لاہور(صدف نعیم)پنجاب انسٹیٹیوٹ آف لینگوج آرٹس اینڈ کلچر میں انٹرنیشنل صوفی کانفرنس کا انعقاد کیا گیا۔ تقریب میں صوبائی وزیر اطلاعات و ثقافت فیاض الحسن چوہان نے بطور مہمان خصوصی شرکت کی۔تقریب کا مقصد فارسی اور پنجابی زبان کی مماثلات پر اظہار خیال کر کے پنجابی زبان کو فروغ دینا تھا۔

ممبئی(ویب ڈیسک)بالی ووڈ کے معروف اداکار سنیل شیٹھی کو کرکٹ کھیلنا اتنا مہنگا پڑا کہ انہیں اسپتال جانا پڑگیا۔بالی ووڈ میں 90 کی دہائی میں ایکشن ہیرو سمجھے جانے والے اداکار سنیل شیٹھی کرکٹ کے میدان میں ڈھیر ہو گئے۔ اداکاری کے ساتھ ساتھ کرکٹ جیسے کھیل کا شوق رکھنے والے سنیل شیٹھی میچ کے دوران زخمی ہوگئے۔بھارتی میڈیا کے مطابق سنیل شیٹھی کے ساتھ حادثہ ا±س وقت رونما ہوا جب وہ ممبئی میں اپنے شوق کے مطابق کرکٹ کھیلنے میں مصروف تھے۔ حریف ٹیم کے بیٹسمین کی جانب سے بال کو ہٹ کیا گیا جسے کیچ کرنے کے چکر میں سنیل شیٹھی کا پاو¿ں سلپ ہو گیا اور وہ منہ کے بل گرگئے۔سنیل شیٹھی کو فوری طبی امداد کے لیے قریبی اسپتال منتقل کیا گیا جہاں ا±ن کے مختلف ٹیسٹ کیے گئے۔ خوش قسمتی سے سنیل شیٹھی کو بڑی چوٹ نہیں آئی تاہم ڈاکٹروں کے مطابق اندرونی چوٹ کے باعث اداکار کے منہ کے ٹشوز متاثر ہونے کا خدشہ ظاہر ہے۔تمام تر علاج کے بعد سنیل شیٹھی کو گھر جانے کی اجازت دے دی گئی تاہم اداکار کو چوٹ ٹھیک نہ ہونے تک مکمل طور پر ا?رام کرنے کا مشورہ دیا گیا ہے۔

ممبئی(ویب ڈیسک) بالی ووڈ کنگ شاہ رخ خان کے چھوٹے بیٹے ابرام خان کی صحافیوں اورفوٹوگرافرز پر چیخنے کی ویڈیو وائرل ہوگئی۔شوبز ورلڈمیں فیشن فوٹوگرافرز اورصحافی اداکار اور ان کی نجی زندگی سے متعلق ہر بات جاننے کاکوئی موقع ہاتھ سے جانے نہیں دیتے اور اداکاروں اور ان کے بچوں کے بارے میں ہر چھوٹی سے چھوٹی بات جاننے کے لیے ان کا پیچھا کرتے رہتے ہیں تاہم فوٹوگرافرز اورصحافیوں کا اس طرح پیچھا کرنا کبھی کبھی اداکاروں اوران کے گھر والوں کو پریشان کردیتاہے ایسا ہی ہوا حال ہی میں کنگ خان کے 5 سالہ بیٹے ابرام خان کے ساتھ۔بالی ووڈ کے تمام اسٹارکڈز نے حال ہی میں اداکارہ ایشوریارائے بچن کی بیٹی آرادھیا رائے بچن کی ساتویں سالگرہ کے موقع منعقدہ پارٹی میں شرکت کی۔ پارٹی میں شلپاشیٹھی، ایشادیول، فرح خان سمیت متعدد بالی ووڈ اسٹارز اپنے بچوں کے ساتھ موجود تھےاور بہت انجوائے کررہے تھے۔تاہم بالی ووڈ کنگ شاہ رخ خان کا بیٹا ابرام خان اپنے والدین کے پارٹی میں موجود نہ ہونے کی وجہ سے پریشان تھا ایسے میں پارٹی کے اختتام پر جب امیتابھ بچن کے گھر کے باہر موجود صحافیوں نے ننھے ابرام کی تصاویر لینا چاہیں تو وہ غصے میں آگیا اور صحافیوں پر چلانا شروع کردیا کہ تصاویر نہ لیں۔ابرام کی صحافیوں پر غصہ کرنے اورچلانے کی ویڈیو تیزی سے سوشل میڈیا پر وائرل ہوگئی۔ سوشل میڈیا صارفین نے فوٹوگرافرز پر غصہ کرتے ہوئے کہا کہ میڈیا نے بہت ہی غیر ذمہ داری کا مظاہرہ کیا ہے اگر بچہ اداس ہے تو اس کی تصاویر نہیں لینی چاہئیے تھیں۔

کراچی(ویب ڈیسک)پاکستانی گلوکار عاصم اظہر کا گانا ’جو تو نہ ملا‘ بھارت میں ریلیز کردیا گیا۔کوک اسٹوڈیو سے شہرت پانے والے گلوکار عاصم اظہر کا نیا گیت ’جو تو نہ ملا‘ بھارت میں ریلیز کردیا گیا۔ اس کے بول کنال ورما نے لکھے ہیں جب کہ دھن خود عاصم اظہر نے خود ترتیب دی ہے جسے ای ایم آئی ریکارڈ انڈیا کے تعاون سے ریلیز کیا گیا ہے۔گلوکار کی اس ویڈیو میں عاصم کے مد مقابل اقراءعزیز اور ولید خالد کو اداکاری کرتے دیکھا جا سکتا ہے چار منٹ 19 سیکنڈ کی ویڈیو کو اب تک ایک دن میں 15 لاکھ سے زائد شائقین دیکھ چکے ہیں۔عاصم اظہر نے بھارت میں ریلیز ہونے والی ویڈیو کے حوالے سے کہا کہ مجھے خوشی ہے کہ میرا گانا بھارت میں بھی ریلیز ہوگیا، میرا یہ گانا ’جو تو نہ ملا‘ روح کو ہلا دینے والا گانا ہے اور مجھے یقین ہے کہ سب کو میرا یہ گانا ضرور پسند آئے گا۔واضح رہے کہ عاصم اظہر نے ٹوئٹر پر شاہ رخ خان کی سالگرہ پر انہیں مبارک باد دیتے ہوئے خواہش کا اظہار کیا تھا کہ وہ ا±ن کے لیے بھی گانا گانا چاہتے ہیں۔

کراچی (ویب ڈیسک)پاکستانی ٹی وی اداکارہ اور فلم ’سات دن محبت ان‘ میں معاون کردار ادا کرنے والی میرا سیٹھی نے منگنی کرلی۔میرا سیٹھی نے انسٹاگرام پر اپنے منگیتر بلال کے ساتھ تصویر شیئر کرتے ہوئے تمام مداحوں کو منگنی کی خوشخبری سنائی۔تصویر پوسٹ کرتے ہوئے جہاں اداکارہ نے خوشی کا اظہار کیا وہیں انہوں نے اپنے منگیتر بلال کے ساتھ زندگی کے سفر کے آغاز کی اہم یادیں بھی شیئر کیں۔اداکارہ کے منگیتر بلال ان کے قریبی دوست ہیں اور دونوں منگنی سے پہلے ساتھ میں اسلام آباد، برسلز، لسبن، آمسٹرڈم، نیویارک، رینو اور سان فرانسسکو کا دورہ کرچکے ہیں۔یہی وجہ ہے کہ دونوں کی منگنی سے پہلے دوستی قائم ہوگئی تھی۔اداکارہ نے پوسٹ شیئر کرتے ہوئے جہاں پہلی ملاقات کے حوالے سے سب کو آگاہ کیا وہیں یہ بھی بتایا کہ ان کے منگیتر بلال کی والدہ کی وفات کے بعد وہ ان کے دکھ درد کی ساتھی بن گئی ہیں۔