اسلام آباد (این این آئی) پاکستان تحریک انصاف کے ترجمان فواد چودھری نے کہا ہے کہ مریم نواز کے نیب دالت کی کارروائی براہ راست نشر کرنے کے مطالبے کی حمایت کرتے ہوئے کہاہے کہ شائد کارروائی دیکھ کر ہی میاں صاحب کو پتا چل جائے کہ انہیں کیوں نکالا ؟۔میڈیا سے گفتگو میں فواد چوہدری نے کہا کہ میں مریم نواز کے مطالبے سے 100 فیصد متفق ہوں کہ نیب عدالت کی کارروائی براہ راست نشر کی جانی چاہیے۔انہوں نے کہا کہ کارروائی دیکھ کرہی شائدمیاں صاحب کوپتاچل جائے کہ انہیں کیوں نکالا۔ انہوں نے کہا کہ (ن )لیگ کو لگتا ہے کہ براہ راست کارروائی نشر کرنے سے انہیں ہمدردیاں ملیں گی ۔ترجمان پی ٹی آئی نے کہا کہ (ن) لیگ عوام میں تاثر بنانا اور عدالت میں برعکس موقف اپناناچاہتی ہے۔ انہوںنے کہا کہ واجد ضیا کی گواہی اور عدالتی کارروائی سب کے سامنے ہے،(ن) لیگ عوام کو بےوقوف بنارہی ہے۔انہوں نے کہا کہ ہم نے کہا تھا سپریم کورٹ کی کارروائی بھی براہ راست نشرکی جانی چاہیے،اس حوالے سے صوابدیدی اختیار عدالت کا ہے ۔انہوں نے مطالبہ کیا کہ جے آئی ٹی میں بنائی گئی ویڈیوز بھی ریلیز کی جانی چاہئیں کیونکہ شریف فیملی نے جائیداد اور اکاﺅنٹس کا اعتراف کر رکھا ہے ۔پی ٹی آئی ترجمان نے کہا کہ واجد ضیا کی گواہی اور عدالت کی کارروائی سب کے سامنے ہے،نواز شریف کے بچے لندن جائیداد کے بینی فیشل اونر ہیں۔
