کراچی(آئی این پی)شہر قائد میں انتظار کے قتل کے واقعے کی سی سی ٹی وی فوٹیج 15 روز بعد بالآخر میڈیا کو مل گئی، اہلکاروں نے گاڑی کو گھیر کر روکا اور پھر جانے کی اجازت دی، کار چلتے ہی گولیاں برسا دی گئیں۔اتوار کو ایک نجی ٹی وی کے مطابق واقعے کے 15 روز بعد مقتول کے والد سی سی ٹی وی فوٹیج منظر عام پر لے آئے۔ سی سی ٹی وی فوٹیج میں دیکھا جا سکتا ہے کہ ڈیفنس کی ایک روڈ کراسنگ پر انتظار کی سفید رنگ کی کار جیسے ہی رکی سیاہ رنگ کی ایک کار اس کے سامنے آ گئی۔ اسی دوران پیچھے سے تیزی سے موٹر سائیکل سوار سادہ کپٹروں میں ملبوس 2 اہلکار آئے۔جیکٹ پہنے ایک اہلکار موٹر سائیکل سے نیچے اتر کر کار میں جھانکا۔ اسی دوران ایک اور سیاہ رنگ کی کار انتظار کی کار کے برابر میں آ کر رکی جس میں بیٹھے شخص نے پہلے اہلکار کو اشارہ کیا اور پھر انتظار کو جانے کا اشارہ کیا۔اسی دوران سامنے سے ایک اور موٹر سائیکل آ کر رکی۔ اشارہ ملنے کے بعد انتظار نے اپنی کار موڑنے کے لئے تھوڑی سی ریورس کی اور آہستہ آہستہ موڑ کاٹتے ہوئے کار کی رفتار بڑھائی۔انتظار کی کار کے سامنے سے ایک اہلکار گزرا اور جیسے ہی انتظار کی کار نے موڑ کاٹا، پیچھے سے سادہ کپڑوں میں ملبوس 2 اہلکاروں نے فائرنگ شروع کر دی۔انتظار کی کار کے پیچھے سفید رنگ کی ایک اور کار کو دیکھا جا سکتا ہے۔ انتظار کی کار کیمرے سے غائب ہونے کے بعد دو موٹر سائیکل اور کار میں سوار اہلکاروں کو بھی جاتے ہوئے دیکھا جا سکتا ہے۔دستیاب سی سی ٹی وی فوٹیج میں اس سے آگے کے مناظر موجود نہیں جن میں کیس سے متعلق اہم ترین شواہد ہو سکتے ہیں۔

اسلام آباد(ویب ڈیسک) سابق وزیر خزانہ اسحاق ڈار کیخلاف نیب ریفرنس کی سماعت آخری مرحلے میں داخل ہوگئی ہے اور مزید گواہوں نے اپنے بیانات قلمبند کرادیے ہیں۔ آمدن سے زائد غیر قانونی اثاثے بنانے کے ریفرنس میں اسحاق ڈار کیخلاف گواہی دینے کا عمل آخری مرحلے میں داخل ہوگیا ہے۔ نیب کی طرف سے جمع کرائی گئی 28 گواہوں کی فہرست میں سے 18 کا بیان قلمبند ہوچکا ہے جب کہ عدالت نے 8 گواہوں کو بیان قلمبند کرانے کیلئے آج طلب کررکھا ہے جن میں سے اب تک 3 گواہوں کے بیان قلمبند کرلیے گئے ہیں۔ اس طرح آج 26 گواہوں کے بیان ریکارڈ ہوجائیں گے اور صرف دو گواہ رہ جائیں گے جن میں نیب کے تفتیشی افسر اور پاناما کیس کی جے آئی ٹی کے سربراہ واجد ضیا شامل ہیں۔اسلام آباد کی احتساب عدالت کے جج محمد بشیر نے اسحاق ڈار کیخلاف آمدن سے زائد اثاثے بنانے سے متعلق نیب مقدمے کی سماعت کی۔ عدالت میں استغاثہ کے 3 گواہ پیش ہوئے جن کے بیان قلمبند کر لئے گئے۔ گواہوں میں اقبال حسن، عمر دراز گوندل اور نیب کے افسر شکیل انجم ناگرا شامل ہیں۔

وزیرآباد(آن لائن) سینئر مسلم لیگی راہنما کیپٹن ریٹائرڈ صفدر نے کہا ہے کہ موجودہ سیاسی ابتری سینیٹ کے الیکشن کو سبوتاژکرنے کی کوشش ہے ۔سیاستدانوں کے ساتھ ساتھ اداروں بیٹھے ہوئے لوگوں کابھی احتساب ہونا چاہئے۔ممتاز قادری کی پھانسی سے نواز شریف کو بے خبر رکھا گیا۔نفاذ شریعت کی بنیاد پر پاکستان قائم ہوا تھا۔نواز شریف 90کی دہائی سے سزا بھگت رہے ہیں۔موجودہ نظام کینسر زدہ ہے ۔مہاجروں کو تاحال ان کے حقوق نہیں دیئے گئے۔وہ یہاں مہر آباد شریف بھٹیکی میں عبد الغفور ہزاروی کے مزار پر چادر پوشی کے بعد اخبار نویسوں سے بات چیت کر رہے تھے۔اس موقع پر ڈاکٹر محمد آصف ہزاروی اور ایم پی اے شوکت منظور چیمہ بھی موجود تھے۔ کیپٹن صفدر نے کہا کہ 70سالوں کی سیاسی گندگی کو چار سالوں میں صاف کر نے کی کوشش کی۔ دوسرے صوبوں کی نسبت پنجاب نے مثالی ترقی کی ہے جس کا سہرا میاں نواز شریف کے سر ہے۔ میاں نواز شریف 90کی دہائی سے سزا بھگت رہے ہیں۔انہوں نے کہا کہ موجودہ نظام کینسر زدہ ہے جس کا مناسب علاج ضروری ہے۔سیاستدانوں کے ساتھ ساتھ اداروں میں بیٹھے ہوئے لوگوں کا بھی احتساب ہونا چاہئے۔ اداروں کے مابین ٹکراﺅ کی کیفیت ہے جو خود اداروں کی ہی پیدا کردہ ہے۔انہوں نے کہا کہ موجودہ سیاسی ابتری سینیٹ کے الیکشن کو سبو تاژ کرنے کی کوشش ہے ۔ (ن) لیگ کو سینیٹ میں اکثریت حاصل کر نے کی راہ میں روکاوٹین ڈالی جا رہی ہیں۔انہوں نے کہا کہ مہاجر محروم طبقہ ہے جن کو تاحال ان کے حقوق نہیں دیئے گئے ہیں۔پاکستان نفاذ شریعت کی بنیاد پر قائم ہوا جہاں سب کے حقوق مساوی ہیںاور محروم طبقات کو بھی ان کے حقوق دینے کا وعدہ کیا گیا تھا۔انہوں نے کہ کہ ممتاز قادری کی پھانسی سے نواز شریف کو لا علم رکھا گیا تھا۔جن لوگوں نے اقامہ کی بنیاد پر نواز شریف کو نااہل کیا وہی ممتاز قادری کی پھانسی کے بھی ذمہ دار ہیں۔ ممتاز قادری کے جنازہ میں 6لاکھ افراد نے شرکت کی جو آنکھیں کھولنے کے لئے کافی ہے ۔عدالتوں کے اپنے فیصلے ہوتے ہیں جبکہ عوام اپنے فیصلے کرتے ہیں۔انہوں نے کہا کہ قادیانی غیر مسلم ہیں اور رہینگے۔اس پر کوئی سمجھوتہ ہو سکتا ہے نہ گفتگو۔انہوں نے قادیانی مردہ باد کے نعرے بھی لگوائے ۔انہوں نے کہا کہ شیخ القرآن عبد الغفور ہزاروی ، ہزارہ دھرتی کی پہچان اور ہمارے خاندان کے روحانی پیشوا ہیں۔وزیرآباد پر بھی اللہ کا خاص کرم ہے جہاں عبد الغفور ہزاروی ، مفتی عبد الشکو ر ہزاروی اور عاشق رسول عامر چیمہ جیسی شخصیات محو استراحت ہیں۔بعد ازاں وہ قریبی گاﺅں ساروکی بھی گئے جہاں انہوں نے عامر چیمہ شہید کے مزار پر حاضری دی اور پھولوں کی چادر چڑھائی۔

اسلام آباد (این این آئی)محکمہ موسمیات نے (آج)پیر اور منگل کو بارشوں کے نئے سلسلے کی خوشخبری سنا دی ہے۔ وفاقی دارالحکومت سمیت خیبر پختو نخوا، فاٹا اور بلوچستان کے بعض علاقوں میں بارش اور پہاڑی علاقوں میں برف باری کا امکان ہے۔محکمہ موسمیات کے مطابق بارش برسانے والا مغربی ہواﺅں کا سلسلہ ملک میں داخل ہوگیا ہے جس سے پیر اور منگل کو وفاقی دارالحکومت اسلام آباد ¾راولپنڈی ڈویژن ¾ مالا کنڈ ¾ ہزارہ ڈویژن ¾ فاٹا ¾ کشمیر اور گلگت بلتستان میں وقفے وقفے سے گرج چمک کے ساتھ بارش کا امکان ہے۔ اس کے علاوہ بنوں، پشاور کوہاٹ، سرگودھا، گوجرانوالہ، کوئٹہ، ژوب ڈویژن کے کچھ علاقوں میں بارش کا امکان ہے۔بارشوں کے سلسلے کے دوران مالا کنڈ کوئٹہ ژوب ڈویژن میں پہاڑوں پر برف باری کا بھی امکان ہے۔ مری، گلیات، ناران کاغان کشمیر اور گلگت بلتستان کے پہاڑوں پر بھی برف باری ہو گی۔کراچی میں بارش کا فی الحال امکان نہیں، منگل کے بعد دو روز تک کراچی کا درجہ حرارت 2 ڈگری تک کم ہو سکتا ہے۔ میدانی علاقوں میں دھند کا سلسلہ آئندہ 24 گھنٹے تک برقرار رہے گا۔محکمہ موسمیات کے مطابق بارش کے سلسلہ کے ساتھ ہی دھند کی شدت میں بھی کچھ کمی آجائے گی۔ محکمہ موسمیات نے مطابق (آج) پیر اور منگل کے روز اسلام آباد اور راولپنڈی سمیت سرگودھا، چکوال، سرگودھا، پشارو ہزارہ ڈویژن، فاٹا،میں چند مقامات پر گرج چمک کے ساتھ بارش جبکہ اس دوران مالاکنڈ، کوئٹہ، ژوب ڈویژن، گلیات، ناران، کاغان، مری، کشمیر اور گلگت بلتستان میں ہلکی برف باری کا امکان ہے۔ رپورٹ کے مطابق ملک کے بیشتر علاقوں میں موسم سرد اور خشک رہے گا تاہم پنجاب کے میدانی علاقوں اور بالائی سندھ میں رات اورصبح کے اوقات میں شدید دھند پڑنے کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا جبکہ پنجاب کے میدانی علاقے اور سکھر ڈویژن شدید دھند کی لپیٹ میں رہے ہیں۔

لندن (صباح نیوز) چیئرمین پاکستان پیپلزپارٹی بلاول بھٹو زرداری نے کہا ہے کہ فیک نیوز سے جڑے بزنس سے جمہوریت کو بھی خطرات ہیں۔ تاہم فیک نیوز پھیلانے میں سیاستدان بھی ملوث ہیں۔ انہوں نے واضح کیا کہ ایسی نیوز کو ریگولیٹ کرنے کا اختیار ریاستوں کو نہیں ہونا چاہئے۔ بلاول بھٹو زرداری نے برطانوی ٹی وی کے مباحثہ میں شرکت کی جس کا موضوع تھا۔ ”فیک نیوز دور میں حقیقت اور منانے کی تلاش“ بلاول بھٹو کاکہنا ھا کہ پاکستان اور دیگر ترقی پذیر ممالک میں میڈیا کمرشلائز حیثیت اختیار کر چکا ہے اور میڈیا کے ساتھ کاروباری مفادات جڑے ہیں۔ ان کا کہنا تھا کہ غیرروایتی پلیٹ فارم خبروں کے لئے زیادہ قابل اعتبار ذریعہ ثابت ہو سکتا ہے۔ ان کا کہنا تھا کہ فیک نیوز سے جڑے کاروبار سے جمہوریت کو بھی خطرات ہیں۔ ان کا کہنا تھا کہ پاکستان میں میڈیا کے بڑے حصہ کو بڑے کاروباری ادارے کنٹرول کرتے ہیں۔ ان کا کہنا تھا کہ میڈیا جھوٹی خبریں دینے میں کوئی ہچکچاہٹ محسوس نہیں کرتا۔ الیکٹرانک میڈیا پر بھی جھوٹی خبریں چلائی جاتی ہیں۔ ان کا کہنا تھا کہ پاکستان میں کئی بہت اچھے صحافی موجود ہیں۔ بہادر صحافیوں کے ساتھ مل کر ہی ملک میں تین مارشل لا¶ں کا خاتمہ کیا گیا۔ بلاول بھٹو کا کہنا تھا کہ فیک نیوز کا معاملہ ریاست کو ریگولیٹ نہیں کرنا چاہئے۔ ان کا کہنا تھا کہ ہمارے ہاں سکولوں اور یونیورسٹیوں میں طلباءکو صحافت کی تعلیم نہیں دی جاتی۔ بلاول بھٹو زرداری کا کہنا تھا کہ فیک نیوز سے جڑے بزنس سے جمہوریت کو بھی خطرات ہیں۔ ان کا کہنا تھا کہ عراق میں بڑے پیمانے پر تباہی پھیلانے والے ہتھیاروں کی موجودگی کا دعویٰ بھی جھوٹی خبر تھی۔