اسلام آباد(ٹرینڈی ایڈیٹررپورٹ)وزیراعظم عمران خان کی طرف سے ملک بھرمیں شجرکاری مہم کے افتتاح کوپاکستانیوں نے بھارتی جنگی جنوں کے پیش نظر”تباہی بمقابلہ ہریالی“ قراردیاہے۔عمران خان آفیشل(فیس بک پیج)پراسامہ ایوب نے لکھا”مہربانی کرکےشہروں میں بھی درخت لگائیں،وہاں فضائی آلودگی جینے نہیں دے رہی،پولیس اورفوج کے ذریعے انسدادکوڑاکرکٹ حکمت عملی بھی بنائی جائے“۔اکرم خان نے لکھا”وزیراعظم سے درخواست ہے وہ ہرمزارپربھی ایک درخت لگائیں تاکہ نئی نسل قبروں کی پوجانہ کرے“۔سعدیہ سلیمان نے لکھا”گوجرانوالہ سمیت چھوٹے شہروں کی ہرسڑک پرکوڑے کیلئے ٹوکریاں ہونے چاہیئیں“۔علی رضانے لکھا”نئے پودو ںکی بھرپورحفاظت کی جائے،میں نے دوستوںکے ساتھ مل کر11سوپودے لگائے مگرغیرتعلیم یافتہ مافیانے انھیں نقصان پہنچایا،ان پرنظررکھی جائے“۔ہارون راشدنے لکھا”کے پی کے میں جنوبی اضلاع کوبھی شجرکاری کی اشدضرورت ہے“۔ثانیہ قمرنے لکھا”مجھے فخرہے ،میں نے عمران خان کی حمایت کی،وہ مخلص ا ورایماندارہے،کرکے دکھاتاہے“۔یوسف گجرنے لکھا”کسی حکومت نے ماحولیاتی تبدیلی کوپہلی مرتبہ سنجیدگی سے لیا،ہم سب سیاسی وابستگیاں بھول کراس مہم کاحصہ بنیں“۔ظل ہمانے لکھا”ماشاءاللہ،ہرابھراپاکستان“۔محتسم اشفاق نے لکھا”سبزٹوپیوں پراتنے زیادہ پیسے کیوں خرچ کئے جارہے ہیں“۔سجاول نے لکھا”پاکستان اب محفو ظ ہاتھوں میں ہے“۔

اسلام آباد (ویب ڈیسک ) ملک کے 13ویں صدر کے لیے کل ہونے والے انتخاب کے لیے تمام تیاریاں مکمل کرلی گئیں اور الیکشن کمیشن نے اس سلسلے میں پارلیمنٹ ہاو¿س اور چاروں صوبائی اسمبلیوں میں پولنگ اسٹیشن قائم کردیے۔ترجمان قومی اسمبلی کے مطابق صدارتی انتخاب کے لیے پولنگ صبح 10 بجے سے سہ پہر 4 بجے تک جاری رہے گی اور ووٹنگ کے لیے اراکین کو قومی اسمبلی کا کارڈ ساتھ لانا لازمی ہوگا۔الیکشن کمیشن کی جانب سے صدارتی انتخاب کی پولنگ کے لیے بیلٹ پیپرز اور دیگر سامان متعلقہ اسمبلیوں میں پہنچا دیا گیا۔صدارتی انتخاب کے لیے تین امیدوار میدان میں ہیں اور بیلٹ پیپر پر پیپلز پارٹی کے امیدوار اعتزاز احسن کا نام پہلے نمبر پر موجود ہے جب کہ تحریک انصاف کے امیدوار ڈاکٹر عارف علوی دوسرے اور 5 اپوزیشن جماعتوں کے مشترکہ امیدوار مولانا فضل الرحمان کا نام تیسرے نمبر پر درج ہے۔ صدارتی انتخاب کے لیے پولنگ کل پارلیمنٹ کے مشترکہ اجلاس اور تمام صوبائی اسمبلیوں میں ہوگی۔چیف الیکشن کمشنر جسٹس (ر) سردار محمد رضا صدارتی انتخاب کے لیے ریٹرنگ آفیسر ہیں جبکہ چاروں صوبائی اسمبلیوں میں ہائی کورٹس کے چیف جسٹس صاحبان اور سینیٹ و قومی اسمبلی میں اسلام آباد ہائی کورٹ کے چیف جسٹس پریزائیڈنگ آفیسر کی ذمہ داری سر انجام دیں گے۔ووٹر فہرستیں جاری الیکشن کمیشن نے ووٹر فہرستیں پریزایئڈنگ افسران کے حوالے کردیں جس کے مطابق سینیٹ، قومی و صوبائی اسمبلیوں میں نشستوں کی تعداد 1174 ہے تاہم صدارتی انتخاب میں 1121 ارکان پارلیمنٹ ووٹ کاسٹ کر سکیں گے جب کہ 53 نشستیں خالی ہیں۔صدارتی انتخاب کیلئے کس جماعت کے پاس کتنے ووٹ ہیں؟خالی نشستوں میں سینیٹ کی 2، قومی اسمبلی کی 12 اور صوبائی اسمبلیوں کی 30 نشستیں شامل ہیں جب کہ قومی و صوبائی اسمبلیوں کی 9 نشستوں پر ارکان تاحال حلف نہیں لے سکے۔لیکشن کمیشن کے مطابق سینیٹ کی 104 میں سے 2 نشستیں خالی ہیں جس کے بعد 102 ارکان ووٹ ڈال سکیں گے جب کہ قومی اسمبلی کی 342 میں سے 12 نشستیں تاحال خالی ہے اور 330 ارکان صدارتی انتخاب میں ووٹ ڈالیں گے۔پنجاب اسمبلی کی 371 میں سے 13 نشستیں خالی ہیں اور صدارتی ووٹرز کی تعداد 354 ہے، سندھ اسمبلی کی 168 میں سے 3 نشستیں خالی ہیں اور 2 ارکان نے حلف نہیں اٹھایا، اس طرح اسمبلی میں ووٹرز کی تعداد 163 ہے۔خیبرپختونخوا اسمبلی میں کل ارکان کی تعداد 124 ہے تاہم 12 نشستیں خالی ہیں اس طرح کے پی اسمبلی سے صدر کو 112 ارکان ووٹ ڈال سکیں گے جب کہ بلوچستان اسمبلی کے 60 ارکان ووٹ ڈال سکیں گے اور اس اسمبلی کے کل ارکان کی تعداد 65 ہے میں جس میں 3 نے حلف نہیں اٹھایا اور 2 نشستیں خالی ہیں۔

ہم اکثر اس بات کو کوئی اہمیت دیتے ہی نہیں کہ ہم ایک آزاد ملک کے شہری ہیں، ہمارے شہر اور وہ تمام علاقے پُرامن ہیں جہاں جہاں ہم جاتے ہیں۔ یہ آزادی اور یہ امن فوج اور سیکیورٹی اداروں کی وجہ سے ممکن ہے جو 24 گھنٹے ہمارے ملک کو بیرونی اور داخلی خطرات سے محفوظ رکھنے کے لیے کام کرتے ہیں۔ ان کا کردار ملکی دفاع اور سلامتی کے لیے سویلین حکومت کی رہنمائی میں کام کرنا ہے اور ان کے اہلکار ضرورت پڑنے پر فرض کی راہ میں بڑی قربانیاں دیتے ہیں۔ہماری افواج کی جانب سے فراہم کی گئی دفاع کی خدمات کا سالانہ جشن قومی یومِ دفاع کے طور پر منایا جاتا ہے۔یومِ دفاع، جیسا کہ نام سے ظاہر ہے، اُس دن کی یاد میں منایا جاتا ہے جس دن ہماری افواج نے 1965ء میں ہندوستانی افواج کا ڈٹ کر مقابلہ کیا تھا اور اپنے ملک کا دفاع کیا تھا۔ اسے ہر سال 6 ستمبر کو منایا جاتا ہے۔

اسلام آباد: چیف جسٹس میاں ثاقب نثار نے خاتونِ اول بشریٰ عمران کے صاحبزادی کے ساتھ بدسلوکی کے واقعے اور پولیس میں سیاسی مداخلت کی تحقیقات کا حکم دے دیا۔چیف جسٹس میاں ثاقب نثار کی سربراہی میں جسٹس عمر عطا بندیال اور جسٹس اعجازالاحسن پر مشتمل 3 رکنی بینچ نے ڈی پی او پاکتپن کے تبادلے پر ازخود نوٹس کیس کی سماعت کی۔سماعت کے دوران انسپکٹر جنرل (آئی جی) پنجاب عدالت میں پیش ہوئے اور چیف جسٹس کو تمام طلب کردہ افراد کی موجودگی کے بارے میں آگاہ کیا۔چیف جسٹس نے آئی جی پنجاب سے ڈی پی او کے تبادلہ کے تحریری حکم نامے اور وزیراعلیٰ ہاؤس میں جانے سے متعلق استفسار کیا تو انہوں نے عدالت میں بتایا کہ ڈی پی او رضوان گوندل کو وزیراعلیٰ ہاؤس نہ جانے کی ہدایت کیں، جبکہ ان کے تبادلے کا حکم زبانی دیا۔

کراچی (مانیٹرنگ ڈیسک) چیف جسٹس آف پاکستان جسٹس ثاقب نثار سپریم کورٹ کراچی رجسٹری میں مقدمات کی سماعت کے بعد جم خانہ پہنچ گئے ،چیف جسٹس پاکستان کی اہلیہ بھی ان کے ہمراہ ہیں،چیف جسٹس کی کوریج کیلئے میڈیا بھی وہاں پہنچ گیا۔ اس موقع پر چیف جسٹس ثاقب نثار نے صحافیوں کو کھانے کی دعوت دیتے ہوئے کہا کہ آجا کھانا کھالو ،اس پر صحافیوں نے جواب دیتے ہوئے کہا کہ نہیں سر آپ کھانا کھائیں ہم نے کھا لیا ہے ۔

راولپنڈی: پاکستان انٹرنیشنل ایئرلائنز (پی آئی اے) کی جانب سے ایک اور کارنامہ سامنے آیا اور حاجیوں کو وطن واپس لانے والی قومی ایئرلائن نے ان کا سامان مدینہ منورہ میں ہی چھوڑ مطابق پی آئی اے کی حج فلائٹ نمبر 714، 168 مسافروں کو لے کر اسلام آباد انٹرنیشنل ایئرپورٹ پہنچی تاہم مسافروں کا سامان ان کے ساتھ نہیں لایا گیا اور تقریباً 2 گھنٹے بعد حاجیو کو آگاہ کیا گیا کہ ان کا سامان مدینہ میں رہ گیا ہے۔پی آئی اے کا کہنا تھا کہ مدینہ میں رہ جانے والا سامان ایک یا 2 روز میں واپس وطن آجائے گا۔اس حوالے سے اسلام آباد کے رہائشی لائق خان سواتی کا کہنا تھا کہ وہ اور ان کی اہلیہ مدینہ سے پی آئی اے کی فلائٹ کے ذریعے وطن پہنچے تھے، لیکن 2 گھنٹے انتظار کرنے کے بعد ان کے علم میں یہ بات آئی کہ سامان وہی رہ گیا ہے۔

اسلام آباد (آن لائن) سابق وفاقی وزیر ریلوے خواجہ سعد رفیق نے گزشتہ چار سالوں میں ریلوے کی 6245 ایکڑ زمین دوستوں اور سایسی ورکروں کو الاٹ کردی تھی۔ اس زمین کی قیمت اربوں روپے میں تھی جبکہ خواجہ سعد رفیق نے کوڑیوں کے بھاﺅ یہ زمین اپنے ہم نواہوں دوستوں اور ہم پیالہ لوگوں میں تقسیم کی۔ ریلوے کی ملک بھر میں 1 لاکھ 68 ہزار ایکڑ زمین پر ملک کے بااثر لوگوں نے قبضہ کر رکھا ہے جس کو واگزار کرانے کیلئے کوئی اقدام نہیں کیا گیا ہے۔ سپریم کورٹ کے چیف جسٹس کے حکم پر ریلوے کا آڈٹ جاری ہے اور اب تک اربوں روپے کی مالی بدعنوانیوں کا انکشاف ہوا ہے۔ ذرائع سے حاصل دستاویزات میں انکشاف ہوا ہے کہ خواجہ سعد رفیق نے 2013 ءمیں وزارت کا قلمدان سنبھالتے ہی 118 ایکڑ زمیں مختلف لوگوں کو الاٹ کی جبکہ 2014 ءمیں 1437 ایکڑ زمین الات کی گئی 2015 ءمیں خواجہ سعد رفیق نے 2107 ایکڑ زمین الاٹ کی جبکہ حکومت کے آخری سال میں 2016 ءمیں 2683 ایکڑ زمین الاٹ کی تھی جس کی تحقیقات جاری ہیں اور حکومت کے دور میں ریلوے کی زمینوں کی کرپٹ مافیا کی طرف سے بندربانٹ میں بڑے پیمانے پر مالی بدعنوانیاں سامنے آئی ہیں۔ ریلوے کی قبضہ اور ملکیتی زمینوں کے بہتر استعمال سے ریلوے کا ادارہ اپنے پاﺅں پر کھڑا ہوسکتا ہے لیکن ریلوے میں کرپشن کی انتہا ہے اور کرپٹ مافیا نے ریلوے کو جکڑ رکھاہے اور اس مافیا سے ریلوے کو واگزار کرانے کیلئے نئے وفاقی وزیر شیخ رشید کو انقلابی اور سخت اقدامات اٹھانا پڑیں گے جب اس حوالے سے خواجہ سعد رفیق کو رابطہ کرکے موقف لینے کی کوشش کی تو انہوں نے جواب نہیں دیا ہے۔

جیکب آباد/کوئٹہ( اے اےن اےن) جمعیت علمائے اسلام کے مرکزی ترجمان اور متحدہ مجلس عمل کی رابطہ کمیٹی کے سربراہ سابق سینیٹر حافظ حسین احمد نے کہا ہے کہ مولانا فضل الرحمن خود دولہا نہیں بنے ان کو مسلم لیگ ن اور دیگر جماعتوں نے بنایاہے البتہ اعتزاز احسن صدارتی دولہن کو نکاح سے پہلے ہی بھگا کر لے گئے،پیپلز پارٹی اپوزیشن کو تقسیم اور ایم ایم اے متحد کرنا چاہتی ہے، شرجیل میمن شایدشراب کو شہد سمجھ کر استعمال کرتے ہیں، شہد کے ”ش“ میں ”شفا “ اور شراب کے ”ش“ میں” شر“ ہے ، اختر مینگل کے 6نکات پر مکمل عملدرآمد ہوتے نظر نہیں آرہا البتہ عمران خان کی نیت پر شک نہیں کیا جاسکتا، وزیر اعظم ہاو¿س کا ہیلی کاپٹر شاید پانی سے چلتا ہے اس لیے فواد چوہدری اب تک اپنے بیان پر قائم ہے۔ان خیالات کا اظہار انہوں نے جیکب آباد کے صحافیوں سے گفتگو کرتے ہوئے کیا، حافظ حسین احمد نے مزید کہا کہ جمعیت علمائے اسلام اور متحدہ مجلس عمل کے سربراہ مولانا فضل الرحمن خود دولہا نہیں بنے بلکہ ان کو مسلم لیگ اوراپوزیشن کی دیگر جماعتوں نے بنایا ہے البتہ اعتزاز احسن صدارتی دولہن کو نکاح سے پہلے ہی بھگا کر لے گئے اگر اعتزاز احسن نے بات کرنی ہے تو اپوزیشن سے بات کریں، اعتزاز احسن نے گجرانوالہ میں جنرل کیانی کے لیے سہولت کار کا کردار ادا کیا تھا ایک بار پھر وہی کچھ کیا ہورہا ہے، اعتزاز احسن کو پیپلز پارٹی نے اس لیے ”دولہا“ بنایا ہے تاکہ ” شہہ بالا“ کی ضمانت ہوسکے،پیپلز پارٹی کی حکمت عملی یہی ہے کہ صدارتی انتخاب میں اپوزیشن اور ووٹوں کو تقسیم کیا جائے جبکہ ایم ایم اے اور دیگر جماعتوں کی کوشش ہے کہ اپوزیشن متحد ہو، انہوں نے کہا کہ شرجیل میمن شایدشراب کو شہد سمجھ کر استعمال کرتے ہیں ، شہد اور شراب ”ش“ سے شروع ہوتے ہیں مگرشہد کے ”ش“ میں ”شفا “ اور شراب کے ”ش“ میں ”شر “ہے اور شراب کی ابتدا ہی شر سے ہوتی ہے، انہوں نے کہا کہ بلوچستان کے متعلق سردار اختر مینگل کی جانب سے پیش کئے جانے والے 6نکات پر عملدرآمد کے حوالے سے عمران خان کی نیت پر شک نہیں کیا جاسکتا مگر وہ ان پر مکمل عملدرآمد نہیں کرسکیں گے البتہ کسی حد تک عملدرآمد کی امید کی جاسکتی ہے لیکن مکمل طور پر عملدرآمد اس وقت تک ممکن نہیں جب تک مقتدر قوتیں اس حوالے سے کوئی پالیسی طے نہ کریں، ایک سوال کے جواب میںحافظ حسین احمد نے کہا کہ اسلام آباد سے لاہورتک کرایے کی گاڑی پر آیا ہوںیہاں صحافیوں نے مشورہ دیا کہ فواد چوہدری سے رابطہ کرکے ہیلی کاپٹر پر سفرکیوں نہیں کررہے کیوں کہ وہ بہت سستا پڑے گا مگرہماری پہنچ فواد چوہدری تک نہیں اس لیے سستے ہیلی کاپٹر کے بجائے گاڑی پر سفر کررہاہوں، فواد چوہدری ابھی تک اپنے موقف پر قائم ہے شاید وزیر اعظم ہاو¿س کا ہیلی کاپٹر پانی سے چلتاہے۔

راولپنڈی (بیورو رپورٹ) وفاقی وزیر ویلوے شیخ رشید احمد نے کہا ہے کہ وزیر اعظم عمرا ن خان کے ویژن کے مطابق پاکستان ریلوے کی آخری باﺅنڈری تک ریل ٹریک کے دونوں اطراف درخت لگائے جائیں گے تاکہ ماحول کو آلودگی سے بچانے کے ساتھ ساتھ ملک کو سرسبز و شاداب بنایا جا سکے۔ انہوں نے کہاکہ پاکستان ریلوے کی ساتوں ڈویژنوں میں چار چار نرسریاں قائم کی جائیں گیں اور جہلم ، ملک وال اور راولپنڈی میں نرسریوں کو جلد ہی فعال کیا جا رہا ہے تاکہ ایک سال کے عرصہ تک ریلوے پٹری کے اطراف کو درختوں سے سرسبز کیا جا سکے۔ ان خیالات کا اظہار انہوں نے ڈویژنل انتظامیہ راولپنڈی کی طرف سے کورال چوک ، اسلام آباد ایکسپریس وے میں ”پلانٹ فار پاکستان“شجر کاری مہم کے حوالے سے منعقدہ تقریب سے بطور مہمان خصوصی خطاب کرتے ہوئے کیا۔ اس میں کمشنر راولپنڈی ڈویژن سیف انجم، ڈپٹی کمشنر راولپنڈی ڈاکٹر عمر جہانگیر ، ایڈیشنل کمشنر طارق سلام مروت، ڈی جی پی ایچ اے راولپنڈی، ضلعی افسران اور زندگی کے مختلف شعبوں سے تعلق رکھنے والے لوگوں نے شرکت کی۔ اس میں موقع پر کورال چوک کی گرین بیلٹ میںپانچ ہزار پودے لگائے گئے۔وفاقی وزیر ویلوے شیخ رشید احمد نے کہا کہ ٹمبر مافیا کے خلاف بھی سخت کاروائی کی جائے گی اور درختوں کی چوری کی کسی بھی صورت اجازت نہیں دی جا سکتی کیونکہ درخت لگانے کے علاوہ ان کو محفوظ بھی بنانا ہماری ذمہ داری ہے ۔ انہوں نے کہاکہ وزیر اعظم عمران خان کے نوجوان ملک کو سرسبز بنانے میں اپنا بھر پور کردار ادا کریں گے اوروزیر اعظم کے ویژن کو ہر صورت میں حاصل کریں گے۔تقریب خطاب کرتے ہوئے، کمشنر راولپنڈی ڈویژن سیف انجم نے کہاکہ اس تقریب میں چا ر ہزار شرکاءہیں اور پانچ ہزار پودے لگانے کا ہدف ہے اور کوشش کی جائے گی کہ پانچ منٹ میں پانچ ہزار درخت لگائے جائیں اور اس جذبہ اور سپرٹ کو برقرار رکھا جائے تاکہ گرین پاکستان کا ہدف حاصل ہو سکے۔ ڈائریکٹر جنرل پی ایچ اے راولپنڈی نے کہاکہ پی ایچ اے راولپنڈی 25ہزار پودے اپنی مدد آپ اور پرائیویٹ سیکٹر کے تعاون سے لگا چکا ہے اور شہر کے 58قبرستانوں میں بھی زیادہ سے زےادہ درخت لگا ئے جا رہے ہیں ۔پی ایچ اے راولپنڈی نے ائر پورٹ روڈ، نزد گلزار قائد اور نواز پارک میں گرین پوائنٹس قائم کئے ہیں جہاں سے شہری بلامعاوضہ پودے حاصل کر سکتے ہیں۔تقریب کے بعد وفاقی وزیر ریلوے شیخ رشید احمد، کمشنر راولپنڈی انجم سیف، ڈپٹی کمشنر راولپنڈی عمر جہانگیر اور دیگر افسران نے سرکاری تعلیمی اداروں کے طلباءاور استاتذہ، اور زندگی کے مختلف شعبوں سے تعلق رکھنے والے افراد کے ہمراہ پودے لگائے۔ پودے لگانے کی اس مہم میں مختلف سرکاری محکمو ںنے بھی حصہ لیا۔