اسلام آباد(ویب ڈیسک)نیشنل ہائی ویز اتھارٹی (این ایچ اے) اور موٹر وے پولیس کی جانب سے شہریوں کو سفر کی سہولت فراہم کرنے اور رابطے میں آسانی کے لیے موبائل ایپلیکیشن ‘ہمسفر’ متعارف کروا دی گئی۔این ایچ اے اور موٹر وے پولیس کے اشتراک سے ‘ہمسفر’ ایپ متعارف کروانے کے لیے منعقدہ تقریب میں وزیر مملکت برائے مواصلات مراد سعید اور انسپکٹر جنرل (آئی جی) موٹر وے اے ڈی خواجہ سمیت دیگر حکام نے شرکت کی۔تقریب کے دوران مراد سعید نے موٹروے پولیس کے افسران اور جوانوں کو خراج تحسین پیش کرتے ہوئے کہا کہ موٹروے پولیس نے 65 دنوں میں جو کام کیا، وہ قابل فخر ہے۔اس موقع پر آئی جی موٹروے اے ڈی خواجہ کا کہنا تھا کہ موٹروے پولیس کا شمار پاکستان کے بہترین اداروں میں ہوتا ہے اور اس ایپلیکیشن سے مسافروں اور موٹروے پولیس کے پیٹرولنگ افسران کے درمیان رابطہ آسان ہوگا۔انہوں نے بتایا کہ موبائل ایپ کی مدد سے شہری موسم کی صورتحال سے آگاہ رہیں گے اور ساتھ ہی ایپ سے سڑکوں کی بندش، متبادل راستوں اور خطرناک موڑوں کے حوالے سے بھی معلومات موصول ہوسکیں گی۔

ممبئی (ویب ڈیسک)بالی وڈ اداکارہ دپیکا پڈوکون اور اداکار رنویر سنگھ کی شادی 14 اور 15 نومبر کو اٹلی میں ہوئی، جس میں مہمانوں کی تعداد انتہائی مختصر تھی، جس کے بعد افواہیں گردش کر رہی تھیں کہ اداکار انیل کپور اٹلی میں مدعو کیے نہ جانے پر خفا ہیں، تاہم انہوں نے ان سب افواہوں کی تردید کردی ہے۔انیل کپور نے حال ہی میں اپنی چھوٹی بیٹی ریہا کپور کے ساتھ گوا میں ایفی تقریب میں شرکت کی اور میڈیا سے گفتگو کی۔اس موقع پر ان سے سوال پوچھا گیا کہ خبریں گرم ہیں کہ ‘آپ دپیکا اور رنویر سے ناراض ہیں کیونکہ انہوں نے اٹلی میں ہونے والی شادی کی تقریب میں آپ کو مدعو نہیں کیا؟’جس پر انیل کپور نے جواب دیا کہ ‘انہیں نہیں پتہ کہ یہ خبریں کیوں گردش کر رہی ہیں کہ وہ شادی میں مدعو نہ کرنے پر دپیکا اور رنویر سے خفا ہیں’۔ان کا کہنا تھا کہ ’میں دپیکا اور رنویر کی شادی سے بہت خوش ہوں بلکہ یکم دسمبر کو شادی کی استقبالیہ تقریب میں بھی شرکت کروں گا‘۔ خیال رہے کہ دپیکا اور رنویر 14 اور 15 نومبر کو اٹلی کے خوبصورت ترین مقام ‘لیک کومو’ میں رشتہ ازدواج میں منسلک ہوئے تھے، جہاں صرف مخصوص مہمانوں کو ہی مدعو کیا گیا تھا۔اس موقع پر شادی کی تصاویر لیک نہ ہونے کا بھی خاص خیال رکھا گیا تھا، لیکن بعدازاں دپیکا اور رنویر نے خود تصاویر سوشل میڈیا پر پوسٹ کیں، جنہیں مداحوں کی جانب سے بہت سراہا گیا۔دپیکا اور رنویر کی شادی کا ایک استقبالیہ ہوچکا ہے جبکہ دوسرا استقبالیہ یکم دسمبر کو ہوگا، جس میں بالی وڈ انڈسٹری کی شخصیات شرکت کریں گی۔

مٹھی(ویب ڈیسک) پاکستان پیپلز پارٹی (پی پی پی) کے رہنماو¿ں نے تھر کے لوگوں پر زور دیا ہے کہ وہ علاقے میں پانی اور خوراک کی کمی کے چیلنجز کو پورا کرنے کے لیے خود اپنی مدد کرتے ہوئے اپنی آبادی پر قابو پائیں۔ان خیالات کا اظہار پی پی پی کے سینیٹر گیان چند، تھرپارکر سے منتخب رکن قومی اسمبلی ڈاکٹر مہیش کمار مالانی اور رکن صوبائی اسمبلی فقیر محمد بلالانی نے مٹھی میں شہید بینظیر بھٹو کلچرل کمپلیکس میں محکمہ بہبود آبادی کی جانب سے ایک تقریب سے خطاب میں کیا۔تقریب میں ارکان پارلیمنٹ، دیگر مقامی جماعتوں کے رہنما اور محکمے کے حکام نے شرکت کی اور علاقے میں بڑھتی ہوئی ا?بادی، بنیادی سہولیات کی کمی پر اپنے تاثرات کا اظہار کیا۔انہوں نے کہا کہ کم عمری میں شادی اور زیادہ سے زیادہ بچے پیدا کرنے کا رجحان سہولیات کی کمی کی اہم وجہ ہے۔رہنماو¿ں نے تھر کے لوگوں کو مشورہ دیا کہ وہ خاندانی منصوبہ بندی پر عمل کریں، مانع حمل کی ادویات کا استعمال کریں اور کم عمر میں شادی نہ کریں۔انہوں نے زور دیا کہ کہ تھر کی ا?بادی پر قابو پانے کے لیے بڑے پیمانے پر نتیجہ خیز ا?گاہی مہم شروع کرنے کی ضرورت ہے۔رکن قومی اسمبلی مہیش کمار مالانی نے کہا کہ بدقسمتی سے محکمہ بہبود ا?بادی شعور کی بیداری میں ہدف والے علاقوں کے صرف 42 فیصد حصے کا احاطہ کرتا ہے اور ا?بادی کو کنٹرول کرنے کے مقصد سے خاندانوں میں صنوعات فراہم کرتا ہے۔انہوں نے کہا کہ اس مقصد کو حاصل کرنے کے لیے بڑی تعداد میں ورکرز کو بھرتی کرنے کی ضرورت ہے۔ڈاکٹر مہیش کمار مالانی کا کہنا تھا کہ اگرچہ صوبائی حکومت کی جانب سے کم عمری کی شادیوں کے خلاف حکومتی قوانین اچھا اقدام ہے، تاہم ہمارے پاس ایک طویل مدتی طریقہ ہے جس سے تھر میں پیدائش کی شرح کو کنٹرول کرنے سے متعلق جدید طریقوں کے بارے میں لوگوں کو بتایا جاسکتا ہے‘۔اس موقع پر سینیٹر گیان چند جو پی پی پی تھر چیپٹر کے سربراہ بھی ہیں، نے کہا کہ تھر کے لوگوں کو مکمل تعلیم اور ا?گاہی فراہم کرنے سے کم عمری کی شادیوں اور بچوں کی زیادہ پیدائش پر قابو پانے کی کوششوں کے مطلوبہ نتائج حاصل کرنے میں مدد ملے گی۔تقریب میں رکن صوبائی اسمبلی فقیر محمد بلالانی نے متعلقہ محکمے کے حکام پر زور دیا کہ وہ تھر میں بڑے پیمانے پر ا?گاہی مہم شروع کریں۔

اسلام آباد (ویب ڈیسک)وزیراعظم عمران خان نے پاک بھارت تعلقات میں بہتری کی امید کا اظہار کرتے ہوئے کہا ہے کہ جب تک ہم ماضی کی زنجیریں نہیں توڑیں گے، آگے نہیں بڑھ سکیں گے۔کرتار پور راہداری کے سنگ بنیاد رکھنے کی تقریب سے خطاب کرتے ہوئے وزیراعظم کا کہنا تھا کہ ‘ماضی صرف سیکھنے کے لیے ہوتا ہے، رہنے کے لیے نہیں، لیکن ہمارے تعلقات کا یہ حال ہے کہ ہم اہک قدم آگے بڑھ کر دو قدم پیچھے چلے جاتے ہیں’۔وزیراعظم نے فرانس اور جرمنی کے ماضی کے تعلقات اور جنگوں کا حوالہ دیتے ہوئے بھارت کو مشورہ دیا کہ ‘اگر فرانس اور جرمنی ایک یونین بنا کر آگے بڑھ سکتے ہیں تو ہم کیوں نہیں’۔ان کا کہنا تھا کہ ‘اگر ہندوستان ایک قدم آگے بڑھائے گا تو ہم دو قدم آگے بڑھائیں گے’۔ساتھ ہی انہوں نے واضح کیا کہ ‘میں، ہماری پارٹی، ہماری فوج، ہمارے سارے ادارے ایک پیج پر کھڑے ہیں، ہم آگے بڑھنا چاہتے ہیں اور بھارت کے ساتھ ایک مہذب تعلق چاہتے ہیں’۔وزیراعظم عمران خان کا کہنا تھا کہ ‘پاکستان اور بھارت کے درمیان سب سے بڑا مسئلہ کشمیر کا ہے، انسان چاند تک پہنچ چکا ہے،کیا ہم کشمیر کا مسئلہ حل نہیں کرسکتے؟’ساتھ ہی انہوں نے کہا’کون سا ایسا مسئلہ ہے جو ہم حل نہیں کرسکتے، لیکن اس کے لیے ارادہ اور ایک بڑا خواب چاہیے’۔وزیراعظم نے بھارت سے مضبوط تعلقات کی خواہش کا اظہار کرتے ہوئے کہا کہ ‘بارڈر کے دونوں اطراف ایسی قیادت چاہیے جو مسئلے کے حل کا ارادہ رکھے’۔کرتار پور راہداری کے سنگ بنیاد پر سکھ کمیونٹی کو مبارکباد دیتے ہوئے وزیراعظم کا کہنا تھا کہ ‘جو خوشی مسلمانوں کو مدینہ منورہ جانے سے ملتی ہے، میں وہ خوشی آج یہاں موجود شرکائ کے چہروں پر دیکھ رہا ہوں’۔ساتھ ہی ان کا کہنا تھا کہ ‘اگلے سال جب آپ یہاں آئیں گے تو آپ کو دیکھ کر خوشی ہوگی کہ ہم ہر طرح کی سہولیات فراہم کریں گے’۔اس موقع پر انہوں نے سابق بھارتی کرکٹر اور سیاستدان نوجوت سنگھ سدھو کو سراہتے ہوئے کہا کہ ‘مجھے ان کی کرکٹ کمنٹری تو یاد ہے لیکن یہ نہیں پتہ تھا کہ سدھو کو صوفی کلام میں بھی اتنی مہارت حاصل ہے، میں اس سے بہت متاثر ہوا ہوں’۔بعدازاں سیالکوٹ میں کالج وومن یونیورسٹی کا سنگ بنیاد رکھنے کی تقریب سے خطاب کرتے ہوئے وزیراعظم عمران خان کا کہنا تھا کہ جو قومیں اپنے لوگوں اور تعلیم پر پیسہ خرچ کرتی ہیں وہ ترقی کی منازل طے کرتی ہیں۔انہوں نے کہا کہ امریکا نے 20 سال میں پوری دنیا کو پیچھے چھوڑا کیونکہ وہاں کی یونیورسٹیوں نے گریجویٹ پیدا کرنا شروع کیے، امریکا کے سپر پاور بننے کے پیچھے تعلیم کا اہم کردار ہے۔عمران خان نے سنگاپور کی مثال دیتے ہوئے کہا کہ 30 لاکھ آبادی والے ملک سنگاپور کی برآمدات 330 ارب ڈالر کے برابر ہے جب کہ 21 کروڑ آبادی کے پاکستان کی برآمدات مشکل سے 24 ارب ڈالر ہے۔ان کا کہنا تھا کہ برآمدات میں اس فرق کی وجہ سنگاپور میں تعلیم پر توجہ دینا ہے، جتنا زیادہ پیسا تعلیم پر خرچ ہوگا قوم آگے جائے گی۔وزیراعظم نے کہا کہ انفارمیشن ٹیکنالوجی کے شعبے میں دن بدن نئی چیزیں آ رہی ہیں، مصنوعی ذہانت آگے بڑھ رہی ہے اور دنیا کو بدل رہی ہے۔ان کا کہنا تھا کہ پاکستانیوں کو اعلیٰ ٰتعلیم میں آئی ٹی کی طرف لے جانا ہے، اس وقت ہمارا بڑا مسئلہ تیزی سے بڑھتی آبادی ہے، اس آبادی کو تعلیم اور آئی ٹی کی طرف لے جائیں تو یہ آبادی ہماری طاقت بن سکتی ہے۔

کراچی(ویب ڈیسک) میگا منی لانڈرنگ کیس میں سابق صدر آصف علی زرداری اور ان کی ہمشیرہ فریال تالپور نے اپنا الگ الگ بیان ریکارڈ کرادیا۔ایف آئی اے کی جانب سے طلب کیے جانے پر پہلے فریال تالپور دفتر پہنچیں تو ان کی گاڑی کو ہی دفتر کی حدود میں جانے کی اجازت دی گئی۔ذرائع کے مطابق مشترکہ تحقیقاتی ٹیم (جے آئی ٹی) نے ایک گھنٹے تک فریال تالپور سے تفتیش کی جس کے بعد انہیں جانے کی اجازت دی گئی۔پیپلز پارٹی کے شریک چیئرمین اور سابق صدر ٓآصف علی زرداری دن دو بجے جے آئی ٹی کے سامنے پیش ہوئے اور ان سے تقریباً ایک گھنٹے 20 منٹ تک تفتیش جاری رہی۔یاد رہے کہ آصف زرداری اور فریال تالپور نے منی لانڈرنگ کیس میں عدالت سے عبوری ضمانت حاصل کر رکھی ہے اور دونوں 4 مرتبہ ایف آئی اے کے سامنے پیش ہوچکے ہیں۔گزشتہ سماعت پر ایڈیشنل ڈی جی ایف آئی اے نجف مرزا نے 35 منٹ تک دونوں سے پوچھ گچھ کی جس کے دوران مختلف سوالات پوچھے گئے تاہم آصف علی زرداری نے بعض سوالات کے جواب دینے سے گریز کیا۔واضح رہے کہ جعلی اکاو¿نٹس کیس میں آصف زرداری، فریال تالپور، اومنی گروپ کے مالک انور مجید، ان کے صاحبزادے عبدالغنی مجید اور نمر مجید کے علاوہ آصف زرداری کے قریبی دوست حسین لوائی سمیت دیگر نامزد ہیں۔

اسلام آباد(ویب ڈیسک)سابق وزیراعظم نواز شریف کے خلاف فلیگ شپ ریفرنس میں تفتیشی افسر پر جرح مکمل کرلی گئی جس کے بعد احتساب عدالت نے نیب کی درخواست مسترد کرتے ہوئے سوالنامہ نواز شریف کو دینے کا فیصلہ سنادیا۔احتساب عدالت کے جج ارشد ملک نے فلیگ شپ ریفرنس کی سماعت کی تو نامزد ملزم نواز شریف کے وکیل خواجہ حارث نے تفتیشی افسر پر جرح کی۔نیب نے فلیگ شپ ریفرنس میں نواز شریف کو تحریری سوالنامہ فراہم نہ کرنے اور پہلے دفاع کو حتمی دلائل دینے کی درخواست کی تھی تاہم عدالت نے نیب کی دونوں درخواستیں مسترد کردیں۔عدالت نے فلیگ شپ ریفرنس میں شواہد کی تکمیل کا بیان دینے کے لیے کل کی تاریخ مقرر کردی اور سابق وزیراعظم کو 62 سوالات دے دیے گئے۔احتساب عدالت میں کل العزیزیہ ریفرنس کی سماعت ہوگی اور نیب پراسیکیوٹر حتمی دلائل شروع کریں گے جب کہ فلیگ شپ ریفرنس کی سماعت بھی کل تک کے لیے ملتوی کردی گئی۔

نارووال(ویب ڈیسک )وزیراعظم عمران خان نے تاریخ رقم کرتے ہوئے ضلع نارووال کے علاقے کرتارپور میں قائم گردوارا دربار صاحب کو بھارت کے شہر گورداس پور میں قائم ڈیرہ بابا نانک سے منسلک کرنے والی راہداری کا سنگِ بنیاد رکھ دیا۔کرتار پور اور بھارت کے درمیان دریا ئے راوی کو پار کرنے کیلئے پل تعمیر کیا جائے گا جس کی لمبائی تقریبا 8 سو میٹر ہو گی۔کرتار پور راہداری کی سنگ بنیاد کی تقریب میں سکھ برادری کی بڑی تعداد نے شرکت کی جو کہ انتہائی مسرور نظر ا?ئے جبکہ اس موقع پر بنائی گئی ڈاکومینٹری بھی دکھائی گئی جس میں سکھ برادری سے تعلق رکھنے والے افراد نے اپنے خیالات کا اظہار کیا جبکہ اس میں وزیراعظم عمران خان کا عہدہ سنبھالنے سے قبل کا خطاب اور نوجوت سنگھ سدھو کی دورہ پاکستان کے دوران کی جانب سے والی پریس کانفرنس کے یاد گارجملوں کو بھی سنایا اور دکھایا گیا۔وزیراعظم عمران خان کرتار پور پہنچ گئے ہیں جہاں وہ کچھ ہی دیر میں راہداری کا سنگ بنیاد رکھیں گے جبکہ آرمی چیف جنرل قمر جاوید باجوہ ، شیخ رشید اور شاہ محمود قریشی سمیت اہم رہنما بھی ان کے ہمراہ ہیں۔ پاکستان کی جانب سے اس تقریب میں شرکت کیلئے بھارتی وزیر خارجہ سشما سوراج کو بھی مدعو کیا گیا تھا لیکن انہوں نے دعوت قبول کرنے سے انکار کر دیا تھا اور کہا تھا کہ وہ نہیں آسکیں گی۔