مالاپ پورم (ویب ڈیسک) بھارت کی تاریخ میں پہلی بار ایک خاتون نے جمعے کی نماز کی امامت کرائی، جس پر انہیں شدید تنقید کا سامنا ہے۔ رپورٹ کے مطابق ریاست کیرالہ کے ایک گاؤں کی رہائشی 34 سالہ خاتون جمیٹھا نے جمعے کی نماز کی امامت کرائی۔جماعت میں خواتین اور مردوں سمیت 50 نمازی شامل تھے۔جماعت میں خواتین اور مردوں سمیت 50 نمازی شامل تھے۔خاتون جمیٹھا قرآن و سنت سوسائٹی کی جنرل سیکریٹری ہیں، جنہیں ‘استانی جمیٹھا’ کے نام سے جانا جاتا ہے۔ رپورٹ کے مطابق خاتون کا کہنا تھا کہ مجھے اس اقدام پر شدید تنقید کا سامنا ہے، بہت سارے مرد اس کے خلاف ہیں، لیکن اسلام عورتوں اور مردوں کو مساوی حقوق دیتا ہے’۔خاتون کا مزید کہنا تھا کہ مردوں کے تسلط کو چیلنج کرنے کی ضرورت ہے۔خاتون کا کہنا تھا کہ یہ ضروری نہیں ہے کہ نماز جمعہ کے اجتماعات محض مساجد میں ہی ہوں۔خاتون کی جانب سے نماز جمعہ کی امامت کرانے کے بعد سوشل میڈیا پر ایک تنازع کھڑا ہوگیا ہے اور بعض لوگوں کا کہنا ہے کہ خاتون نے اسلامی قوانین کو بدلنے کی کوشش کی ہے۔

واشنگٹن (نیااخبار رپورٹ) اقوام متحدہ میں امریکی سفیر نکی ہیلی نے صدر ڈونلڈ ٹرمپ سے ماورائے شادی کسی قسم کے ناجائز تعلق سے متعلق افواہوں کو سختی سے مسترد کردیا ہے اور انہیں بہت ہی جارحانہ اور بے ہودہ الزام قراردیا ہے۔ امریکی میڈیا رپورٹ کے مطابق صدر ٹرمپ کے بھارتی نژاد نکی ہیلی سے ناجائز مراسم کا انکشاف ”فائر اور فیوری“ (آتش اور غیظ) کے مصنف مائیکل وولف نے گزشتہ ہفتے ایک ٹیلی ویژن پروگرام میں گفتگو کرتے ہوئے کیا تھا۔ انہوں نے امریکی میگزین کو انٹرویو میں صدر ٹرمپ سے کسی قسم کے رومانس کا سے انکار کیا اور کہاکہ یہ بالکل غلط بات اور بے ہودہ الزام ہے۔ ان کا کہنا تھا کہ مصنف نے کہاہے کہ اوول آفس میں صدر کے ساتھ اپنے سیاسی مستقبل کے بارے میں گفتگو کرتی رہی ہوں۔ میں یہ واضح کردوں کہ میں نے کبھی صدر سے اپنے مستقبل کے بارے میں بات کی ہے اور نہ میں نے کبھی ان سے تنہائی میں ملاقات کی ہے۔
نکی ہیلی

واشنگٹن(خصوصی رپورٹ)امریکہ نے پاکستان سے مطالبہ کیا ہے وہ ریڈیو چینل مشال  نشریات بحال اور اس کے دفاتر کھول دے، جس پر پاکستانی حکام نے ملکی مفادات کیخلاف پروگرام نشر کرنے کے الزام میں پابندی لگائی تھی۔ پشتو زبان کا یہ چینل امریکی ادارے ریڈیو فری یورپ اور ریڈیو برنی کا ایک حصہ ہے، جس کیلئے امریکی کانگریس فنڈ فراہم کرتی تھی اور ان تمام اداروں کے دفاتر اسلام آباد میں بھی ہیں، جن سب کو بند کر دیا گیا ہے۔امریکی وزارت خارجہ کی ترجمان ہیتھرنوارٹ نے واشنگٹن میں صحافیوں سے گفتگومیں بتایا پا کستان کے اس فیصلے پر امریکہ کو شدید تحفظات ہیں۔ ہم نے پاکستان کو اپنے تحفظات پہنچا دئیے ہیں اور اسلام آباد پر زور دیا ہے وہ فوری طور پر بندش کا فیصلہ ختم ،ریڈیو مشال کی نشریات و آپریشنز بحال کرے۔ ریڈیو مشال پاک افغان سرحدی علا قو ں کے بار ے میں پروگرام نشر کرتا ہے جس کا مقصد ان علاقوں میں شدت پسندوں کی طرف سے کئے جانیوالے پراپیگنڈے کا توڑ کرنا ہے ۔پاکستانی حکام نے یہ پابندی آئی ایس آئی کی مبینہ سفارش پر عائد کی تھی ۔