لاہور: (ویب ٹیسک) جے یو آئی خیبرپختونخوا اسمبلی میں تیسری پوزیشن پر آ گئی، جے یو آئی سے اپوزیشن لیڈر کا عہدہ بھی چھن جانے کا امکان ہے۔خیبر پختونخوا کے ضلع چارسدہ سے جے یو آئی کے ٹکٹ پر منتخب رکن صوبائی اسمبلی فضل شکور تحریک انصاف میں شامل ہو گئے ہیں جس کے بعد جے یو آئی کے قائدین نے فضل شکور کو ڈی سیٹ کرنے کے لئے قانونی مشاورت شروع کر دی ہے۔ تمام پہلوو¿ں کا جائزہ لیکر کر الیکشن کمیشن سے رجوع کیا جائے گا۔ایم پی اے فضل شکور کے جانے سے جے یو آئی خیبرپختونخوا اسمبلی میں عددی اعتبار سے تیسری پوزیشن پر آ گئی ہے۔ پی ٹی آئی 61 ارکان کے ساتھ پہلے نمبر پر جبکہ ن لیگ 16ایم پی ایز کے ساتھ دوسرے نمبر پر ہے جبکہ جے یو آئی کے ارکان کے تعداد کم ہو کر 15 ہو گئی ہے۔اپوزیشن لیڈر کا عہدہ جے یو آئی کے مولانالطف الرحمان کے پاس ہے لیکن ایوان میں ارکان کی تعداد کم ہونے سے اب قائد حزب اختلاف کا عہدہ ن لیگ کے پاس چلے جانے کا خدشہ پیدا ہو گیا ہے۔جے یو آئی اور ن لیگ کے مابین وفاق میں دوریاں بڑھ رہی ہیں جس کے اثرات خیبرپختونخوا میں بھی نظر آسکتے ہیں۔ اور حزب اختلاف کی دونوں جماعتوں کے مابین اپوزیشن لیڈر کی سیٹ پر محاذ آرئی ہو سکتی ہے۔

قصور(ویب ڈیسک) قصور کی معصوم کلی زینب کے قاتل کو تلاش کرنے کے لئے تمام تحقیقات روایاتی طریقوں سے ہٹ کر کی گئیں ، ایک جانب اداروں نے جدید تیکنیک استعمال کی تو دوسری جانب پنجاب پولیس کے جوانوں نے بھی انتہائی جانفشانی کا مظاہر ہ کیا ، اب پنجاب پولیس کی ان گمنام اہلکاروں کی تصویریں بھی سامنے آگئی ہیں جو اس کیس کی تحقیقات میں مصروف رہے۔تفصیلات کے مطابق پنجاب پولیس نے زینب کے قاتل کو تلاش کرنے کے لئے روایتی طریقہ کار کو چھوڑ کر انتہائی دلچسپ انداز بھی اپنایا،پولیس اہلکاروں نے بھیس بدل کر قصور کی گلیوں میں زینب کی قاتل کی تلاش جاری رکھی ، ایک پولیس اہلکار کی تصویر سامنے آئی ہے، جس میں پولیس اہلکار ایک گلی میں کینو کی ریڑھی لگائے ، کینو فروخت کر رہا ہے ، دراصل پولیس اہلکار محلے میں ہرآنے جانے والے فرد پر نظر رکھ رہا تھا۔سی طرح ایک اور پولیس اہلکار موبائل فون کے سمز فروخت کررہا ہے ، ایک مصروف چوراہے پر موبائل فون کمپنی کے نمائندے کے بھیس میں اہلکار کا مقصد مختلف افراد پر کڑی نگاہ رکھنا تھا۔

ڈیووس(ویب ڈیسک)نوبل انعام یافتہ ملالہ یوسف زئی کا کہنا ہے کہ ان کا مقصد خواتین کو با اختیار بنانا ہے اور وہ لڑکیوں کی تعلیم کے لیے کام کرنے میں کوشاں ہیں۔ڈیووس میں عالمی اقتصادی فورم کے سیشن سے خطاب کرتے ہوئے ملالہ یوسفزئی نے کہا کہ ہر بچے کے لیے تعلیم انتہائی اہم ہے، تعلیم جتنی مردوں کے لیے اہم ہے اتنی ہی خواتین کے لیے بھی ہے۔انہوں نے کہا کہ تعلیم حاصل کرنا لڑکیوں کا حق ہے، ہمیں لڑکیوں کی تعلیم کے لیے آواز اٹھانے کی ضرورت ہے، اب وقت آگیا ہے کہ ان کے حقوق کے لیے آواز اٹھائی جائے۔ملالہ یوسفزئی کا کہنا تھا کہ ان کا مقصد خواتین کو با اختیار بنانا ہے اور وہ لڑکیوں کی تعلیم کے لیے کام کرنے میں کوشاں ہیں، ان کی کوشش ہے کہ جتنی لڑکیاں اسکول جاسکتی ہیں وہ انہیں اسکول تک بھیجیں تاکہ خواتین کے تعلیم یافتہ ہونے سے معاشرے میں ان کا مقام مضبوط ہوسکے۔انہوں نے مزید کہا کہ یہ تبدیلی ایک دن میں نہیں آسکتی ہے اس کے لیے انتھک محنت کرنی پڑے گی جس کے لیے وہ ہمت نہیں ہاریں گی۔ملالہ یوسفزئی کا کہنا تھا سب سے پہلے ضروری ہے کہ مردوں کو تعلیم دی جائے کہ خواتین کے کیا حقوق ہیں تاکہ وہ انہیں کم تر نا سمجھیں۔ایک سوال کے جواب پر انہوں نے کہا کہ وہ تعلیم مکمل کرنے کے بعد پاکستان آنا چاہتی ہیں لیکن فی الحال مستقبل کا کچھ بھی نہیں سوچا ہے۔