لاہور (لیڈی رپورٹر) عربک گلوکاربوہیمیا کے جسٹس فور زینب کے گانے کو شائقین نے بےحد پسند کیا ہے ، یہ گانا قصور میں معصوم کلی زینب جو کھیلنے سے پہلے ہی مرجھاگئی اور اپنے جیسی لاکھوں کلیوں کو مسلنے سے بچانے کیلئے بیداری کا سبب بنی اور ان چھپے اور پس پردہ کرداروں کو دنیا کے سامنے آنے پر مجبور کردیا، ہم صرف موبائل دوست بن گئے ہیں، ساری توجہ اور احساسات کا مرکز صرف ہمارے موبائل رشتوں سے منسلک ہوکر رہ گیا ہے ، ہمارے ارد گرد کیا ہورہاہے ہم بے خبر اور گم ہوچکے ہیں ، جس طرف نظرا ٹھایئے لوگ کام میں ایسے غرق ہیں جیسے دم لینے یعنی کچھ آرام کرنے سے جان پر بن آئیگی، ہماری بیداری اسلئے بھی نہیں ہورہی کیونکہ دلوں میں صرف نفس کی دلجوئی کرنا زیادہ ضروری ہوگیا ہے۔
، ہر دن ہم صرف اپنے نفس کی پیروی کرتے ہوئے گذارتے ہیں اورایسا کرتے کرتے دل ہمارے مردہ ہوچکے ہیں ، لوگوں کو بیدار کرنے میں گلوکار اوراداکار اپنا کردار بہترین طور پر ادا کرسکتے ہیں۔

لاہور(شوبز ڈیسک)پاکستان کی فلمسٹار حمائمہ ملک کی نئی تصاویر نے سوشل میڈیا پر ہنگامہ برپا کردیا ہے اور مداحوں کی جانب سے انہیں شدید تنقید کا نشانہ بنایا جارہا ہے۔تفصیلات کے مطابق حال ہی میں شان شاہد کی فلم ارتھ ٹو میں اپنی اداکاری کے جلوے بکھیرنے والی اداکارہ حمائمہ ملک نے اپنے انسٹا گرام اکاﺅنٹ پر اپنی سیلفیاں شیئر کی جن کو دیکھتے ہیں مداحوں نے اپنی توپوں کا رخ اداکارہ کی جانب کردیا اور حمائمہ ملک کی تصاویر کو غیر اخلاقی قرار دیتے ہوئے کمنٹس میں اپنے غصے کا اظہار کیا۔حمائمہ ملک نے کچھ مداحوں کے کمنٹس کو ڈیلیٹ کیا تو سید عزیر سلیم نامی صارف نے اداکارہ کو مخاطب کرتے ہوئے کہا کہ ”میرے کمنٹس کو ڈیلیٹ کرنا بند کرو،آپ جتنی دفعہ ایسا کروں گی میں اس سے بھی زیادہ مضبوط ہوکر واپس آﺅں گایاد رکھنا۔“

لاہور(شوبز ڈیسک) معروف سٹیج و فلمی اداکارہ نرگس نے کہا ہے کہ عابد باکسر نے مجھ سے ایک کروڑ اور گھر کے کاغذات مانگے ، انکار پر مجھے وحشیانہ جسمانی تشدد کا نشانہ بنایا ، میرے سر کے بال او ر بھنویں بھی کاٹ دیں ۔ اپنے ایک بیان میں اداکارہ کا کہنا تھا کہ عابد باکسر نے مجھے تشدد کے ساتھ کئی گھنٹے تک یرغمال بنائے رکھا جس کا مقدمہ جوہر ٹان تھانے میں عابد باکسر اور ساتھیوں کے خلاف28 مارچ 2002کو درج ہوا۔ نرگس کا کہنا تھا کہ عابد باکسر انہیں گزشتہ چار سال سے بلیک میل کر رہا تھا جبکہ نرگس کے والد نے موقف اپنایا کہ ان کی بیٹی دیدار کے گھر میں ڈکیتی میں بھی عابد باکسر ملوث تھا۔ اداکارہ کا کہنا تھا کہ مجھ پر اتنا تشدد ہوا کہ وہ ماں بننے کی صلاحیت سے بھی محروم ہو گئی تھیں۔ تاہم اس واقعہ کے تین چار روز کے بعد گوالمنڈی کی ایک اہم شخصیت کے گھر ان دونوں کی صلح ہو گئی۔اس صلح کے بعد نرگس کینیڈا چلی گئیں جہاں انہوں نے ایک پاکستانی فلم پروڈیوسر زبیر شاہ سے شادی کر لی۔یہ بھی کہا جاتا ہے کہ عابد باکسر نے پروڈیوسر ارشد چودھری کے ذریعے الفلاح تھیٹر ٹھیکے پر حاصل کیا۔

اور وہاں پر لاہور کی مہنگے ترین فنکارکاسٹ کرکے ڈراموں کاروبارشروع کیا۔ ذرائع کا یہ بھی کہنا ہے کہ آج بھی الفلاح تھیٹرمیں عابدباکسرکی سرمایہ کاری ہے اور پروڈیوسر ارشد چودھری اسے ماہانہ منافع ادا کرتا ہے۔