لودھراں (ویب ڈیسک )قومی اسمبلی کے حلقہ این اے 154 کے ضمنی انتخاب کیلئے پولنگ کا وقت ختم ہو گیاہے اور ووٹوں کی گنتی کا عمل جاری ہے تاہم اب تک 91 پولنگ سٹیشن کا غیر حتمی اور غیر سرکاری نتیجہ سامنے آگیاہے جس کے مطابق ن لیگ31ہزار 188 ووٹوں آگے چل رہی ہے اور پی ٹی آئی 26 ہزار 823 ووٹ لے کر دوسرے نمبر پر ہے۔نجی ٹی وی دنیا نیوز کے مطابق 91پولنگ سٹیشن کے غیر سرکاری و غیر حتمی نتائج کے مطابق ن لیگ کے امیدوار پیر اقبال شاہ 31ہزار188ووٹ لے کر پہلے نمبر پر ہیں جبکہ پاکستان تحریک انصاف کے امیدوار علی ترین26 ہزار 823ووٹ لے کر دوسرے نمبرپ ر ہیں تاہم پیپلز پارٹی کے حوالے سے انتہائی افسوسناک اعدادو شمار سامنے ا?ئے ہیں اور ان کے امیدوار نے اب تک صرف 802ووٹ حاصل کیے ہیں۔ حلقے میں رجسٹرڈ ووٹرز کی تعداد 4 لاکھ 31 ہزار سے زائد ہے، پولنگ کیلئے سکیورٹی کے انتہائی سخت انتظامات کیے گئے تھے، ہر پولنگ سٹیشن پر پاک فوج کے اہلکار تعینات رہے۔ این اے 154 کے ضمنی انتخاب میں مجموعی طور پر 10 امیدوار وں نے حصہ لیا تاہم کانٹے کا مقابلہ پی ٹی آئی کے علی خان ترین اور ن لیگ کے پیر اقبال شاہ کے مابین متوقع ہے۔یادرہے کہ یہ حلقہ تحریک انصاف کے جہانگیر خان ترین کی نااہلی کی وجہ سے خالی ہواتھا اور بلا تعطل شام 5 بجے تک پولنگ جاری رہی ، حلقے میں مرد ووٹرز کی تعداد 2 لاکھ 36 ہزار اورخواتین ووٹرز کی تعداد ایک لاکھ 94 ہزار سے زائدہے۔حلقے سے تحریک انصاف ، ن لیگ اور پیپلز پارٹی سمیت 10 امیدوار مدمقابل ہیں۔ پی ٹی آئی کے علی ترین اور ن لیگ کے پیر اقبال شاہ میں کانٹے کا مقابلہ متوقع ہے۔ اس کے علاوہ پی پی کے مرزا علی بیگ بھی میدان میں ہیں جبکہ 7 آزاد امیدوار میدان قسمت آزمائی کر رہے ہیں۔

(ویب ڈیسک )لودھراں میں قومی اسمبلی کی نشست این اے 154 پر ہونے والے ضمنی انتخاب میں مسلم لیگ نواز نے برتری حاصل کرلی ہے۔پولنگ کا وقت ختم ہونے کے بعد ووٹوں کی گنتی کا عمل جاری ہے۔ 90 پولنگ اسٹیشنز کے غیر سرکاری غیر حتمی نتائج کے مطابق مسلم لیگ نواز نے 31379 ووٹ حاصل کرلیے ہیں جبکہ تحریک انصاف 21961 ووٹوں کے ساتھ دوسرے نمبر پر ہے۔اس طرح ن لیگ کو تحریک انصاف پر 9418 ووٹوں کی برتری حاصل ہے۔ضمنی انتخاب کے دوران 4 لاکھ 31 ہزار 2 ووٹرز کے لیے 338 پولنگ اسٹیشنز قائم کیے گئے تھے۔پولنگ کا عمل شفاف رکھنے کے لیے پولیس کے 2 ہزار اور پاک فوج کے 2 ہزار سے زائد جوانوں نے سیکیورٹی کے فرائض انجام دیے۔لودھراں کے ضمنی الیکشن میں امن و امان کی ذمہ داریاں پاک فوج کے سپرد تحریک انصاف کے علی ترین، مسلم لیگ (ن) کے سید محمد اقبال شاہ، پیپلز پارٹی کے مرزا محمد علی بیگ اور ملک اظہر سندیلہ سمیت 10 امیدوار مدمقابل ہیں۔واضح رہے کہ یہ نشست پاکستان تحریک انصاف (پی ٹی آئی) کے رہنما جہانگیر ترین کی نااہلی کے باعث خالی ہوئی تھی۔سپریم کورٹ نے گزشتہ برس دسمبر میں مسلم لیگ (ن) کے رہنما حنیف عباسی کی درخواست پر تحریک انصاف کے رہنما جہانگیر ترین کو ا?رٹیکل 62 ون ایف کے تحت نااہل قرار دیا تھا۔جس کے بعد الیکشن کمیشن نے سپریم کورٹ کے فیصلے کی روشنی میں جہانگیر ترین کو ڈی سیٹ کرتے ہوئے حلقے میں 12 فروری کو ضمنی انتخاب کرانے کا اعلان کیا تھا۔

اسلام آباد (ویب ڈیسک) پنجاب میں اس وقت تک کچھ نہیں ہوتاجب تک رائیونڈ سے حکم نہ ہو، اقتدارمیں آکرسب سے پہلے اداروں کومضبوط بنائیں گے۔ میں اسلامی ریاست پر یقین رکھتا ہو ں جبکہ جمہوریت میں بجٹ ہوتا ہے ،صوابدیدی فنڈ نہیں ہوتا، عمرا ن خان نے ایک بیان میں کہا ہے کہ خیبرپختونخوامیں این ٹی ایس کے تحت بھرتیاں ہوتی ہیں اور ہمارے صوبے کی پولیس مثالی بن چکی ہے۔ انہوں نے کہاکہ اسفندیارولی دبئی اورملایشیاجاتے تھے پشاورنہیں آتے تھے لیکن آج اسفندیارولی اورنوازشریف بھی پشاورمیں تقریرکرتے ہیں، ادارے میرٹ کی وجہ سے مضبوط ہوتے ہیں اور ہم اقتدارمیں آکرسب سے پہلے اداروں کومضبوط بنائیں گے۔چیئرمین تحریک انصاف عمران خان نے کہا ہے کہ پنجاب میں اس وقت تک کچھ نہیں ہوتاجب تک رائیونڈ سے حکم نہ ہو، اقتدارمیں آکرسب سے پہلے اداروں کومضبوط بنائیں گے۔

لودھراں (ویب ڈیسک)قومی اسمبلی کے حلقہ این اے 154 لودھراں میں پانچ سال کے دوران تیسری بار الیکشن کیلئے پولنگ کا عمل جاری ہے۔ امیدواروں کی طرف سے بڑھ چڑھ کر مہم چلائی گئی اور ایک دوسرے پر الزامات بھی لگائے گئے لیکن اس مہم کے دوران سب سے دلچسپ صورتحال اس وقت پیدا ہوئی جب علی ترین تحریک لبیک کے سربراہ علامہ خادم رضوی سے ملنے پہنچ گئے۔این اے 154 کی انتخابی مہم کے دوران تحریک انصاف کے رہنما علی ترین ریلی نکال رہے تھے جبکہ دوسری جانب علامہ خادم رضوی اپنے امیدوار کے حق میں نکالے گئے جلوس کی قیادت کر رہے تھے۔ دونوں جلوسوں کا سامنا ہوا تو علی ترین نے تحریک لبیک کے جلوس کو رکوا لیا اور گاڑی سے اتر کر علامہ خادم رضوی سے ملنے ان کی گاڑی میں پہنچ گئے۔ اس دوران علی ترین نے علامہ خادم رضوی سے مختصر ملاقات کی اور حال احوال پوچھا۔ دونوں رہنما?ں کی اس ملاقات کی تصاویر سوشل میڈیا پر تیزی سے وائرل ہورہی ہیں۔