وزیر اعلیٰ (ویب ڈیسک )پنجاب شہباز شریف نے کہا ہے کہ اگلے انتخابات میں عوام نے (ن) لیگ کو منتخب کیا تو کراچی اور پشاور کو لاہور بنا دیں گے۔شہباز شریف نے باب پاکستان کی تعمیر نو کے منصوبے کا افتتاح کیا اور اس موقع پر خطاب کرتے ہوئے کہنا تھا کہ باب پاکستان ایک عظیم منصوبہ ہوگا جس پر 4 ارب روپے سے زائد لاگت آئے گی جب کہ یہ منصوبہ تحریک پاکستان کی قربانیوں کو اجاگر کرے گا۔چیئرمین پی ٹی آئی عمران خان کو شدید تنقید کا نشانہ بناتے ہوئے کہا کہ عمران خان دن رات دروغ گوئی کرتے ہیں اور انہوں نے مجھ پربہتان لگایا تو ان کو نوٹس بھجوایا لیکن آج تک جواب نہیں آیا بلکہ میرے نوٹس پر وہ ہر بار نئی تاریخ لیتے ہیں۔ان کا کہنا تھا کہ عمران خان نے الزام لگایا مگر ثبوت پیش نہیں کیے تو کیا انہیں حکمرانی کا حق ہے؟ اور عمران خان نے 10 ارب کی پیشکش کا الزام لگایا مگر ثبوت پیش نہیں کیا۔وزیر اعلی پنجاب نے کہا کہ مال روڈ پر پاکستان بھر سے سیاسی مسخرے جمع ہوئے اور بڑا ناٹک رچایا گیا لیکن لاہور والوں نے اس ناٹک میں شرکت نہ کرکے انہیں زناٹے دار تھپڑ رسید کیا۔انہوں نے مزید کہا کہ عمران خان نےبجلی پیدا کرنے کی بات کی مگر کچھ نہیں کیا، یہاں تک کہ خان صاحب نے ایک کلو واٹ بھی بجلی مہیا نہیں کی اور خان صاحب گالی دینے سے فارغ ہوں تو کوئی اور کام کرنے کی فرصت ملے۔ان کا کہنا ہے کہ لاہور میں ڈینگی کا حملہ ہوا تو ہم نے دن رات محنت کی لیکن خان صاحب کہتے ہیں یہ ڈینگی برادران ہیں جب کہ پشاور میں ڈینگی آتا ہے تو احتجاج نہیں کرتے بلکہ دوائیاں اور موبائل ٹیمیں بھیجتے ہیں تاہم خان صاحب پہاڑوں پر چلے جاتے ہیں۔شہباز شریف نے کہا کہ کراچی میں میٹرومنصوبے کے لیے نوازشریف نے فنڈز فراہم کیے اور انتخابات میں عوام نے (ن) لیگ کومنتخب کیا تو کراچی اور پشاور کو لاہور بنادیں گے۔ان کا کہنا ہے کہ عمران خان لاہور کی میٹروپرتنقید کرتےرہے لیکن خیبر پختونخوا حکومت نے ساڑھے 4 سال بعد میٹرو منصوبے کیلیے ایشیائی ترقیاتی بینک سے قرضہ لیا ہے تاہم ہمیں موقع ملا تو پشاور کا میٹرو بس منصوبہ ایک سال میں مکمل کریں گے۔انہوں نے کہا کہ مسلم لیگ ن کو موقع ملا تو پورے ملک میں انقلاب لائیں گے اور نواز شریف نے مجھے ذمے دار بنایا تو پورے ملک میں منصوبوں کی نگرانی کروں گا۔وزیر اعلی شہباز شریف نے پیپلزپارٹی کے رہنما ا?صف علی زرداری کو بھی شدید تنقید کا نشانہ بناتے ہوئے کہنا تھا کہ زرداری صاحب کی لوٹ مار کی باتیں سندھ سے لے کرگلگت تک بچہ بچہ جانتا ہے اور آصف زرداری آپ کے پیسے سوئس بینکوں میں موجود ہیں۔ان کا کہنا ہے کہ زرداری نےعوام کی دولت لوٹی ہے اور زرداری کی جانب سے لوٹی ہوئی دولت دنیا کے آخری کونے میں بھی ہو تو واپس لائیں گے۔انہوں نے کہا کہ سندھ اور کے پی نےانتخابات میں ہمیں منتخب کیا تودونوں صوبوں کو پنجاب جیسا بنا دیں گے اور دونوں صوبوں کو فنڈزدیں گے لیکن کسی کوکرپشن کرنے نہیں دیں گے۔

لاہور (ویب ڈیسک )تحریک انصاف کے چیئر مین عمران خان کی سابقہ اہلیہ ریحام خان کے ڈانس کی ویڈیو انٹرنیٹ پر وائرل ہو گئی۔ایک سوشل میڈ یا صارف نے ڈانس کے دوران ان کے لباس پر تنقید کی تو ریحام خان خود بھی میدان میں آگئیں۔تفصیل کے مطابق ریحام خان آج کل پاکستان میں رہائش پذیر ہیں اور وہ مشرقی لباس زیب تن کرتی ہیں لیکن ماضی میں جب وہ برطانیہ میں مقیم تھیں تو اس وقت وہ مغربی لباس بھی پہنتی تھیں اورانہوں نے اپنا رہن سہن برطانیہ کے تہذیب و تمدن کے لحاظ سے ڈھالاہوا تھا۔ریحام خان جب برطانوی نشریاتی ادارے بی بی سی میں نوکری کرتی تھیں تو وہ جینز کی پینٹ اور شرٹس زیب تن کرتی تھیں اور سکرٹس بھی پہنتی تھیں۔ایسے ہی سکرٹ زیب تن کیے ہوئے ان کی ایک ویڈیو انٹر نیٹ پر وائرل ہو گئی جس میں وہ ڈانس کر رہی ہیں۔مائیکرو بلاگنگ ویب سائٹ ٹوئٹر پر ایک صارف نے ڈانس کے دوران ان کے لباس پر تنقید کرتے ہوئے کہا کہ ٹینگو ڈانس کے دوران سکرٹس پہنتی ہیں ؟جس پر ریحام خان بھڑک اٹھیں .انہوں نے جواب دیتے ہوئے کہا کہ میں نے جو بھی ماضی میں کیا اور جو کام بھی اب کرتی ہوں ٹی وی چینلز پر سب کے سامنے آکر کرتی ہوں ،بند دروازوںکے پیچھے کوئی چھپی ہوئی بات نہیں ہے دوسروں کی طرح۔یہ تصاویر بی بی سی کی ہیں ،میں اپنے ماضی اور حال کی پوری ذمہ داری لیتی ہوں ،میں ریا کار نہیں ہوں۔

اسلام آباد(ویب ڈیسک ) پاکستان تحریک انصاف کے چیئرمین عمران خان نے کہا ہے کہ سابق وزیراعظم نواز شریف نے اعلیٰ عدلیہ کے خلاف مہم شروع کر رکھی ہے۔اپنے ٹوئٹر پیغام میں عمران خان کا کہنا تھا کہ نواز شریف کے جلسوں کا مقصد نااہلی کے فیصلے کے خلاف دباو¿ بڑھانا ہے، وہ جسٹس قیوم جیسے جج چاہتے ہیں جن پر دباو¿ ڈال کرا پنی مرضی کا فیصلہ لکھوائیں۔انہوں نے کہا کہ نواز شریف کا مسئلہ یہ ہے کہ وہ ہمیشہ اپنے امپائرز کے ساتھ کھیلتے رہے ہیں، سپریم کورٹ کے فیصلے نے ان کو دھچکا پہنچایا ہے۔ہری پور: تین دن پہلے نیا پاکستان بنانے والوں کی اوقات دیکھ لی، نوازشریفعمران خان نے کہا کہ نواز شریف کہتے ہیں کہ سپریم کورٹ کو ان کی نااہلی کا فیصلہ واپس لینا ہوگا۔ان کا مزید کہنا تھا کہ فیصلے کے بعد نوازشریف نے ملک کی اعلیٰ عدلیہ کے خلاف مہم شروع کردی ہے۔گزشتہ روز نواز شریف نے پری پور میں ایک جلسے سے خطاب میں کہا کہ نیا پاکستان بنانے والوں کے پاس کچھ نہیں اور تین دن پہلے ان کی اوقات دیکھ لی۔انہوں نے کہا کہ ’نوازشریف کو صرف ایک اقامے پر نکال دیا، عوام بتائیں کیا میں نااہل ہوگیا ہوں عوام بتائیں انہیں یہ فیصلہ منظور ہے یا نا منظور یہ عوامی ریفرنڈم ہے۔‘نوازشریف نے کہا کہ آپ نے گھبرانا نہیں، آپ نے نوازشریف کی ڈیوٹی لگائی تھی کہ لوڈشیڈنگ ختم ہونی چاہیے، عوام بتائیں لوڈشیڈنگ ختم ہوئی یا نہیں، یہ کوئی چھوٹی بات نہیں۔