Monthly Archives: February 2018

پاکستان

پیر آف سیال کو کون استعمال کر رہا ہے ،دعوی نے سب کو چونکا دیا

لاہور (مانیٹرنگ ڈیسک) پیرآف سیال شریف حمید الدین سیالوی کے بھتیجے نظام الدین سیالوی نے تہلکہ خیز انکشافات کردیے۔ بولے لاہور میں جلسے سے پہلے فون کال پر دھرنا دینے کیلئے کہا گیا۔ خفیہ طاقتیں پیر سیال شریف کو استعمال کرنے کی کوشش کررہی ہیں۔ پیر آف سیال شریف حمیدالدین سیالوی کے بھتیجے، نظام الدین سیالوی نے نجی ٹی وی کو تہلکہ خیز انٹرویو میں سننسنی خیز انکشافات کردیے۔ انٹرویو میں خفیہ طاقتوں کا تذکرہ کرتے ہوئے بتایا کہ لاہور میں جلسے کے بعد دھرنا دینے کیلئے کہا گیا۔ خفیہ طاقتیں پیر سیال شریف کو استعمال کرنا چاہتی ہیں۔ نظام الدین کے مطابق مجھے بھاری رقم کی بھی پیشکش کی گئی جس پر میں نے جواب دیا ”آپ کوئی اور گھر دیکھیں” ۔نظام الدین سیالوی نے انٹرویو میں مزید بتایا کہ مذہبی معاملے کو سیاسی بنانے کی کوشش میں نے ناکام بنائی، پیرآف سیال شریف کے بیٹے قاسم سیالوی کو بھی خفیہ طاقتوں نے غلط گائیڈ کیا۔ ختم نبوت قانون میں متعلق ترمیم کے حوالے سے نظام الدین سیالوی نے کہا کہ رانا ثنا اللہ کی وضاحت پرمطمئن ہیں۔ کچھ عناصر چاہتے ہیں ہم مسلم لیگ ن کے خلاف استعمال ہوں۔ ایک کوشش ناکام ہونے پر اب مزید کوششیں ہو رہی ہیں۔

 

پاکستان

پنجاب کا بینہ کا اجلاس ،کیا کچھ ہوتا رہا،اندرونی کہانی سامنے آگئی

لاہور(پ ر) وزیر اعلی پنجاب محمد شہباز شریف کی زیر صدارت صوبائی کابینہ کا اجلاس منعقد ہوا جس میں متعد د مسودہ قانون اور منصوبوں کی منظوری دی گئی-پنجاب کابینہ نے قصور شہر میں سیف سٹی پراجیکٹ کی منظوری دی-شیخوپورہ اور ننکا نہ صاحب میں بھی سیف سٹی پراجیکٹ شروع کئے جائیں گے -پہلے مرحلے میں قصور کے سیف سٹی پراجیکٹ کو مکمل کیا جائے گا جبکہ دوسرے مرحلے میں شیخوپورہ اور ننکانہ صاحب میں سیف سٹی پراجیکٹ شروع کیاجائے گا-اجلاس میں وزیر اعلی چولستان پیکیج کے تحت چولستان کے بے زمین افراد کو سرکاری اراضی کی الاٹمنٹ کے اقدام کی بھی منظوری دی گئی اورسرکاری اراضی کی الاٹمنٹ قابل توسیع ہو گی- کابینہ اجلاس کے دوران پنجاب ویمن ڈویلپمنٹ پالیسی 2017ءاورپنجاب انیمل ہیلتھ ایکٹ 2017ءکے مسودوں کی بھی منظوری دی گئی-پنجاب میں سیمنٹ سیکٹر کیلئے نیگٹیو اور پازٹیو ایریاز کو ڈیکلیئر کرنے کے ا قدام کی منظوری دی گئی جبکہ پنجاب کی پہلی معدنیاتی پالیسی 2018ءکے مسودے کی بھی منظوری دی گئی-صوبائی کابینہ نے مجوزہ یونیورسٹی آف سیالکوٹ کے قیام کیلئے چارٹر اور نارووال یونیورسٹی آف نارووال کے قیام کی بھی منظوری دی-اجلاس میں پنجاب ڈرگز رولز2007 ءمیں ترامیم کی بھی منظوری دی گئی- اجلاس کے دوران وزیر اعلی محمد شہباز شریف اور پنجاب کابینہ کی جانب سے مردان میں اسماءکے ساتھ پیش آنے والے اندوہناک واقعہ میں ڈی این اے ٹیسٹ میچ کرنے پر ڈی جی پنجاب فرانزک سائنس ایجنسی اور ان کی ٹیم کی کارکردگی کی ستائش کی -اجلاس میں کابینہ کمیٹی برائے امن و امان کی کاوشوں اور انتھک محنت کو بھی سراہا گیا-وزیر اعلی محمد شہباز شریف نے صوبائی کابینہ کے اجلاس سے خطاب کرتے ہوئے کہا کہ پنجاب فرانز ک سائنس ایجنسی نے جس طرح قوم کی بیٹی زینب اور اسماءکے کیسوں کا سراغ لگایا ہے وہ اللہ تعالی کا بے پایاں فضل و کرم اور پوری ٹیم کی محنت کے باعث ہوا ہے جس پرمیں دونوں کیسوں میں اہم پیشرفت پر پنجاب فرانزک سائنس ایجنسی اور کابینہ کمیٹی برائے امن و امان کو مبارکباد دیتا ہوں-انہوںنے کہا کہ معصو م بچیوں کے ساتھ ظلم اور زیادتی کی گئی جس پر پوری قوم غمزدہ ہے -انہوںنے کہا کہ پنجاب فرانزک سائنس ایجنسی نے سائنسی بنیادوں پر تحقیقات کو آگے بڑھایاجس پر کامیابی ملی – انہوںنے کہا کہ پنجاب حکومت قصور میں سیف سٹی پراجیکٹ فوری طور پر شرع کرے اورسیف سٹی پراجیکٹ کا دائرہ کار شیخوپورہ اور ننکانہ صاحب تک بڑھایا جائے گا-وزیر اعلی نے کہا کہ وقت کسی کا انتظار نہیں کرتا ہم سب کو ذمہ داریاں احسن طریقے سے ادا کرنی چاہئیں-انہوںنے کہا کہ چولستان میں پہلے مرحلے میں اہل بے زمین افراد کو کھیتی باڑی کیلئے سرکاری اراضی دی جائے گی اوریہ اراضی قابل توسیع ہو گی – وزیر اعلی نے کہا کہ پنجاب ویمن ڈویلپمنٹ پالیسی 2017ءکا اعلان عالمی یوم نسواں پر کیا جائے گا-وزیراعلیٰ پنجاب محمد شہبازشریف کی زیرصدارت آج یہاں ”خادم پنجاب آب صحت پراجیکٹ“ سے متعلق اجلاس منعقد ہوا،جس مےں وزیراعلیٰ نے آب صحت پراجیکٹ کی تکمیل کے مختلف مراحل پر اطمینان کا اظہار کیا۔وزیراعلیٰ محمد شہبازشرےف نے اجلاس سے خطاب کرتے ہوئے کہا کہ پنجاب کے 21 اضلاع میں فنکشنل واٹر سپلائی سکیموں پر فلٹریشن پلانٹ لگائے جائیں گے جبکہ پنجاب بھر کے 1743 دیہات میں 1807 واٹر فلٹریشن پلانٹ لگائے جائیں گے۔وزیراعلیٰ پنجاب محمد شہبازشریف نے سابق پارلیمنٹیرین راﺅ قیصر علی خان کے انتقال پر گہرے دکھ اور افسوس کا اظہار کیا ہے۔ وزیراعلیٰ محمد شہباز شریف نے پنجاب حکومت کی جانب سے منائے جانےوالے بچوں کے حقوق کے تحفظ کے دن کے موقع پر اپنے پیغام میں کہا ہے کہ یہ دن منانے کا مقصد عوام میں بچوں کے حقوق کے تحفظ کےلئے آگہی پیدا کرنا ہے۔بچوں کو محفوظ حال اور مستقبل دینا ہم سب کی مشترکہ ذمہ داری ہے۔ بچے کسی بھی قوم کا قیمتی سرمایہ اور مستقبل ہوتے ہیں، لہٰذا قوم کے نونہالوں کے حقوق کا تحفظ معاشرے کی اجتماعی ذمہ داری ہے۔

 

اہم خبریں, پاکستان

مشال خان قتل کیس سے متعلق بڑی خبر

ہری پور(ویب ڈیسک) مردان یونیورسٹی کے طالب علم مشال خان قتل کیس کا فیصلہ آج سنایا جائے گا۔مردان یونیورسٹی کے طالب علم مشال خان کیس کا فیصلہ آج سینٹرل جیل ہری پورمیں سنایا جائے گا۔ آج فیصلے کے دن سیکورٹی کے سخت انتظامات کیے گئے ہیں۔مشال خان قتل کیس کی سماعتیں 9 ماہ چھ دن تک ہوتی رہیں، اس دوران 61 ملزمان کے خلاف دہشت گردی ایکٹ کے تحت مقدمہ درج ہوا 58 ملزمان گرفتا ر ہوئے 4 تاحال مفرور ہیں۔واضح رہے کہ گزشتہ سال 13 اپریل کو مردان یونیورسٹی میں شعبہ صحافت کے طالب علم مثال خان کو طلبہ نے قتل کر دیا گیا تھا۔

پاکستان

آصفہ اوربختاور کی چھٹی ،،وجہ بھی سامنے آگئی

کراچی (خصوصی رپورٹ) دنیا کے سب سے بڑے آن لائن انسائیکلو پیڈیا پلیٹ فارم ’وکی پیڈیا‘ نے بے نظیر بھٹو کی صاحبزادیوں بختاور اور آصفہ بھٹو زرداری کی پروفائلز ختم کردی ہیں۔ وکی پیڈیا نے ادارے کی مروجہ پالیسیوں کے برخلاف طریقہ کار کے تحت معلومات اپ لوڈ کرنے پر بختاور اور آصفہ بھٹو کے پروفائل صفحات ہٹادیئے ہیں۔وکی پیڈیا نے پروفائل ڈیلیٹ کرنے کی وجہ ’وکی میڈیا‘ کے قوعد و ضوابط کی خلاف ورزی قرار دیتے ہوئے کہا کہ بختاور پروفائل میں فراہم کردہ معلومات ان کی ذات سے زیادہ بھٹو خاندان سے متعلق تھیں جو کہ مذکورہ شخص کے بجائے کسی اور سے متعلق تھیں جبکہ جو مواد اپ لوڈ کیا گیا وہ لفظ بہ لفظ کسی اور جگہ سے لیا گیا ہے جو کہ کاپی پیسٹ کے زمرے میں آتا ہے۔وکی پیڈیا کے مطابق آصف بھٹو زرداری کا پروفائل پیج پہلی دفعہ 10 اپریل 2017 کو ختم کیا گیا تاہم بعدازاں اسے دوبارہ بحال کردیا گیا لیکن قواعد و ضوابط کی پاسداری نہ کرنے پر پیج دوبارہ ہٹادیا گیا ہے۔ وکی پیڈیا پر جب آصفہ بھٹو زرداری کی معلومات جاننے کے لیے ویب سائٹ کا وزٹ کیا جاتا ہے تو متعلقہ پیج کھلنے کی بجائے بھٹو خاندان کے پیج پر جانے کا ہدایت کی جاتی ہے۔دوسری جانب بختاور اور آصفہ بھٹو نے وکی پیڈیا پروفائل ڈیلیٹ ہونے کے معاملے پر کوئی وضاحت یا ردعمل جاری نہیں کیا گیا۔

Uncategorized

جنوبی پنجاب کیلئے۔۔خادم پنجاب کی صحت دوست پالیسزخادم پنجاب کا خواب صحت مند جنوبی پنجاب

لاہور(مانیٹرنگ نیوز)خادم پنجاب کی صحت دوست پالیسیز کے پیش نظر جنوبی پنجاب میں 1399ملین روپے کی لاگت سے 150بستروں پر مشتمل ملتان انٹیٹیوٹ آ ف کڈنی ڈیزیزز بہاولپور بائی پاس، ملتان کے قریب مظفر گڑھ روڈ پر واقع گردے کی بیماریوں کی دیکھ بھال کیلئے تعمیر کیا گیا ہے MIKD پنجاب حکومت کی کاوشوں کا نتیجہ ہے اورمکمل طور پر فنڈ ہسپتال ہے MIKD نے جنوبی پنجاب میں بہترین صحت کی دیکھ بھال کی سہولیات کی فراہمی میں بہت کم عرصہ وقت میں ایک بلند مقام حاصل کر لیا ہے یہ اپنے فلٹر اور مشاورتی کلینک کے ساتھ 7 /24 مریضوں کی دیکھ بھال کر رہا ہے ۔کلینکل لیبارٹری اور ریڈیالوجی محکموں میں تازہ ترین آلات شامل کئے گئے ہیں جن میں 64 سی ٹی اسکین مشینیں شامل ہیں۔ہسپتال میں مریضوں کے علاج کے انتظامی مور کا جائزہ لیا جائے تو لیبارٹری: فی دن 675 ٹیسٹ ،الٹراسانڈ: 70 سے 80 مریض فی دن ،ایکس رے: 60 سے 70 مریض فی دن ،سی ٹی اسکین: 12 سے 15 مریض روزانہ اوردیگر ریڈ یالوجی پراسیس: 15 مریض روزانہکی بنیاد پر لوگوں کا علاج کیا جا رہا ہے جبکہلیتھوٹراپسی ڈپارٹمنٹ کی بات کی جائے توجنوبی پنجاب میں MIKD کی لیتھوٹراپسی خدمات سب سے بہتر ہیں۔یہ تازہ ترین ٹیکنالوجی سے مکمل طور پر لیس ہیں۔نیفراولوجی وارڈ،یورالوجی وارڈ،انٹینسیو کئیریونٹ (آئی سی یو)،ہائی ڈیپنڈنسی یونٹ (ایچ ڈی یو)اور 4آپریشن تھیٹرز کی سہولت کے ساتھ یہ اعلی درجے کی ٹیکنالوجی سے لیس ہے جہاں ہر روز پانچ آپریشن کئے جاتے ہیں. پنجاب کے دیگر ہسپتالوں میں بھی شعبہ صحت کو لے کر بہترین اقدامات کئے جا رہے ہیں۔چلڈرن ہسپتال لاہور کی سہولیات میں مزید اضافہ کرتے ہوے 150 بستروں کو شامل کیا گیا ہے جس پر 1929 ملین روپے لاگت آئی ہے ۔ 807 ملین روپے سے برن یونٹ، نشتر اسپتال، ملتان میں تعمیر کیا گیا ہے ۔411 ملین روپے کی لاگت سے شہباز شریف جنرل ہسپتال، ملتان،300 ملین کی لاگت سے ریجنل بلڈ سینٹر ، ملتان ،چلڈرن ہسپتال ، ملتان میں 150بیڈز کا اضافہ،150بیڈز پر مشتمل ملتان انسٹیٹیوٹ آف کڈنی ذزیزز،نشتر ہسپتال ، ملتان میں عالمی معیار کا برن یونٹ ،گورنمنٹ شہباز شریف اور ڈسٹرکٹ ہیڈ کوارٹر ہسپتال ،ملتان بھی گوڈ گورننس کی بہترین مثال ہیں۔300بستروں پر مشتمل چلڈرن ہسپتال ملتان کا شمار بھی اس وقت جنوبی پنجاب کے جدیدہسپتالوں میں ہوتا ہے جوشہر کے دل میں واقع ہے اور پورے جنوبی پنجاب کے لئے شمال مغربی بلوچستان اور سندھ صوبے سمیت خدمات فراہم کر رہاہے جہاں ریڈیالوجی ڈیپارٹمنٹ، پاتھولوجی ڈیپارٹمنٹ ، بلڈ بینک جیسے قابل ذکر محکمے موجود ہیں اورنرسنگ اور پیرامیڈکس کے ساتھ ساتھ تربیت یافتہ بچوں کے ڈاکٹرز اورسرجن کی ٹیمیں وقفے وقفے سے مریضوں کی دیکھ بھال کے لئے دستیاب ہیں جو مریضوں کو ہسپتال میں مربوط سہولیات فراہم کرنے کی کوشش میں مصروف ہیں۔ جرمنی کے مالی تعاون کے ساتھ 323 ملین روپے کی لاگت ملتان اور بہاول پور کیلئے ریجنل بلڈ سینٹرز تعمیر کئے گئے ہیں۔ملتان اور بہاولپور میں پنجاب حکومت کے محفوظ بلڈٹرانسمیشن پروجیکٹ کے تحت دو ریجنل بلڈ سینٹر قائم کیے گئے ہیں اور جنوبی پنجاب کے 11 ہسپتالوں کو ان مراکز سے منسلک کیا گیا ہے جبکہ دوسرا مرحلے میں ایسے ہی مراکز لاہور اور فیصل آباد میں قائم کیے جائیں گے جن کے ذریعے اسپتالوں میں محفوظ خون فراہم کیا جائے گا۔ملتان اور بہاولپور کے سینٹروں کی جانب سے ملتان سمیت پورے جنوبی پنجاب کے چار لاکھ باشندوں کیلئے بلڈ بنک کی سہولیات فراہم کی جارہی ہیں ہے اور دونوں مراکز جدید ترین مشینری اور انتہائی قابل عمل عملے سے لیس بھی ہیں یقینایہ اقدامات حکومت پنجاب کی صحت دوست کاوشوں کا منہ بولتا ثبوت ہیں جن کی بنا پر صوبہ بھر کے لوگوں کو صحت کی جدید سہولیات فراہم کی جارہی ہیں

کھیل

نجم سیٹھی کو توہین عدالت کا نوٹس

لاہور(ویب ڈیسک) پاکستان کرکٹ بورڈ کے چیئرمین نجم سیٹھی کو توہین عدالت کا نوٹس جاری کردیا گیا۔لاہور ہائی کورٹ کے ملتان بینچ نے چیئرمین پی سی بی نجم سیٹھی کو توہین عدالت کا نوٹس جاری کردیا ہے اور عدالتی احکامات پر عمل درآمد نہ کرنے پر 15 روز میں جواب طلب کیا گیا ہے۔ ملتان کے کرکٹ آرگنائزر علاو¿الدین نے ڈسٹرکٹ کرکٹ ایسوسی ایشن لودھراں کے سیکریٹری عقیل احمد اور صدر راو¿ عمر جاوید کے تقرر کو چیلنج کرتے ہوئے کارروائی کا مطالبہ کیا لیکن ڈپٹی چیف الیکشن کمیشن نے ٹال مٹول سے کام لیا جس پر علاو¿الدین نے لاہور ہائی کورٹ کے ملتان بینچ سے رجوع کیا۔عدالت نے پی سی بی کے ڈپٹی چیف الیکشن کمیشن کو مذکورہ عہدیداروں کے خلاف کارروائی کا حکم دیا تاہم پی سی بی نے کوئی پیش رفت نہیں کی، درخواست گزار نے لاہور ہائی کورٹ ملتان بینچ میں ایک اور درخواست میں مو¿قف اختیار کیا کہ پی سی بی حکام 9ماہ گزرنے کے باوجود عدالت عالیہ کے احکامات کو نظر انداز کر رہے ہیں جس پر جسٹس مرزا وقاص رو¿ف نے چیئرمین پی سی بی نجم سیٹھی کو توہین عدالت کا نوٹس جاری کرتے ہوئے ان سے 15 روز میں جواب طلب کرلیا ہے۔

 

کھیل

پنڈی ایکسپریس کے اعلان نے کشمیریوں کے سر فخر سے بلند کردیئے

لاہور (ویب ڈیسک) پاکستان کے مایہ ناز سابق سپیڈ سٹار شعیب اختر نے بالآخر اس شخص کے بارے میں بتا دیا ہے جو کرکٹ کی تاریخ میں تیز ترین گیند کرانے کا ان کا ریکارڈ توڑے گا۔پاکستانیوں کیلئے فخر کی بات یہ ہے کہ اس باﺅلر کا تعلق کشمیر سے ہے جس کا نام سلمان ارشاد ہے اور یہ اب تک 92 میل فی گھنٹہ کی رفتار سے گیند کروا چکے ہیں۔ شعیب اختر نے نجی ٹی وی کے پروگرام میں گفتگو کرتے ہوئے کہا کہ ”آج وہ 92 میل فی گھنٹہ کی رفتار سے کر رہا ہے تو کل 97 میل فی گھنٹہ کی رفتار سے کر رہا ہے اور دیل کیا تو 100 میل فی گھنٹہ کی رفتار کا ریکارڈ ایک کشمیری توڑ دے تو خوشی سے یہ ریکارڈ لے جائے۔“ شعیب اختر نے ناصرف کشمیری نوجوان کے ہاتھوں اپنا ریکارڈ توڑنے پر خوشی ہونے کی بات کی بلکہ انہوں نے یہ اعلان بھی کیا کہ وہ خود اس نوجوان کی ٹریننگ کریں گے کیونکہ وہ چاہتے ہیں کہ ان کا ریکارڈ کشمیری بھائی ہی توڑے۔

 

اہم خبریں, پاکستان

فاروق ستار ڈٹ گئے رابطہ کمیٹی منانے میں ناکام

کراچی(ویب ڈ یسک )ایم کیو ایم پاکستان کے سربراہ ڈاکٹر فاروق ستار اور رابطہ کمیٹی کے درمیان تاحال ڈیڈلاک برقرار ہے۔ ایم کیو ایم رابطہ کمیٹی کی جانب سے عبدالرو¿ف صدیقی، سردار احمد اور جاوید حنیف پر مشتمل 3 رکنی وفد نے 2 گھنٹے تک پارٹی سربراہ ڈاکٹر فاروق ستار کو منانے کی کوشش کی لیکن وہ فاروق ستار کو ایم کیو ایم پاکستان کا جنرل ورکر کنویشن کا اجلاس ختم کرنے پر رضامند نہ کرسکے۔دوسری جانب فاروق ستار نے 3 رکنی وفد کی جانب سے پیش کردہ تجاویز مسترد کرتے ہوئے کہا کہ بہادر آباد جانے سے انکار کردیا جب کہ انہوں نے ناراضگی ختم کرنے کے لیے اپنے مطالبات پیش کرتے ہوئے کہا کہ کسی کو مجھ سے ملنا ہے تو پی آئی بی آجائے۔ادھر رابطہ کمیٹی کا وفد مذاکرات کی ناکامی پر دوبارہ بہادرآباد روانہ ہوگیا تاہم وفد نے میڈیا سے بات کرنے سے انکار کردیا۔ اس موقع پر رو¿ف صدیقی نے کہا کہ امید اچھی ہے، معاملات جلد حل ہوجائیں گے جب کہ بہادر آباد میں فاروق ستار کی تجاویز پر غور کیا جائے گا۔اس سے قبل کراچی میں میڈیا سے بات کرتے ہوئے رہنما ایم کیو ایم پاکستان فیصل سبزواری کا کہنا تھا کہ عامرخان، کنور نوید جمیل، نسرین جلیل سمیت دیگر رابطہ کمیٹی اراکین کی موجودگی میں اجلاس ہوا جس میں سب نے صورتحال کی سنگینی کو مدنظر رکھا اور کوشش ہے کہ تنازعات کو مل بیٹھ کر حل کیا جائے، ہم سیاسی انتہا پسندی کے قائل نہیں، ایم کیو ایم سے ہمارا لگاو¿ دیگر جماعتوں سے مختلف ہے تاہم ہم کوئی بڑا قدم نہیں اٹھانا چاہتے۔واضح رہے متحدہ قومی موومنٹ پاکستان رابطہ کمیٹی کے ڈپٹی کنوینر کامران ٹیسوری کو سینٹر بنانے کے معاملے پر 2 دھڑوں میں تقسیم ہوگئی تھی جب کہ رابطہ کمیٹی کی جانب سے کامران ٹیسوری کی رکنیت معطل کرنے کے بعد معاملہ مزید شدت اختیار کرگیا۔

شوبز

ابھیشک بچن اور ایشوریا کی شادی ،نئے انکشافات نے ہنگامہ برپا کردیا

ممبئی(ویب ڈیسک )نامور بالی ووڈ اداکار ابھیشیک بچن نے انکشاف کیا ہے کہ ا±ن کی اور ایشوریا کی شادی ارینج نہیں بلکہ لو میرج تھی۔سال 2000ءمیں فلم ’رفیوجی‘ سے بالی ووڈ میں ڈیبیو کرنے والے اداکار ابھیشیک بچن اپنی اداکاری سے زیادہ اپنے والد لیجنڈری اداکار امیتابھ بچن کی وجہ سے شہرت رکھتے ہیں۔ ابھیشیک نے اپنے والد کے نقش قدم پر چلتے ہوئے اپنے فلمی کیریئر میں متعدد فلمیں کیں، لیکن ایک دو کے علاوہ کوئی بھی فلم کامیابی کے جھنڈے نہ گاڑ سکی۔کیریئر میں ناکامی کا منہ دیکھنے والے ابھیشیک گھریلو زندگی میں کامیاب رہے اور بالی ووڈ کی حسینہ ایشوریا رائے کو دلہنیا بنا کر گھر لے آئے۔
بھارتی میڈیا رپوٹس کے مطابق ابھیشیک بچن نے اپنے انٹرویو میں انکشاف کیا ہے کہ وہ ایشوریا کی شخصیت سے کافی متاثر تھے اور انہیں پسند کرتے تھے لیکن یہ بات کہنے کی  کبھی ہمت نہ ہوئی لیکن 2007ءمیں ٹورنٹو میں فلم ’گرو‘ کے پریمیئرکے دوران ایشوریا سے ظہار محبت کرنے کا فیصلہ کرلیا تھا۔
ابھیشیک بچن نے مزید بتایا کہ فلم کا پریمیئر ختم ہونے کے بعد ہوٹل کی بالکونی میں ایشوریا کو سخت سردی میں اکیلے کھڑے دیکھ کر گھبراتے ہوئے محبت کا اظہار کردیا کہ ’مجھ سے شادی کروگی ‘جس پر ایشوریا نے بغیر کچھ وقت ضائع کیے میری پیشکش قبول کرلی وہ لمحہ میرے لیے بہت اہمیت کا حامل تھا۔واضح رہے کہ ابھیشیک اور ایشوریا فلم ’سرکار راج، ’امراو? جان‘ سمیت 8 فلموں میں ایک ساتھ کام کرچکے ہیں جب کہ ان کی ایک 6 سالہ بیٹی ہے جس کا نام آردھیا ہے۔

شوبز

مجھے کم از کم 100مرتبہ جنسی طور پر ہراساں کیا گیا ، معروف اداکارہ کے انکشاف نے دنیا کو ہلا کر رکھ دیا

نیویارک(ویب ڈیسک) ہالی ووڈ پروڈیوسر ہاروے ونسٹن پر جنسی ہراسگی کے متعدد الزامات عائد ہونے کے بعد بڑی بڑی اداکاراﺅں کی طرف سے جنسی طور پر ہراساں کیے جانے کے انکشافات سامنے آ رہے ہیں۔ اب ہالی ووڈ کی صف اول کی اداکارہ نتالی پورٹ مین بھی اس فہرست میں شامل ہو گئی ہیں اور انہوں نے ایسا انکشاف کر دیا ہے کہ دنیا ہل کر رہ گئی۔ نتالی نے انٹرویو دیتے ہوئے کہا ہے کہ ”مجھے اپنے کیریئر کے دوران ایک یا دو بار نہیں بلکہ 100سے زائد بار جنسی طور پر ہراسگی کا سامنا کرنا پڑا ہے۔ خواتین کو ہراساں کیا جانا ہالی ووڈ میں روز کا کام ہےَ“اداکارہ نے ایک واقعہ سناتے ہوئے کہا کہ ”ایک بار میں ایک معروف پروڈیوسر کے ساتھ اس کے نجی جہاز پر سفر کر رہی تھی۔ جہاز میں صرف ہم دونوں سوار تھے لیکن وہاں سونے کے لیے صرف ایک بیڈ لگایا گیا تھا۔ میں سمجھ گئی کہ ایک بیڈ لگانے سے پروڈیوسر کی کیا منشاءہے۔ میں نے اسے صاف طور پر کہہ دیا کہ اس چیز پر میں بے سکونی محسوس کر رہی ہوں۔ میرے یہ بات کہنے کے بعد اسے زبانی طور پر مجھے کوئی بھی ایسی بات کہنے کی جرات نہیں ہوئی اور میں اس سفر میں محفوظ رہی۔تاہم اس تما م سفر کے دوران میں خوفزدہ رہی۔“