقلین مشتاق آج انگلش ٹیم کے لیے کام کررہے ہیں لیکن پاکستان کرکٹ میں انہیں کوئی موقع نہیں دے رہا۔
انہوں نے کہا کہ انڈر 19 ٹیم پاکستان کرکٹ کا مستقبل ہے، اگر نوجوان کرکٹرز میں صلاحیت نہیں ہے تو پھر آگے چل کر کرکٹ کو نقصان ہی ہوگا، جونیئر ٹیم سے ہی اچھے کھلاڑی اوپر آتے ہیں۔انڈر 19 ایشیا کرکٹ کپ: فائنل اتوار کو پاکستان اور افغانستان کے درمیان ہوگامحمد یوسف نے کہا کہ افغانستان کے ہاتھوں مسلسل دوسری شکست پاکستانی جونیئر کرکٹ ٹیم کے لیے بڑا دھچکہ ہے اور اس مایوس کن شکست سے غلطیوں کی اصلاح کرنا ہوگی۔ان کا کہنا تھا کہ جونیئر ورلڈ کپ چند ماہ بعد نیوزی لینڈ میں ہورہا ہے، جبکہ ڈیڑھ سال بعد انگلینڈ میں سنیئر ورلڈ کپ ہونا ہے۔محمد یوسف نے کہا کہ کوئی بھی کوچ کھلاڑی کو غلط بات نہیں بتاتا، لیکن مسئلہ یہ ہے کہ کھلاڑی سیکھنا بھی چاہتے ہیں یا نہیں، لہذا ایسے کوچ کو اہمیت دی جائے جو اپنی بات پر کھلاڑیوں کو قائل کرے اور کھلاڑی اس کے مشوروں پر عمل کریں۔محمد یوسف نے کہا کہ پاکستان کرکٹ کو بولر بچار ہے ہیں، بیٹنگ نے اکثر دھوکا دیا ہے، چیمپنز ٹرافی میں بھی بولنگ کام آئی جبکہ سنیئر کھلاڑیوں نے کارکردگی نہیں دکھائی تھی۔انہوں نے کہا کہ ورلڈ کپ ڈیڑھ سال دور ہے، اب ہمیں اس بارے میں سوچنا ہوگا، ورنہ ایسا نہ ہو کہ کوئی کرکٹ کے بارے میں نام ہی نہ لے، یہ صورتحال الارمنگ ہے، ہمیں غلط لوگوں کو فیور کرنے سے گریز کرنا ہوگا۔سابق کرکٹر کا کہنا تھا کہ چیمپیئنز ٹرافی کی جیت سے پاکستان کرکٹ زندہ ہوئی ہے، اور ہمیں اسی تسلسل کو برقرار رکھنا ہوگا۔ان کا کہنا تھا کہ سرفراز احمد کے کپتان بنتے ہی ٹیم میں نئی روح پھونک دی گئی ہے اور انہوں نے کپتان بن کر ٹیم تبدیل کردی ہے۔کرکٹ کی بہتری کے لیے بہترین اور دیانت دار لوگوں کو آگے آنا ہوگا۔محمد یوسف کا شمار پاکستان کے عظیم ترین بیٹسمینوں میں کیا جاتا رہا ہے، انضمام الحق، یونس خان اور مصباح الحق کے ساتھ انہوں نے دنیا بھر میں اپنی بیٹنگ کے جوہر دکھائے۔ماضی میں رن مشین کی نام سے شہرت رکھنے والے محمد یوسف نے پاکستان کی جانب سے 90 ٹیسٹ میں 7530 اور 288 ون ڈے انٹر نیشنل میں9720 رنز بنائے ہیں۔