کراچی(ویب ڈیسک )کپڑوں کے تاجر نقیب اللہ کے ماورائے عدالت قتل میں ملوث سابق ایس ایس پی ملیر راو¿ انوار کی گرفتاری کے لیے آئی جی سندھ اے ڈی خواجہ نے انٹیلی جنس ایجنسیوں سے مدد مانگ لی۔ نقیب اللہ قتل کیس میں ملوث راو¿ انوار کی گرفتاری کیلئے آئی جی سندھ اللہ ڈنو خواجہ نے حساس اداروں کو خط لکھ کر درخواست کی ہے کہ ملزم راو¿ انوار کی نشاندہی، تلاش اور گرفتاری میں مدد کی جائے۔آئی جی سندھ نے کہا کہ راو¿ انوار کی گرفتاری کیلئے ٹیکنیکل اور انٹیلی جنس بنیادوں پر ہر ممکن مدد کی جائے، راو¿ انوار 20 جنوری کی صبح پی آئی اے کی پرواز سے اسلام آباد گیا، 23 جنوری کو ملزم نے اسلام آباد ایئرپورٹ سے دبئی فرار ہونے کی کوشش کی، ایف آئی اے امیگریشن نے اسے باہر جانے سے روکا۔آئی جی سندھ نے خط میں کہا کہ راو¿ انوار ملک سے فرار ہونے کی سر توڑ کوششیں کررہا ہے، ملزم کو جلد سپریم کورٹ میں پیش کرنا ہے، لہذا گرفتاری میں مدد کی جائے۔واضح رہے کہ تحقیقاتی کمیٹی نے نقیب اللہ محسود کو بے گناہ اور پولیس مقابلے کو جعلی قراردیا ہے . راو¿ انوار تحقیقاتی کمیٹی سامنے پیش نہیں ہورہے اور روپوش ہوچکے ہیں جب کہ سپریم کورٹ نے ان کی گرفتاری کے لیے ہفتے کے روز پولیس کو 72 گھنٹوں کا وقت دیا ہے۔

کراچی(ویب ڈیسک )پاکستان تحریک انصاف کے چیئرمین عمران خان کا کہنا ہے کہ نقیب اللہ کے قتل میں ملوث راﺅانوار کے پیچھے سیاست دان ہیں جو اس سے قتل کرواتے ہیں۔کراچی میں نقیب اللہ کے تعزیتی کیمپ میں جرگے سے خطاب کرتے ہوئے پاکستان تحریک انصاف کے چیئرمین عمران خان نے کہا کہ نقیب اللہ کے ساتھ ظلم ہوا ہے، مجھے پتہ چلا ہے کہ پہلے بھی علاقے میں ایسے جعلی پولیس مقابلے ہوتے رہے ہیں، راو¿ انوار جیسے قاتلوں کو کڑی سزا دینی چاہیے، اس کے پیچھے سیاست دان ہیں جو اس سے قتل اور عوام پر ظلم کراتے ہیں، راو¿ انوار کے خلاف سب کچھ سامنے آچکا ہے، اب اس کی پشت پناہی کرنے والوں کو سامنے لانا چاہیے۔چیرمین پی ٹی آئی نے کہا کہ پولیس کو سیاست دانوں نے خود تباہ کیا ہے، خیبرپختونخوا میں پولیس غیر سیاسی ہے، ہمیں اس نظام کو تبدیل کرنا ہوگا، جب قوم کی حفاظت کرنے والے ہی جرم کرنا شروع کردیں تو اس کا مطلب ہے کہ معاشرے میں بہت بڑی خرابی ہے، اس لئے ہماری جنگ اس نظام کے خلاف ہے، راو¿ انوار پولیس کی وردی میں ایک قاتل ہے جس نے 440 بے گناہ لوگوں کو مقابلے میں قتل کیا، اس کو سخت سزا ملنی چاہیے۔عمران خان کا کہنا تھا کہ راﺅانوار نے بہت سے بے قصور لوگوں کو قتل کیا، مگر نقیب اللہ کے خاندان نے اپنے بیٹے کے قتل کے خلاف آواز بلند کی اور چیف جسٹس پاکستان نے بھی واقعے کا نوٹس لے لیا تاکہ نقیب کو انصاف فراہم کیا جائے، راو¿ انوار کو سزا ملنی چاہیے تاکہ آئندہ کسی کے والد کو پولیس کے ہاتھوں اپنے بیٹے کی ہلاکت کی خبر نہ ملے۔قبل ازیں عمران خان معروف شیف مرحومہ زبیدہ آپا اور ڈیفنس میں جعلی پولیس مقابلے میں ہلاک نوجوان انتظار احمد کے گھر بھی گئے اور تعزیت کی۔

لاہور(ویب ڈیسک )پاکستان عوامی تحریک کے سربراہ طاہرالقادری نے کہا ہے کہ لاہور میں بھی بہت سارے راو¿ انوار ہیں ان کے خلاف کب کارروائی ہوگی۔لاہور میں پریس کانفرنس کرتے ہوئے عوامی تحریک کے سربراہ طاہرالقادری نے کہا کہ لاہور میں بھی کثیر تعداد میں راو¿ انوار ہیں، ان پر کب ہاتھ ڈالا جائے گا، ان پر بھی جے آئی ٹی بنائی جائے۔طاہرالقادری نے کہا کہ نواز شریف پاکستان کی سا لمیت کے سب سے بڑے دشمن ہیں، ان کی نااہلی سے ڈرون حملوں کا کیا تعلق ہے؟ نواز شریف اب جانے والے ہیں اس لئے خوفزدہ ہیں، کوئی تو خطرہ ہے جبھی نوازشریف کو ہر طرف طاہرالقادری نظر آتا ہے، میں ان کا خاتمہ دیکھ رہا ہوں، ان پر مارچ چڑھتا ہوا نہیں دیکھ رہا، اگر میرا اندازہ غلط نہ ہوا تو یہ نہیں رہیں گے، سیاسی حکمت عملی منزل کے قریب پہنچ چکی ہے اور ان کا ہٹنا ٹہر گیا ہے، پھر ان کی فرعونیت کا خاتمہ ہے۔سربراہ عوامی تحریک کا کہن تھا کہ سانحہ ماڈل ٹاو¿ن پر احتجاج کے حق کو محفوظ کرلیا، جب اور جہاں چاہیں گے احتجاج کریں گے، پیپلز پارٹی اور پی ٹی آئی اس مسئلے پر پہلے بھی ہمارے ساتھ تھے اور اب بھی ساتھ ہیں، اجتجاج کا فیصلہ مشترکہ حمکت عملی سے طے ہوگا، اس ملک کے حکمران درندے ہر روز جلسے کر رہے ہیں، انتظامیہ اور پارلیمنٹ فیل ہوجائے تو عدلیہ کو اپنا کردارادا کرنا پڑے گا۔